#انت_قلبي٣
_________
الحلقة ١٣١
في شقة شادي.
بعد ما فتحت ليلى لياسمين.. ومسحت دموعها وقعدت.
ياسمين : ما تفهميني يا ليلى حصل ايه قلقتيني بتعيطي ليه يا حبيبتي؟
وقعدت ياسمين جنبها وبتطبطب عليها.
ليلى : عادل مات يا ياسمين عادل مات.
ياسمين : اخوكي؟
هزت ليلى رأسها وهي بتبكي.
ياسمين اخدتها في حضنها وبتواسيها.
في فيلا كريم.
ياسمينا : ما هو الموضوع واضح اهو يا فريدة مش محتاج تفكير هي الست دي اللي عملت كده؟
سهر : لو هي اللي أجرت البلطجيه دول يا ياسمين
مكانتش هددت فريدة بولادها وجوزها.
داليا : وليه متقوليش إنها بتحاول تبعد الشبهه عنها
لإن تارها مع فريدة هي اللي ضربتها بالقلم مش حد تاني يبقى هتأذي ولادها ولا جوزها ليه؟
ياسمينا : ما تقولي حاجة يا أمل.
أمل : هاه بتقولي حاجة يا ياسمين؟
داليا : مالك يا أمل في حاجة ولا ايه؟
أمل : زينة متصله بيه استدعوها في النيابة علشان الحوار إياه ده.
سهر : مش كنا خلصنا منه
في حاجة جدت؟
أمل : معرفش.. هشام هيروح معاها وأنا لو لحقتهم هروح لهم على هناك.
فريدة : طب قومي روحيلهم يا أمل أنا آسفة إني بقولك كده بس شايفاكي قلقانه روحي يا حبيبتي اطمني.
أمل : شويه كده.
فريدة : لأ انزلي دلوقت.
سهر : طيب يا فريدة أنا هنزل مع أمل.. ألف سلامة عليكي يا حبيبتي.
فريدة :"تسلمي يا سهر.
سهر : بينا يا أمل.
أمل : معلش يا فريدة هبقى اجيلك بكرة.
فريدة : تشرفي في أي وقت.
أمل : سلام عليكم.
يرددوا : وعليكم السلام.
تنزل سهر وأمل وتقعد ياسمينا وداليا مع فريدة.
فريدة : عامله ايه يا ياسمين؟
ياسمين : بخير يا فريدة.
داليا : رجعتي بيتك امتى؟
ياسمينا : امبارح.
فريدة : معلش يا ياسمين
ممكن الازازة اللي جنبك.
ياسمينا : حاضر.
________
أمام قسم الشرطة.
هشام نظر لشادي.
شادي : في حاجة يا بابي؟
هشام : كلم ليلى تروح المستشفى.
شادي : تروح المستشفى ليه؟
هشام : كلمها قولها اجهزي هاجي اخدك واوصلك للمستشفى تشوفي اخوكي.
شادي : حضرتك بتقول ايه يا بابي؟!
هشام : اللي سمعته
اسمع الكلام وكلمها يلا دلوقتي..
شادي وهو مضطر : حاضر.
في شقة شادي.
ليلى بتمسح دموعها : معلش يا ياسمين وجعت دماغك.
ياسمين : اخص عليكي يا ليلى ايه الكلام اللي بتقوليه ده احنا مش اخوات ولا ايه واللي يزعلك أكيد يزعلني.
ليلى : أنا عارفه إن الكل مبيحبوش وأنا كمان مش حابه اللي عمله ولو كان سليم وقتها كنت ضربته ويمكن كنت عملت زي زينة وأكتر بس في حاجة جوايا بتخليني أحزن عليه
أنا كنت نسيت إن ليه أخ كانت مامي زمان قوي قالت لي الموضوع ده
لكن نسيته لإني مشوفتوش صحيح بينا اختلافات كتير لكن هيفضل الرابط اللي ما بينا موجود وهو إن اسمنا واحد يصعب عليه لما أعرف إن ليه أخ واشوفه
واتعامل معاه فجأة كده يحصل اللي حصل ده
ظهر في حياتي فجأة واختفى بسرعة وراح خلاص علشان افضل فاكرة ملامحه وأحزن على اللي عمله في نفسه.
ياسمين : حبيبتي ماتكلفيش نفسك أكتر من طاقتها انتي ملكيش دخل في كل اللي حصل ده.
ليلى تقوم تاخد التليفون اللي كان بيرن.
ليلى : الو..
شادي : ايوه يا ليلى اخبارك ايه؟
ليلى بتنهيده : كويسه.
شادي : طب اجهزي علشان رايحين مشوار كده مع بعض.
ليلى : مشوار ايه ده؟
شادي : لما نوصل هناك هقولك قدامي تلت ساعة واكون عندك.. سلام.
وقفل شادي التليفون.
ياسمين : طيب يا ليلى محتاجة مني حاجة؟
ليلى : متشكرة يا ياسمين.
ياسمين : اجمدي كده وشدي حيلك.. سلام عليكم.
وفتحت ياسمين باب الشقة وخرجت.
ليلى بتكلم نفسها : مشوار ايه ده؟!
_________
في التليفون.. 📞
مراد : يعني مش من حقي أعرف إنك مسافرة البلد؟!
مريم : قولتلك يا مراد أنا مكونتش أعرف اصلا إننا مسافرين ماما صحتني الفجر وقالت لي يلا علشان مسافرين البلد وإن تيته تعبانه.
مراد : ألف سلامة عليها
لو أعرف كنت جيت معاكم أقول لك احنا لسه فيها اجيلك على هناك بس اديني العنوان واوصفيلي البلد دي فين بالظبط؟
مريم : ملوش لزوم خليك مستريح احنا احتمال نيجي بكرة الصبح ماما هتحاول تقنع تيته إنها تسافر معانا.
مراد : ياريت علشان تفضلي قاعدة هنا متروحيش البلد دي تاني.
مريم : مش للدرجة دي يعني دي بلد ابويا وجدي.
مراد : يعني هشوفك بكرة؟
مريم : احتمال.
مراد : لأ اكديلي علشان ابقى عارف.
مريم : طب ما أنا مش متأكدة علشان أاكدلك.
مراد : طيب سلميلي على تيته وأهل البلد كلهم.
مريم : كلهم!
مراد : ستات بس.
مريم : نعم! ستات دا ايه؟!
مراد : ما هو مينفعش اقول لك سلميلي على الرجاله يعني.. اقول لك متسلمليش على حد.
مريم : لأ تيته وبس.
مراد بابتسامة : تمام.. مين بينادي عليكي؟
مريم : أصل واقفه فوق السطوح وفي بنت هنا جارتنا كنت بلعب معاها لما باجي هنا وأنا صغيرة وكانت بتحضر معايا الدروس في ثانوي ما هي قدي.
مراد : اه وبعدين انتي حكيتي ليه تاريخ حياتها.
ههههههههههههه
مريم : بتشاورلي عاوزني اروح اقعد معاها.
مراد : طب ما تيجي هي؟!
مريم : حاضر هقولها.. سلام.
مراد : مع السلامة شويه كده وهكلمك.
مريم : ماشي.
وقفلت مريم التليفون مع مراد وبتشاور لجارتها اللي واقفه قصادها على سطوح بيتهم.
أنت تقرأ
أنت قلبي الجزء الثالث
Vârcolaci(زواج _ حب _ صداقة) جمعت بين أبطال قصتنا لكن حياتهم مش دايماً هادئة ما تيجو نشوف الجزء الثالث من أنت قلبي و اللي مش متابع معانا من الأول يقدر يدخل على الأجزاء السابقه أو يبدأ معانا هنا 👈 حلقتين في الاسبوع..
