أنت قلبي الجزء الثالث

الحلقة ١٥٠

#انت_قلبي٣
__________
الحلقة ١٥٠

في الاوتيل.
مريم : مالك يا حبيبي؟
مراد : مجدي مصمم يكتبوا الكتاب يوم الخميس الجاي.
مريم : طب وايه المشكلة حقك تفرح.
مراد : افرح!
انتي عارفه دا معناه ايه؟
مريم : اوعى تقول مش هنحضر كتب الكتاب.
مراد : انتي عاوزه تنزلي القاهرة دلوقت؟!
مريم : مش بتقول يوم الخميس والنهاردا الخميس يعني باقي اسبوع نسافر الأربع.
مراد : بس احنا ملحقناش كنت عاوز اخد اسبوعين على الأقل.
مريم : مفرقتش كتير احنا جايين الأحد لـ الأربع الجاي كده اتناشر يوم حلوين يا مراد.
مراد : انتي شايفه كده؟
مريم : ولا تزعل نفسك نبقى نيجي هنا تاني قريب قبل الصيف ما يخلص.
مراد : قلبك أبيض وهو دكتور هشام هيسيبني اجي هنا دلوقت!
مريم : هههههههههههه مش مهم خليها للصيف الجاي.
مراد ينظر لها : انتي ازاي حلوة كده؟
مريم : حلوة ازاي يعني؟
مراد : ضحكتك جميلة قوي كل حاجه فيكي تجنن.
مريم : هههههههههههه
وفتحت الشنطة وبتخرج شريط حبوب.
مراد : بتعملي ايه؟
مريم : ميعاد الأقراص دي مش احنا متفقين مفيش حمل دلوقت؟
مراد : بصراحة يعني أنا مش حابب الموضوع ده بس طالما دي رغبتك خلاص.
مريم : خلينا حتى لحد ما الترم الأول يعدي علشان أكون مطمنه.
مراد : اوك براحتك.. كنا بنقول ايه بقى؟
مريم : هههههههههههه إن ضحكتي حلوة.
مراد : لأ كان في كلام تاني بعدها.
مريم : هههههههههههه ما خلاص بقى يا مراد.
مراد بيقرب منها : هههههههههههه مش مجدي عكنن عليه بس أنا ولا بيهمني.
مريم : هههههههههههه
__________
في منزل عُمر.
عُمر : وروحتي عملتي ايه؟
ياسمينا : قعدت مع بنتك شويه فهمتها إنها تعيش ودي مامته وملهاش غيره والست عايشه في حالها لا بتعكنن عليها زي الحموات التانية ولا ليها علاقة بيها اصلا بالعكس دي مريحاها وبنتك اللي مصممه تنكد علي نفسها بالعافية وأنا نازله قعدت مع حماتها قعدت تعيط وتقولي أنا مش عاوزه غير سعادتهم وابني يطل عليه بس وهو نازل وهو طالع ونادين مصممه يشتري ليها حته بره وأنا عاوزه ابني يقعد معايا افرض جرا لي حاجه ملاقيش حد جنبي حسيت إني عاوزه اطلع أكل بنتك دي بـ اسناني.
مجدي : غبيه نادين بنتك دي ولو فضلت كده جوزها هيزهق منها ومن المشاكل اللي عملاها مع مامته.
ياسمينا : تستاهل أنا مش هزعل من أي حاجه يعملها جوزها البنت دي بحس إنها جاحده دا أنا خايفه لو تعبت ولا جرا لي حاجه متجيش تشوفني ولا تطل عليه.
عُمر : بعد الشر عليكي يا ياسمين.
ياسمينا : اوعى تسيبني يا عُمر اديك شايف البنات كل واحدة في بيتها واهو حتى مرات الابن عاوزه جوزها ليها لوحدها كإن الأم دي لا خلفت ولا ربت ولا عملت حاجه خالص.
عُمر : هقول ايه بس يمكن بعد الكلام اللي قولتيه ليها تكون رجعت لعقلها.
ياسمينا : رجعت ولا مرجعتش هي الخسرانه خليها ماشيه ورا دماغها لما تتخبط في الحيط هتفوق.
عُمر : عاوزنها تفوق قبل ما تتخبط يا ياسمين كل كام يوم كده تروحي تشقري عليها وتاخدي حاجه لحماتها أو لنادين وهي تديها لحماتها كإنها هدية يعني جايباها ليها علشان توصل المحبه بينهم.
ياسمينا : من نفسها لازم تعمل كده.
عُمر : نعلمها يا ياسمين ما هو في وشنا هيقولوا إننا اللي مربيين بنتنا على كده.
ياسمينا : خلاص ماشي.
_______
في التليفون... 📞
سيف : وأنت فين دلوقت؟
حمزة : خرجت اتمشى.
سيف : لوحدك؟
حمزة : يا عم روقان مش عاوز حد معايا.
سيف : طب اهدا كده وروق وكل حاجه هتبقى تمام.
حمزة : عارف يا سيف أنا أوقات بفكر اهد كل حاجه واستريح من اللي أنا فيه ده بس الولاد بيصعبوا عليه ومش عارف اعمل ايه مع نادين مش عاوزه تفهم إن دي أمي.
سيف : هتفهم يا حمزة ولو مفهمتش هاجي اكسر دماغها.
حمزة : لا يا عم وعلى ايه الطيب احسن لا تكسر ولا تعمل يعني أنا مش قادر اعمل كده بس دا مش اسلوبي سلام بقى.
سيف : مع السلامة.
مليكة داخله بكوباية شاي : الشاي يا سيف.
بياخد منها الكوباية : تسلم ايدك يا حبيبتي.
مليكة : هطلع اذاكر شويه والولاد نايمين.
سيف : طب ما تيجي تذاكري هنا.
مليكة : مش هينفع جربت ومنفعش ما أنت عارف.
سيف : لا متقلقيش أنا كمان هذاكر شويه.
مليكة : ازاي هنشوشر على بعض هطلع وخليك أنت هنا.