#انت_قلبي٣
_________
الحلقة ٤٤
في فيلا آسر.
سهر : لقمه خفيفة كده علشان تاخد الدوا.
آسر : تسلم ايدك يا حبيبتي إيه مش هتاكلي معايا؟
سهر : أكلت.
آسر : لوحدك؟!
سهر : لا أكلت مع ملك علشان أفتح نفسها للأكل.
آسر بابتسامة : عامله إيه دلوقت؟
سهر : كويسة نامت هي وسليم.
آسر : هي مليكة مجاتش؟
سهر : لأ الظاهر رجعت من عند حماها متأخر ومعرفتش تيجي.
آسر : آه.. مالك شكلك كده عاوزه تقولي حاجه.
سهر : لما تخلص أكل.
آسر : اممم يا ترى إيه الموضوع المهم اللي مخليكي قاعدة مستنيه أخلص أكل بسرعة علشان تفاتحيني فيه؟
سهر بابتسامة : لما تخلص أكل هقولك.
آسر : خلصت اتفضلي قولي.
سهر : إيه دا أنت لحقت؟
آسر : أكلت حاجه خفيفة علشان اخد الدوا أنا أصلا كنت شبعان ها ايه هو الموضوع ده؟
سهر : مجدي.
آسر : ماله مجدي ما أنا اتكلمت معاه في الموضوع بتاعه ده وخلاص هعمل اللي هو عايزة هو مقالكيش؟
سهر : هو الموضوع بخصوص مجدي بس مش هو دا الموضوع بالظبط.
آسر : امال ايه الموضوع ده؟
سهر : مجدي كلمني إنه عاوز يتقدم لبنت بيحبها.
آسر بفرحه : أهلا خليهم يهلوا ورا بعض علشان نجوزهم ويخللنا الجو يا جميل.
سهر : هههههههههههه
هو مش هيخلى قوي يعني متفرحش كده.
آسر : إيه دا ليه؟
سهر : مجدي معجب بزينة.
آسر : زينة مين؟
سهر : بنت هشام.
آسر : زينة بنت هشام صاحبي؟
سهر : ايوه.
آسر : دي لسه في ثانوية عامة على ما افتكر يعني.
سهر : ايوه هي في تالته ثانوي السنة دي.
آسر : طب وهو عاوز يتقدم لها ازاي دي لسه صغيرة.
سهر : هو قال أكلم أمل يعني ناخد منهم كلمة علشان لو حد أتقدم ولا كده يعرفوا إنها مرتبطه بس مفيش خطوبة دلوقت قبل ما تخلص امتحانات ها.
آسر : ايوه يا سهر بس هشام مش هيوافق أنا عارف.
سهر : مش هتخسر حاجه لما تقوله يا آسر وبعدين مفيش خطوبة قبل ما تخلص امتحانات زي ما قولتلك وطبعا مفيش جواز قبل ما تتخرج.
آسر : ونسيتي أهم حاجه
رأي البنت نفسها.
سهر : طبعا يا حبيبي لازم ياخدوا رأيها بس أنا بقول الكلام يبقى بينك وبين هشام دلوقت لحد ما تخلص الامتحانات وبعدين يبقى يكلمها وياخد رأيها.
آسر : مش عارف البنت صغيرة وهشام اصلا ممكن يرفض المبدأ من أساسه.
سهر : مجدي متعلق بيها وعاوز على الأقل ياخد موافقة هشام مبدأيا بس لحد ما يعرف رأيها بس أنا قولتله ميكلمهاش خالص دلوقت يسيبها تركز في مذاكرتها السنة دي مهمه بالنسبالها.
آسر : تمام هقوله بس مش واثق إن هيوافق.
سهر : قوله وخلاص يا آسر علشان بس مجدي ميقعدش يزن فوق دماغي.
آسر : حاضر.
__________
أمام فيلا مراد..
مراد وشادي نازلين من العربية كان هشام في نفس اللحظة بيركن العربية.
تنزل أمل : مراد!
شادي : إزيك يا مامي اخبارك ايه؟
أمل وهي ناظرة لمراد : أنا بخير جاي منين كده يا مراد وهي دي الساعة اللي هتروح وتيجي على طول؟!
شادي : مراد كان عندي يا مامي.
هشام : ازيكو يا شباب اخباركو إيه؟
أمل : كان عندك بيعمل إيه أنا جايه من عند هشام فكرتك نايم قولت بلاش اقلقك.
شادي : لا أنا كنت قاعد مع مراد.
أمل : طب اتفضل ادخل ولا ماشي تعالى يا هشام.
هشام : معلش علشان الوقت بس اتأخر مروح يا شادي؟
شادي : ايوه بعد إذنك يا مامي تصبحو على خير.
أمل : وأنت من أهل الخير
اتفضل ولا هتفضل واقف كده؟
مراد : جاي.
أمل : ها كنت فين؟
مراد : ما شادي قال لحضرتك.
أمل : لا قبل ما تروح لشادي كنت فين ما هو متفهمنيش إنك خارج من هنا رايح لشادي.
مراد : كنت في مصلحة كده صرفت نظر عنها.
أمل : مش فاهمه.
مراد : حوار كده انتهينا منه.
أمل : لغز دا ولا إيه على العموم مش عاوزه أعرف اتفضل علشان بابي مستنينا جوه.
________
أنت تقرأ
أنت قلبي الجزء الثالث
Hombres Lobo(زواج _ حب _ صداقة) جمعت بين أبطال قصتنا لكن حياتهم مش دايماً هادئة ما تيجو نشوف الجزء الثالث من أنت قلبي و اللي مش متابع معانا من الأول يقدر يدخل على الأجزاء السابقه أو يبدأ معانا هنا 👈 حلقتين في الاسبوع..
