أنت قلبي الجزء الثالث

الجزء الرابع /الحلقة ١٤

#أنت_قلبي٤
___________
الحلقة ١٤

هنادي : قولتلك مفيش حاجه يا أمل أنا كويسه مريم افتحي الباب.
تخرج مريم من جوه تفتح باب الشقة.
مراد بابتسامة : ازيك يا مريم؟
مريم مردتش.
هنادي : مين يا بنتي؟
أمل : تعالى يا مراد.
مراد لمريم : ايه ادخل؟
تركته مريم ودخلت جوه.
هنادي : ادخل يا ابني واقفل الباب.
يدخل مراد : سلام عليكم.
يرددوا : وعليكم السلام.
هنادي : اقعد استريح.
نظر مراد ناحية باب غرفة مريم وهو بيقعد.
أمل بتنادي عليها : مريم.. يا مريم.
خرجت مريم من جوه : نعم يا طنط.
أمل : تعالي يا بنتي عاوزاكي.
تقرب مريم منها.
أمل : اقعدي جنب جوزك.
مريم نظرت لمراد : معلش يا طنط هقعد جنب ماما.
نظر مراد لوالدته.
أمل : براحتك يا بنتي.. ها طلباتك ايه؟
مريم : أنا مليش طلبات يا طنط غير إن مراد يسيبني في حالي.
مراد بانفعال : يعني ايه اسيبك في حالك دي؟!
مريم : أنت مش عايش حياتك وملكش علاقة بينا خلاص سيبني بقى براحتي أنا كمان.
مراد : عايش براحتي دي معناها الأول علشان اعرف بس يعني ايه اسيبك براحتك؟
مريم : أنت عارف عملت ايه.
مراد : تمام غلطت علشان كنت بروح المكان ده بس خلاص انتهينا.
مريم : يعني ايه انتهينا؟
مراد : يعني بطلنا خلاص عاوزني أقولك ايه؟!
مريم : أنت بتصلح غلط لكن كسر قلبي دا بقى ازاي اداويه؟
مراد : كسرت قلبك فين مش لما يكون ليه علاقة بيها أصلا كل اللي حصل ده كان صدفه.
مريم : مكالمة التليفون كانت صدفه ومقابلتكم مع بعض قدام الشركة كمان كانت صدفه ومرواحك يوم والتاني المطعم عندها كمان كان صدفه؟!
أنت للدرجة دي مستهيفني؟!
مراد : انتي عاوزه تعملي مشكلة وخلاص قولتلك انتهينا.
أمل نظرت لهنادي : ها يا هنادي قولتي ايه؟
هنادي : في ايه يا أمل بالظبط؟
أمل : في إنه يعتذر لها ويتصافوا بقى.
مريم : بس أنا مش هقدر انسى اللي حصل يا طنط.
مراد : معلش تعالي على نفسك وحاولي تنسي ونبقى نتعاتب في بيتنا.
مريم : مش جايه معاك.
مراد : لو خرجت الليلة من هنا وانتي مش معايا مش راجع تاني.
مريم : براحتك.
نظرت هنادي لـ أمل..
أمل : ادخلي يا مريم هاتي الولاد من جوه وروحي مع زوجك يلا.
مريم : موافقه على كده يا ماما؟
هنادي ساكته مش عارفه ترد تقول ايه.
مريم بتبكي : يعني عاجبك كل يوم والتاني اجيلك اشتكي منه وهو ولا في دماغه عادي.
مراد : انتي عاوزه تعملي مشكلة صح؟!
قولي إنك عاوزه تعملي مشكلة لو البيت هنا واحشك وعاوزه تقعدي اتفضلي يا مريم خليكي عندك ووقت بقى ما تزهقي ابقي تعالي لوحدك لإني مش جاي تاني.
وقام مراد هيمشي.
أمل : استنى هنا رايح فين؟
مراد : همشي يا مامي.
أمل : استنى خُد مراتك معاك.
مراد نظر لمريم : ها هتيجي معايا؟
قامت مريم ودخلت جوه وقفلت الباب بالمفتاح سمع مراد صوت الباب وهو بيتقفل استأذن ونزل.
أمل : عقلي مريم يا هنادي.
هنادي : اعقلها أعمل إيه يعني يا أمل اطردها من البيت؟ هي مش عاوزه تمشي معاه خليها براحتها بقى.
أمل : كده طيب بعد اذنك.