#انت_قلبي٣
___________
الحلقة ١٩
في شقة شادي.
هشام : ايه جو الانتقام اللي انت عايش فيه دا يعني لما حاولت تقرب منك انت بقى عاوزه تديها درس علشان متكررهاش دا تاني ما خلاص بقى لـ المرادي تبقى بجد.
شادي ' يا حبيبي تقرب ايه دي جايه تقولي عاوزه اسافر لإن عبد الرحمن وحشني دي بقى كان يترد عليها بـ ايه؟
_______
في شقة هشام.
ياسمين : بصراحه غلطانه يا ليلى أنا فكرتك هتقوليله إنك بتحبيه و متقدريش تستغني عنه مش تروحي تقوليله عاوزه اسافر.
ليلى : و اهيه اللي فيها مش فاهمه عاوزه اغير جو هو قافل من ناحيتي و مش مديني فرصه نفتح حتى صفحة جديدة مع بعض و كأنه مصدق و بيتلكك على أي غلطه لو فعلا مبقتش فارقه معاه يخلص بقى و يطلقني لإني بصراحه مبقتش قادرة استحمل الوضع دا اكتر من كده.
ياسمين : متقوليش كده يا ليلى شادي بيحبك و بصراحه انتوا الاتنين بتعندوا مع بعض لازم واحد فيكم يتنازل و يصارح التاني بحقيقة مشاعره ابدأي انتي الأول.
ليلى : ليه أنا مش هو؟
ياسمين : مبتتقاسش كده يا ليلى دا مش هيقلل من كرامتك في شيء.
ليلى : و بعد ما اعترفله اني بحبه يجي يقولي بس أنا مبحبكيش صح؟
ياسمين : عمره ما هيقولك كده بالعكس.
ليلى : واحد عاوز يطلق اروح أنا اقوله بحبك؟!
هيفهم إن انا ضعيفه و خايفه يطلقني و يسيبني.
ياسمين : خلاص خليه يطلقك و انتي بتحبيه اهو دماغك دي اللي هتوديكي في داهيه طب مطلقش ليه طالما هو عاوز كده؟
ليلى ' معرفش.
ياسمين : بجد مش عارفه و لا بتستعبطي؟!
ليلى : مش عارفه يا ياسمين و خلاص.
ياسمين : بلاش عند بقى و لايميها يا ليلى.
____________
في فيلا آسر.
آسر' ايه دا انتي زعلانه بجد!
سهر : بقولك سيب ايدي بقى.
آسر : في ايه يا سهر مالك؟
سهر : مفيش ممكن بقى تخليك في حالك.
آسر : حالي هو حالك يا سهر.
سهر : كان زمان.
آسر : ياااه شكلك واخده على خاطرك قوي أنا عملت ايه قوليلي؟
سهر : مفيش حاجه يا آسر ممكن تسيبني أنام.
آسر : تصبحي على خير يا حبيبتي.
_________
في شقة طارق.
مازن قاعد بيذاكر و مريم تعدي من جانبه.
مازن : عاوزه حاجه يا مريم؟
مريم : لأ
هو انت بتعمل ايه؟
مازن :"بذاكر هكون بعمل ايه يعني؟!
مريم : هي حياتك كده كلها مذاكرة؟!
مازن : عاوزه ايه قولي؟
مريم : يعني ملكش اي اهتمامات تانية؟
هنادي جايه ناحيتهم : عاوزه ايه من اخوكي؟
سبيه يذاكر.
مريم : هو أنا عملتله حاجه ما هو قاعد بيذاكر اهو؟
هنادي : و انتي مبتذاكريش ليه؟
مريم : كنت باخد استراحة.
هنادي : من ايه يا حبيبتي؟
مريم : من المذاكرة يا ماما.
هنادي : اه المذاكرة اللي أنا مشوفتهاش دي اتفضلي يا حبيبتي على اوضتك ذاكري انتي ثانوية عامه.
مريم : يا ادي ثانوية عامه اللي كل شويه اسمعها دي.
هنادي : بنت!
سعديه : اسمعي كلام أمك يا مريم مفيش حاجه هتنفعك غير شهادتك يا حبيبتي أمك فضلت تقول عاوزه ادخل الجامعة لحد ما دخلتها و اهي بقيت تدرس للعيال هناك كمان.
مريم : عيال ايه بس يا تيته دول شباب كبار.
هنادي : طيب بدل الرغي بتاعك ده ادخلي ذاكريلك كلمتين ينفعوكي.
مريم : حاضر.
دخلت مريم جوه.
سعديه : خدي بالك من بنتك شويه يا هنادي.
هنادي ' ليه بتقولي كده يا أمه.
سعديه : بقولك كده و خلاص ما هي البنت لازم عينك تبقى عليها قد كده.
نظر مازن لوالدته و تابع مذاكرة.
________
أنت تقرأ
أنت قلبي الجزء الثالث
Lobisomem(زواج _ حب _ صداقة) جمعت بين أبطال قصتنا لكن حياتهم مش دايماً هادئة ما تيجو نشوف الجزء الثالث من أنت قلبي و اللي مش متابع معانا من الأول يقدر يدخل على الأجزاء السابقه أو يبدأ معانا هنا 👈 حلقتين في الاسبوع..
