#انت_قلبي٣
_________
الحلقة ١٤٧
في الاتيليه.
مريم : ما هو أنا يا ماما مش هلبسه مفتوح من هنا كده هلبس تحتيه بضي.
هنادي : لا برضو شكله مش عاجبني على العموم انتي حره.
مريم : أنا تعبت هروح اقعد.
أمل بابتسامة : روحي استريحي يا مريم.
تركتهم مريم وراحت قعدت على الكرسي بعيد عنهم شويه.
كان مراد قاعد منتظر يخلصوا.
مراد : ايه فين الفستان؟
مريم : ماما مش عاجبها أي حاجه بختارها.
مراد : طب وريني كده انتي اختارتي ايه.
مريم : مش هقوم يا مراد تعبت من اللف والوقفه
وكل شويه اقيس على الفاضي.
مراد : طب ما كنتي توريني وأنا أقول لك حلو ولا لأ.
مريم : خلاص بقى اصلا كلهم مش عاجبين ماما.
وفجأة وقفت ونظرت ناحية فستان عاجبها : يا خبر!
مراد : ايه في ايه؟
مريم : هي عدد الأصفار دي مظبوط ولا في لخبطه من أصحاب الاتيليه؟
مراد بابتسامة : عجبك؟
مريم : بس غالي قوي.
مراد : ولو بمليون جنيه هشتريه ليكي طالما عاجبك.
مريم : بص يا مراد أنا فكرت بدل يعني ما نشتري فستان غالي ولـ ليلة واحدة يعني وهما ساعتين والفستان بيتركن العمر كله فاحنا نوفر الفلوس دي نشتري حاجه مهمه نكون محتاجينها ونأجر فستان الفرح وتخلص الليلة ونرجعه لـ أصحابه وهو دا ترشيد استهلاك يعني احنا بنعمل حاجه مفيدة للطبيعة.
مراد : هههههههههههه بس دي ليلة في العمر والفستان ده هيفضل يفكرنا بـ أجمل وأهم يوم في حياتنا وأنا بصراحه مش عاوز انسى لحظة في اليوم ده وتكون موجودة كل حاجه بتفكرني بالليلة دي.
مريم : ايوه بس الفساتين هنا غالية قوي وأنا...
يقاطعها مراد : عاجبك الفستان ده تقسيه؟
مريم : أقولك تعالى نروح مكان تاني تكون فيه الأسعار مهاوده شويه.
مراد : عاجبك ولا لأ؟
مريم بتنظر للفستان وعاجبها لكن بتفكر في السعر وشايفه إنه غالي قوي.
مراد يشاور للبنت اللي شغاله في الاتيليه تيجي ويطلب منها تنزل الفستان وتاخده مريم تقيسه.
هنادي اول ما تشوف الفستان مع مريم : اهو كده بقى حلو ده منه فيه الكم والرقبه وكل حاجه مش تقولي بضي.
أمل : يجنن يا مريم ولسه كمان لما تقيسيه هيبقى احلى واحلى.
مريم بابتسامة : متشكره قوي يا طنط.
وتدخل مريم تقيس الفستان.
مراد لزينة : بتعملي ايه؟
زينة : الفستاتين هنا فظيعه بفكر اشتري واحد للسنة الجايه.
مراد : هههههههههههه
ايش معنى؟
زينة : خايفه اجي الاقيهم خلصوا.
مراد : هتلاقي احلى كمان
متستعجليش خلي كل حاجه في وقتها هتبقى احلى.
زينة بابتسامة : تعرف عندك حق.
في شقة طارق.
هنادي : يجنن يا حبيبتي ألف مبروك.
كانت مريم بتقيس الفستان مرة تانية علشان هنادي تتأكد إنه حلو عليها.
هنادي : ايه دا يا بنتي؟
مريم : ايه يا ماما في ايه؟
هنادي : دا سعر الفستان ولا الموديل بتاعه ولا تاريخ ميلاد مين فهميني؟
مريم : لا دا سعر الفستان هو حضرتك مشوفتيش الأسعار هناك عامله ازاي؟
هنادي : ايوه بس متوقعتش السعر دا أبدًا.
مريم بابتسامة : مراد قال لي لو بمليون جنيه هيشتريه برضه.
هنادي بابتسامة : يا حبيبتي عقبال الفرحه الكبيرة.
مريم : اللي هي ايه دي الفرحه الكبيرة يا ماما؟
هنادي : لما تتخرجي يا حبيبتي.
مريم : أنا في الفرح دلوقت يا ماما.
هنادي : هههههههههههه
أنت تقرأ
أنت قلبي الجزء الثالث
Werewolf(زواج _ حب _ صداقة) جمعت بين أبطال قصتنا لكن حياتهم مش دايماً هادئة ما تيجو نشوف الجزء الثالث من أنت قلبي و اللي مش متابع معانا من الأول يقدر يدخل على الأجزاء السابقه أو يبدأ معانا هنا 👈 حلقتين في الاسبوع..
