#انت_قلبي٣
___________
الحلقة ١١٥
في فيلا مراد.
نورهان : بتعملي ايه يا أمل؟
أمل : يا شيخة خضتيني في ايه الواحد يتنحنح قبل ما يدخل على حد.
نورهان : يعني ايه؟
أمل : يعني تخبطي يا نور.
نورهان : ما أنا عماله انادي من بره ولا حد سامعني انتي هنا لوحدك امال فين مراد وزينة؟
أمل : مراد في المطار ما انتي عارفه هشام زمانه على وصول وزينة قاعدة فوق في اوضتها بتذاكر.
نورهان : بنتك دي طول عمرها عايشه كده لوحدها حاسه إنك عقدتيها يا أمل.
تخبطها أمل على ايدها : الأكل لسه سُخن استني يبرد ثم ايه عقدتها دي حسني ملافظك.
نورهان : حلوة قوي الفراخ دي متحمرة ولا مشوية ولا ظروفها ايه؟
أمل : معلش سلامة النظر.
نورهان : اه يا أختي تصدقي عيني بقالها فترة بتوجعني.
أمل : ألف سلامة عليكي.
نورهان : تسلمي يا أموله ايه بقى اللى موقفك في المطبخ مش جوزك جاي
تطلعي كده تروقي على نفسك بدل اللي بتعمليه ده.
أمل : ما هطلع اللي في الفرن واطلع أخد شاور.
نورهان : بس؟!
أمل : امال انتي عاوزاني اعمل ايه؟!
وسعي كده الصنية سُخنه.
نورهان : ايه ده انتي عامله بطاطس بالفراخ عارفه إني بحبها؟!
أمل : هههههههههههه طبعًا يا حبيبتي.
نورهان : بكاشه يا أمل الأكل دا لهشام.
أمل : ما كلنا هناكل منه هو يعني هياكل لوحده
دا زمانه يا حبيبي معدته وجعته من أكل المطاعم ده.
نورهان : غلبانه يا أمل تلاقي في واحدة بتطبخله هناك.
أمل : لا يا حبيبتي أنا واثقه في جوزي مهما تقولي.
نورهان : هههههههههههه
طبعًا طبعًا وهو معقول يعرف حد غيرك برضو.
أمل : معرفش حاسه إنك بتتريقي.. ايه ده اسمعي كده.
نورهان : اسمع ايه؟
أمل تجري تخرج من المطبخ : هشام جه.
نورهان : طب خُدي هنا رايحه فين؟!
أمل : هاخد شاور واغير هدومي دي.
نورهان : هههههههههههه طب على مهلك لتوقعي.
وتخرج نورهان توقف أمام الباب
ينزل هشام من العربية ومعاه مراد يبتسم لنورهان اللي تقرب تحضنه وتسلم عليه.
نورهان : وحشتني قوي يا هشام.
هشام : وانتي كمان يا نور اخبارك ايه؟
نورهان : أنا تمام.
مراد : ازيك يا عمتو؟
نورهات : بخير يا حبيبي.
بيدخل هشام.. زينة نازله من فوق جري.
هشام : طب حاسبي.
كانت زينة هتوقع لحقها هشام بيحضنها.
زينة : وحشتني قوي قوي يا بابي.
هشام : طب ليه الدموع دي؟
يمسح دموعها ويُقبل رأسها : وانتي كمان وحشتي بابي قوي.. امال فين أمل يا نور؟
نورهان : فوق.
بيدخل هشام ومعاه ياسمين.
هشام الابن بيسلم ويحضنه.
نورهان : اهلاااا بحبيبة قلبي تعالي يا ريجو ايه مالك؟
ياسمين : راجعه من المدرسة تعبانه شويه.
نورهان : ألف سلامة عليها.
هشام الأب بياخد ريتاج في حضنه.
ياسمينه : معلش يا عمي سيبها أصل عندها دور برد تعدي حضرتك.
هشام : لا متقلقيش تعالى يا حبيبي.
وياخد يمان يقعده على رجله.
هشام الابن : امال شادي فين؟
مراد : في الشركة هيجي بالليل.
هشام الابن : ايه الأخبار يا بابي؟
هشام الأب : كله تمام المهم انتو عاملين ايه؟
كانت أمل نازله من فوق نزل هشام يمان وقام سلم على أمل.
أمل وهي بتبكي : وحشتني قوي يا هشام.
هشام : خلاص بقى ليه العياط ده أنا كويس.
أمل بتمسح دموعها : أنت جيت قبل ميعادك ولا أنا اللي الوقت اخدني في المطبخ؟
نورهان : لأ انتي اللي الوقت اخدك عاوزين ناكل بقى.
هشام الأب : ههههههههههه
نورهان : أصل أمل عامله غدا إنما ايه تاكل صوابعك وراه ليك أنت بس.
أمل : اخص عليكي يا نور أنا قولت كده برضو؟!
هشام : طب هطلع اغير هدومي.
أمل : ياسمين معلش جهزي السفرة مع رباب.
ياسمين : حاضر يا طنط.
أمل لنورهان : وانتي اعملي أي حاجة بدل ما انتي قاعدة كده.
مراد : هههههههههههه
نورهان : عجبتك قوي
ماشي يا أمل مش هتكلم معاكي النهاردا هسيبك براحتك.
أنت تقرأ
أنت قلبي الجزء الثالث
Hombres Lobo(زواج _ حب _ صداقة) جمعت بين أبطال قصتنا لكن حياتهم مش دايماً هادئة ما تيجو نشوف الجزء الثالث من أنت قلبي و اللي مش متابع معانا من الأول يقدر يدخل على الأجزاء السابقه أو يبدأ معانا هنا 👈 حلقتين في الاسبوع..
