#انت_قلبي٣
___________
الحلقة ١٠
مراد و في ايده الكاس و بيشرب : هههههههههههه
بابي أنا بيجي أماكن قذره زي دي مستحيل.
ماهر يكتم غيظه من رد فعل مراد على افتراءه على هشام : يا حبيبي أنت لسه متعرفش الكبت و ضغوط الشغل ممكن تعمل ايه في البني آدم طب تعرف اللي زي والدك ده سهل جدا ست من دول تجرجره و توقعه عادي
بقولك الكبت يعمل اكتر من كده.
مراد : هههههههههههه لا لا مش بابي مستحيل.
تليفون ماهر يرن.
مراد : هههههههههههه رد شوف مين ايه ده دا الجو و لا ايه؟
ههههههههههههه
مراد نظر للشاشة اللي كانت بتتصل هي (رغد ).
مراد : الشكل دا مش غريب عليه شوفتها فين شوفتها فين يا مراد؟
ههههههههههههه
مش فاكر.
ماهر : مش ممكن تكون شوفتها قبل كده.
مراد : جايز قولهم عايز كاس تاني من دا هما بخله و لا ايه؟ ههههههه
ماهر : لا أنت كفاية عليك كده علشان تقدر تروح.
مراد : اروح ايه أنا هبات هنا هههههههههههه
أصل حبيت المكان دا قوي
ههههههههههههه
ماهر : لا أنت شكلك كده تقلت في الشرب و ابوك لو شافك بالشكل دا هيقتلك.
مراد : هههههههههههه
بابي ميقدرش يضربني اصلا هههههههههههه
علشان معملهاش قبل كده.
ماهر : طب قوم معايا ليعملها معاك المرادي و بضربك علقة موت تروح فيها.
مراد : بقولك محدش يقدر يضربني هههههههههه
هات واحد كمان.
ماهر : بكره.
مراد : بكره ايه خليها الليلة يا عم.
ماهر : عم!
____________
في فيلا آسر.
مجدي وهو منفعل : قولتلك خلاص يا علي مش زعلان.
علي : طب امال بتكلمني كده ليه؟
مجدي : ما هو أنت خنقتني قولتلك خلاص الموضوع دا انتهى.
علي : طيب تصبح على خير.
مجدي : و أنت من أهله.
________
في غرفة آسر و سهر.
سهر : مش هتقفل باب البلكونة ده و تيجي تنام بقى يا حبيبي.
آسر : حاضر يا سهر.
سهر : بتكلم مين؟
سكت آسر و مردش.
سهر : آسر أنا بسألك بتكلم مين في ساعة زي دي؟!
آسر : بتصل بمنه.
سهر : ليه هو في حاجه و لا ايه؟
آسر : عادي بتصل اطمن عليها.
سهر : طيب يا حبيبي الوقت متأخر و زمانها نايمه كلمها الصبح.
آسر : اه شكلها نامت فعلا.
سهر : مش عارفه تصرفاتك غريبة على العموم أنا هنام تصبح على خير.
__________
واقفه أمل في البلكونة قلقانة و منتظره مراد اللي اكتشفت إنه مش موجود في البيت.
أمل : كده يا مراد بقى تسيبنا نايمين و تخرج
أعمل إيه أنا دلوقت هشام لو قام ملقهوش هيعمل مشكلة طب ما يعمل مشكلة مش يمكن وقتها يفوق و يتربى بقى.
البوابة تتفتح و يدخل مراد لوحده من غير العربية يشاور للسواق يدخلها.
تحت امام الفيلا..
الشخص اللي كان سايق عربية مراد يركب عربية ماهر.
خلاص يا باشا دخل.
ماهر : تمام بينا احنا بقى.
أمل تنزل بسرعة أول ما تلمح ابنها : كنت فين يا مراد و ايه اللي اخرك لحد دلوقت؟!
ايه دا انت واقف مش على بعضك ليه؟
مراد : قصدك حد فكني
ههههههههههههه ما أنا على بعضي اهو يا مامي.
أمل : يا ادي المصيبه و كمان جاي شارب القرف ده.
مراد : مفيش قرف و لا حاجه دي كانت حاجه لذيذة قوي.
أمل : قدامي يلا قبل ما بابي يصحى.
مراد : اه بالحق يا مامي
بابي طلع دماغه كبيرة قوي ههههههههههه
أمل : يلا قدامي ليك نفس تهزر.
مراد : لا أنا محدش يزعقلي أنا همشي لوحدي.
لسه بيمشي أول خطوة كان هيوقع تسنده أمل و تطلع بيه على اوصته.
مراد : يااااه الواحد حاسس إنه عايز يتقتل نوم ايه ده
و قبل ما يكمل كلامه كان مغمض عيونه و نام.
قعدت أمل جانبه على السرير و هي بتبكي.
أمل : ليه كده يا مراد
احنا عمرنا ما قصرنا في تربيتك شوفت مين من اخواتك بيعمل اللي بتعمله دا أنا و باباك منستحقش كده دا لو هشام عرف ممكن يحصله حاجه.
و بعدها قامت بسرعه : هشام لو حس إني مش موجودة جانبه هيقوم يدور عليه و لو شاف مراد في الحاله دي هتبقى مصيبه.
قامت بسرعه خرجت من الغرفة و رجعت تنام في سريرها هشام مقلقش و كان نايم اتنفست بـ ارتياح و بعدها رجعت تفكر في حال ابنها و ايه اللي وصله للي هو فيه ده؟
____________
أنت تقرأ
أنت قلبي الجزء الثالث
Hombres Lobo(زواج _ حب _ صداقة) جمعت بين أبطال قصتنا لكن حياتهم مش دايماً هادئة ما تيجو نشوف الجزء الثالث من أنت قلبي و اللي مش متابع معانا من الأول يقدر يدخل على الأجزاء السابقه أو يبدأ معانا هنا 👈 حلقتين في الاسبوع..
