#انت_قلبي٣
___________
الحلقة ١٣
ندى : فريدة هو مفيش شغلانه غيري؟
روحي شوفي عيالك و سبيني في حالي.
فريدة : هو أنا مقولتلكيش محمد في الجامعة و زين خرج من المدرسة على الدروس و روحت اخدت جميلة من الحضانة أما جوزي بقى فأنتي عارفه ملوش مواعيد يعني احتمال يبات في المستشفى.
ندى : كويس إنك عارفه إنه بيشتغل مش بيصرمح زي اخوكي.
فريدة : نفسي يتصرمح.
ندى : نعم!
فريدة : معايا يا بنتي انتي فهمتي ايه!
ههههههههههههه
يعني عايزة اسهر أنا و هو بره البيت منرجعش غير الفجر نرجع ننام على طول.
ندى : معلش يا حبيبتي حالتك صعبه أنا عارفه.
فريدة : طب ما تتصرمحي انتي و جوزك سيباه يتصرمح مع غيرك ليه؟
ندى : علشان اخوكي بيحب الرمرمه فهمتي؟
فريدة : شوفي يا ندى ما انتي لو فضلتي على كده هيحصلك حاجه صدقيني واجهيه و المرادي قوليله لو تكررت مفيهاش رجوع هدديه علشان يخاف.
ندى بسخريه : يا حنينه و انتي اخوكي بيخاف قوي الحقيقة.
فريدة : هيخاف يا ندى.
ندى : بقولك ايه سيبك من اخوكي و تعالي ناكل الأكل احلى مليون مرة.
فريدة : هاكل حاجه خفيفة كده.
ندى : بقولك ايه يا فريدة جربتي احساس انك تموتي؟
فريدة : ايه السؤال العجيب ده؟
ندى : عارفه بيجيلي افكار غريبه كده و خصوصا بالليل بقالي فترة بحلم إني ميته و في حد بيعيط جنبي.
فريدة : بيقولوا العياط في الحلم فرج اتفائلي خير.
ندى : عارفه أنا مش خايفه من الموت نفسه بس خايفه من اللي بعد الموت.
فريدة : و بعدين بقى هقوم و اسيبك أنا مش ناقصه لسه كريم من يومين حكيلي على ست توفيت بعد الولادة و من وقتها و أنا قلبي واجعني على ولادها متوجعيش قلبي علشان خاطري يا ندى.
ندى : يا بنتي أنا بفضفض معاكي أنا عندي اتنين و أربعين ممكن اموت دلوقت؟
فريدة : يوووه بقى أنا ماشيه.
ندى : استني مأكلتيش.
فريدة : مش عايزة أكل.
و فتحت فريدة باب الشقة و خرجت.
_________
في محلات إياد.
عمار : طبعا غلطان.
إياد : غلطان في ايه بقى؟
عمار : هي و جوزها أحرار مع بعض يا إياد لما تيجي تشتكي ابقى ادخل لكن هي مشتاكتش مزعل نفسك ليه بقى؟
إياد : يا حبيبي تشتكي ايه بقولك الموقف كان قدامي أنا مسكت نفسي بالعافية.
عمار : لا كنت اضربه.
نظر إياد لعمار بدهشه.
عمار : بكلمك بجد على فكرة كنت اضربه و شوف وقتها سهر هتبقى مع مين فيكم.
إياد : فهمت عايز تقول ايه.
عمار : هما بيتخانقوا و بيتصالحوا يا إياد ركز في حياتك انت بس.
إياد : معلش أصلك مش هتفهم الاحساس ده.
عمار : لا فاهمه يا إياد علشان سهر بنت خالتي زي ما هي بنت خالتك بس الفرق إن بحكم عقلي لكن أنت قلبك دا اللي موديك في داهيه رايح تعاتب مراتك في انفعال اخوها على مراته اللي هي عارفه كل حاجه بلاش نضحك على بعض.
إياد : انت بتقول ايه الحوار دا قديم و انتهينا منه خلاص.
عمار : لأ بيتهيألك الست لو عدى مية سنه عمرها ما بتنسى طب عندك وفاء رغم اني مليش كلام مع علا و عمرنا ما اتفقنا نهائي و دايما العلاقات متوتره الا إني بشوف من نظراتها ليه لما بتيجي بس سيرة علا احس بغيرتها مع انها بتحاول متظهرش دا لكن الست هي الست فمتقوليش دا حوار قديم و الكلام دا الستات حساباتهم غيرنا تماما.
إياد : معقول دا يكون سبب ردها عليه بالاسلوب ده؟!
عمار : دا أكيد مليون في الميه رغم إنكم دخلتوا في حوار نسب عمل شبكه ما بينكم هيفضل الاحساس دا موجود فخد بالك بقى سلام.
إياد : رايح فين؟
عمار : هروح فين يعني راجع البيت.
إياد : طيب توصل بالسلامة.
عمار : كنت عايز حاجه و لا ايه؟
إياد : لا خلاص طالما مروح بقى.
عمار : ممكن اقعد اتغدا معاك عادي.
إياد : هههههههههههه
أنت عرفت منين؟
عمار : يا ابني انا اكتر واحد فاهمك في الدنيا دي كلها.
إياد : مش هتتغدا في البيت؟
عمار : لو هتطلبلي كوارع هقعد اتغدا معاك.
إياد : هههههههههههه كل اللي أنت عايزة موجود اطلب أنت بس.
___________
أنت تقرأ
أنت قلبي الجزء الثالث
Werewolf(زواج _ حب _ صداقة) جمعت بين أبطال قصتنا لكن حياتهم مش دايماً هادئة ما تيجو نشوف الجزء الثالث من أنت قلبي و اللي مش متابع معانا من الأول يقدر يدخل على الأجزاء السابقه أو يبدأ معانا هنا 👈 حلقتين في الاسبوع..
