#انت_قلبي٣
__________
الحلقة ٤٦
في شقة سيف.
سيف : لا عادي براحتك.
مليكة : أنا عارفه إني قولتلها خلاص مسامحه بس
من جوه زعلانه ومش قادرة اصفى فهمت إننا مكوناش صحاب ولا زي الأخوات زي ما كانت بتقولي ممكن تكون مضغوطه زي ما قالت بس الكلام اللي اتقال فهمني إننا عمرنا ما ننفع نبقى صحاب أنا هتعامل معاها عادي بس هيفضل اللي في القلب في القلب قولي بقى مروحتش ليه لباباك؟
سيف : عارف إني مقصر في حق بابا بس اليومين اللي فاتوا دول كنت مضغوط جدا كل أما ارتب وقتي بعد ما اخرج من الشغل اروح لبابا بتيجي حاجه تأخرني وبابا بينام بدري.
مليكة : مش عذر يا سيف كده يزعل أكتر.
سيف : أخواتي كانوا رايحين أنا قولت لهم استنوا لما نروح مع بعض بابا هيفرح أكتر فأجلنا ليوم الجُمعة الفترة الجايه هيبقى عندي ضغط في الشغل معلش يا مليكة استحملي شويه.
مليكة : ما أنا مستحمله اهوه شوفتني قولت حاجه؟
سيف : يعني أعمل إيه ظروفي كده.
مليكة : هو أنا قولت حاجه يا سيف بس تخليني اروح بيت بابي كتير بقى الفترة الجايه.
سيف : استغلاليه.
مليكة : يعني اقعد في البيت؟
سيف : لا يا حبيبتي اعملي اللي يريحك.
مليكة : اهو يوسف يفُك عن نفسه هناك شويه.
سيف : اخاف هناك يضايقوا.
مليكة : يضايقوا دا ما هيصدقوا اصلا أخواتي بيحبوا يوسف قوي.
سيف : ههههه دا كان قبل ما يشرف سليم.
مليكة : ههههه عندك حق.
______
في التليفون 📞
علي : ههههههه صوت مين اللي عندك ده؟
رُقية : دي ريتان بايته عندنا الليلة ولمدة عشر أيام.
علي : ههههه عزلوا ولا ايه؟
رُقية : لأ عقبالك كده دكتور آدم مدعو لحضور مؤتمر طبي في أمريكا فهيغيب عشر أيام.
علي : يرجع بالسلامة.
رُقية : ايه مالك عاوز تنام؟
علي : لأ أنا صاحي.
رُقية : لأ هقفل علشان تنام وكمان انيم الهانم دي مامتها قاعدة بره منسمجه في الكلام مع تيته وسايبه بنتها تلعب في الأوضة.
علي : ههههه زي يوسف ابن أختي مبهدل اوضتي أنا ومجدي.
رُقية : تقريبا هما اللي بيسلطوهم علينا.
علي : ههههه هما مين؟
رُقية : اخواتنا.
علي : هههههه
رُقية : تصبح على خير مش عاوزه اسهرك أكتر من كده.
علي : وانتي من أهل الخير.
___________
في فيلا مراد.
هشام : بتعمل ايه يا أستاذ مراد؟
يلتفت مراد لوالدة : بابي!
هشام : ايه مالك مستغرب ليه؟
مراد : فكرت حضرتك نمت.
هشام : لأ قولت انزل اقعد معاك شويه بتعمل ايه؟
مراد : ولا حاجه قاعد.
هشام : قاعد كده مبتعملش حاجه؟
مراد : بتشات مع صحابي.
هشام : اممم واخبار الجامعة ايه؟
مراد : كويسه.
هشام : ماشي الحال يعني ولا في حاجه معصلجة معاك؟
مراد : بصراحه أنا مبستوعبش المنهج غير وقت الإمتحانات فمش هقدر اجاوب حضرتك دلوقت.
هشام : صريح قوي.
مراد : أكدب يعني؟
هشام : لا متكدبش مش هتنام؟
مراد : هنام.
هشام : طيب يا حبيبي تصبح على خير.
أمل خارجه بسرعه بتدور على هشام.
أمل من فوق : هشام أنت بتعمل ايه عندك مش هتنام؟
نظر هشام ومراد لـ أعلى فلمحت أمل مراد.
أمل : مراد أنت قاعد مع بابي فكرتك نمت.
مراد : آه أنا كنت طالع أنام اهو.
هشام بابتسامة : طب هات ايدك قومني.
مراد : اتفضل.
هشام بابتسامة : العضمه كبرت يا ابني.
مراد : حضرتك لسه شباب يا بابي.
تبتسم أمل.
هشام : ايه عندك اعتراض؟
أمل : هو أنا اتكلمت؟!
مراد : استأذنكم بقى تصبحو على خير.
أنت تقرأ
أنت قلبي الجزء الثالث
Werewolf(زواج _ حب _ صداقة) جمعت بين أبطال قصتنا لكن حياتهم مش دايماً هادئة ما تيجو نشوف الجزء الثالث من أنت قلبي و اللي مش متابع معانا من الأول يقدر يدخل على الأجزاء السابقه أو يبدأ معانا هنا 👈 حلقتين في الاسبوع..
