#أنت_قلبي٤
__________
الحلقة ٩
في التليفون.. 📞
ياسمينا : قال نازل يحل مشكلة.
فيروز : مشكلة!
طيب هتنامي ولا هتفضلي سهرانه؟
ياسمينا : أنا مش سهرانه بمزاجي يا فيروز مش جي لي نوم.
فيروز : أنا كمان مش عارفه أنام.
ياسمينا : طب وبعدين دا أنا من أول امبارح وأنا صاحيه هي نص ساعة اللي نمتها.
فيروز : سيف كلمك؟
ياسمينا : لأ.
فيروز : خايفه أتصل يضايق وهو تلاقيه مش طايق نفسه.
ياسمينا : لا هو مش هيضايق ولا حاجه بس مفيش حاجه جديدة هيقولهالك.
فيروز : وبعدين البنت كده ضاعت يا ياسمين؟
ياسمينا : مش عارفه يا فيروز متوجعيش قلبي أكتر ما هو موجوع بقولك ايه اقفلي دلوقت اشوف فريدة لتكون تعبانه عماله تتصل.
فيروز : طيب كلميها
وطمنيني.
_________
في فيلا مراد.
راجع مراد من بره كل اللي في البيت نايم دخل اوضته متوقع إن مريم هي كمان نايمه وداخل بهدوء.
مريم : شغل النور علشان تعرف تغير هدومك.
مراد : مريم.. انتي لسه صاحيه؟!
مريم : ايه مالك؟
مراد : مفيش توقعت يعني اني هرجع الاقيكي نايمه.
مريم : مستنيه لما ترجع.
مراد : ليه؟
مريم : ليه ايه هو أنت كنت عاوز ترجع تلاقيني نايمه وخلاص؟!
مراد : لا عادي براحتك.
مريم : كنت فين؟
مراد : كنت بره.
مريم : ما أنا عارفه بره فين يعني أنت مش مخلص شغل بقالك كتير مرجعتش ليه على طول.
مراد : زهقان وقولت اتمشى شويه.
مريم : كنت بتتمشى فين؟
مراد : في ايه يا مريم هو تحقيق؟!
ما كنت ما كان ما كنت هو في ايه؟!
مريم : أنت بتتنرفز عليه ليه دلوقت هو غلط لما أسألك كنت فين ولا ايه؟
مراد : يا ست كنت في ستين داهيه ها ارتحتي دلوقت انتي عاوزه مني ايه؟
مريم : أنا مش فاهمه أنت بتتخانق معايا ليه دلوقت؟!
مراد : يووووه خليكي واقفه كده ارغي مع نفسك أنا خارج وسيبلك الأوضة.
وخرج مراد من الغرفة نزل قعد تحت.
قعدت مع مريم على طرف السرير مش عارفه ايه اللي مغير مراد بالشكل ده فكرت تنزل تصالحه بس هتصالحه على ايه هي ما غلطتش (دا اللي قالته لنفسها).
___________
في شقة طارق.
مازن : ليه يا ماما ايه السبب؟
هنادي : كده وخلاص يا مازن ارجع شقتك يا حبيبي.
مازن : طارق يعني مضايق إنه قاعد لوحده وعاوز يرجع يقعد مع حضرتك؟
هنادي : طارق ابن خالك ملوش علاقة بالموضوع ده أنا اللي عاوزه كده تقعد في شقتك وتبقى تيجي تزورني من وقت للتاني وخلاص.
مازن : زهقتي مننا صح؟
هنادي : لا يا حبيبي أنا مقدرش ازهق منكم بس كل واحد يقعد في بيته وخلاص.
مازن : سهر قالت لك حاجه؟
هنادي : سهر لا قالت ولا عادت يا مازن ريحني يا ابني علشان خاطري.
مازن قام : تصبحي على خير يا ماما.
________
في التليفون.. 📞
فريدة : واخد الدهب بتاع مامتك فعلا؟
ندى : تصدقي اه اخده.
فريدة : ومامتك ادتهوله كده بكل بساطه؟
ندى : اه علشان تريح دماغها من زنه.
فريدة : مش عارفه اقولك ايه يا ندى.
ندى : أنا اللي مفروسة ولو اتكلمت الأستاذ مبيسكتش دا مفكر إني بستغل ماما شوفتي يا فريدة تفكيره وصل لحد فين؟!
فريدة : معلش يا ندى أنا مش عارفه جرا له ايه؟!
ندى : لأ هو كده من زمان بس زاد بقى بعد ما بابا توفى وجعت دماغك روحي نامي.
فريدة : أنام ايه بس دا أنا كنت في مشوار النهاردا تعبلي اعصابي مش ساعتها وأنا مش عارفه حصلي ايه حتى النوم مش عاوز يجي.
ندى : خير يا فريدة مشوار ايه ده؟
فريدة : عارفه سهر طبعاً؟
ندى : اه اعرفها.
فريدة : بنت بنتها بقى اتخطفت.
ندى : ايه انتي بتقولي ايه
اتخطفت ازاي؟!
__________
في غرفة مازن.
سهر : طب وأنا مالي؟!
مازن : سهر الكلام ده مش كلام ماما لإن أكيد ماما هتكون حابه إننا نقعد معاها معنى إنها تقول الكلام ده اللي مش حاسه من قلبها يبقى سمعت منك حاجه وفهمت إنك مش عاوزه تقعدي هنا.
سهر : على فكرة لو دا حقيقي مش هنكر لكن أنا بجد معرفش عملت ايه علشان مامتك تقولك الكلام ده وبقول هي اللي حابه تعيش لوحدها يمكن اتعودت ولاقت راحتها في كده.
مازن : محدش بيحب يعيش لوحده يا سهر غير لو كانوا اللي حواليه ناس مؤذيه فبيضطر يبعد عنهم.
سهر : أنا مأذتش مامتك في حاجه.
مازن : متأكدة؟
سهر : في ايه يا مازن أنت ليه مش عاوز تصدقني أنا ممكن اكون فعلا بقولك مش عاوزه أقعد هنا بس أكيد يعني مش هروح أقول لمامتك.
مازن : ماشي يا سهر هصدق حاضر تصبحي على خير.
_________
في فيلا آسر.
إياد : يعني محدش منكم اتعرف على الراجل ده؟
سكتت سهر ونظرت لـ آسر.
آسر : سيف معرفوش ومليكة مراحتش.
إياد : طيب كانت راحت يمكن تتعرف عليه.
منه : صح يا آسر هي ليه مليكة مراحتش؟
سهر : كانت تعبانه قوي دا علشان بس نقومها من السرير بسندها أنا واخواتها.
منه : اه يا حبيبتي حاسه بيها.
إياد : طيب مش محتاج حاجه يا آسر؟
آسر : متشكر كتر خيرك يا إياد.
إياد : على ايه هو أنا عملت حاجه وبعدين احنا اخوات يعني لو في حاجه كلمني وأنا في الخدمة.
آسر : متشكر.
إياد : طيب يلا يا منه؟
منه : طيب ماشي.
آسر : أنت هتمشي يا عمار؟
عمار : اه يا خالو حضرتك محتاج حاجه؟
آسر : لا يا حبيبي سلامتك.
إياد : تصبحو على خير.
أنت تقرأ
أنت قلبي الجزء الثالث
Lupi mannari(زواج _ حب _ صداقة) جمعت بين أبطال قصتنا لكن حياتهم مش دايماً هادئة ما تيجو نشوف الجزء الثالث من أنت قلبي و اللي مش متابع معانا من الأول يقدر يدخل على الأجزاء السابقه أو يبدأ معانا هنا 👈 حلقتين في الاسبوع..
