#انت_قلبي٣
_________
الحلقة ١٦٨
مراد داخل من باب الشقة يقفله برجله كان في ايده حاجات حطها على السفرة
ومريم نايمه على الكنبه في الريسبشن وبنتها نايمه في سريرها الهزاز..
مراد بهمس بيحاول يصحيها : مريم.. مريم..
مريم قومي أنا جيت.
مريم بصوت ناعس : مين؟
مراد بهمس : مين ايه؟! أنا مراد.. قومي بقى مش كلمتيني اجيبلك كباب وكفته قومي جيبتلك كل حاجه يلا.
مريم : افصل الغساله.
مراد : غسالة ايه انتي بتحلمي؟!
مريم : المياه على الأرض نشفها.
مراد : حاضر هعمل كل حاجه بس قومي أنا مصدقت لاقيت البنت نايمه يلا بقى.
مريم بتشاور بـ ايدها وهي نايمه : حاسب هتتزحلق.
مراد يُقبل يدها : فيكي الخير يا حبيبتي إنك خايفه عليه قومي بقى اغسلي وشك.
مريم : الحنفية بتنقط.
مراد : هصلحها حاضر قومي ابوس ايدك.
تفتح عينها : ايه دا مراد أنت جيت؟!
مراد بتنهيدة : اه جيت انتي ايه اللي لابساه ده؟
مريم : امال هلبس ايه؟
مراد وهو مضايق : تلبسي ايه؟! ولا حاجه يا مريم حلو كده قومي يلا اغسلي وشك علشان تاكلي.
مريم بتنام تاني : بس أنا شبعانه.
يقرب يشيلها ويوفقها قدام الحمام : اخلصي يلا.
مريم بتهرش في دماغها : هو فين الباب؟
مراد يخبط عليه : اهو هو دا الباب.
مريم وضعت ايدها على بؤها : اشششش مريم نايمه.
مراد : طب كويس إنك عارفه في ايه يا حبيبتي انتي عندك حساسيه؟
مريم : معرفش شكل الكنب اللي كنت نايمه عليها فيها نمل.
مراد : نمل!
مريم ادخلي خُدي شاور.
مريم : هصحصح وأنا عاوزه أنام.
مراد : اعملي اللي تعمليه.
وتركها وراح قعد على كرسي السفرة وبيفتح الأطباق.
مراد : يلا يا مريم انتي نمتي جوه ولا ايه؟
مريم واقفه على الحوض وكانت عينها مغمضه : حاضر جايه اهو.
دلقت شويه مياه على وشها ونشفت وخرجت.
مراد : بتعملي ايه كل ده؟!
مريم بتقعد على الكرسي : بغسل وشي.
مراد : كل ده؟!
مريم : مراد اسمع بقى أنا تعبانه وهاكل لقمه صغيرة وادخل أنام.
مراد : نعم!
مريم : ايه في ايه؟!
مراد بتنهيدة : اعملي اللي تعمليه يا مريم انتي اصلا من وقت ما جات مريم وانتي مش مهتميه بيه خالص.
مريم : وبعدين بقى اعمل ايه اديك شايف مريم بتفضل صاحيه طول وأنت بتقوم الصبح تنزل شغلك.
مراد بابتسامة ويُقبل يدها : ميرو نايمه دلوقت.
مريم : طيب وبعدين؟
مراد : هتاكلي وهقوم اعملك كوباية شاي تظبط دماغك.
مريم : متشكره يا حبيبي.
تركها بتاكل وقام وقرب من بنته الصغيرة : ابوس ايدك متقوميش دلوقت.
التفتت مريم ليه بابتسامة.
مراد : هوا هروح اعملك شاي.
ويطير قُبله في الهوا تردها مريم.
___________
في فيلا كريم.
فريدة قاعدة على الكرسي أمام المرايا
وبابتسامة : كان يوم جميل.
كريم كان قاعد على السرير مشغول في حاجه على الموبايل.
فريدة : كريم بقولك اليوم كان جميل قوي النهاردا.
كريم : فعلا يا حبيبتي.
فريدة تقرب من كريم وتاخد الموبايل : بتعمل ايه؟
كريم : كنت بقرا مسج جيلي بس ايه الطقم الحلو ده؟
فريدة بفرحه : عجبك؟
كريم : اه حلو قوي مشوفتوش عليكي قبل كده.
فريدة : أصله جديد أول مرة ألبسه.
كريم : بس مخليكي قمر.
فريدة : هههههههههههه هو برضو ولا أنا؟
كريم : انتي طبعاً يا حبيبتي.
بتقعد فريدة بتنهيدة.
كريم : في ايه مالك؟
فريدة : مفيش.
كريم : هههههههههههه هتنامي يعني؟
فريدة : أنت شايف ايه؟
كريم : أنا شايف إننا نقفل النور ده اهو نوفر كهربا
ههههههههههههه
فريدة : هههههههههههه
أنت تقرأ
أنت قلبي الجزء الثالث
Người sói(زواج _ حب _ صداقة) جمعت بين أبطال قصتنا لكن حياتهم مش دايماً هادئة ما تيجو نشوف الجزء الثالث من أنت قلبي و اللي مش متابع معانا من الأول يقدر يدخل على الأجزاء السابقه أو يبدأ معانا هنا 👈 حلقتين في الاسبوع..
