#انت_قلبي٣
___________
الحلقة ١٠٨
في شقة أكرم.
حازم : أنا كنت بقول ملوش لزوم يعني تتعبي نفسك وتوقفي في المطبخ أكيد راجعه تعبانه.
ندى : وأنت سيبت بابا قاعد لوحده وجاي المطبخ تعمل ايه؟!
حازم : أصل حاسس بيكي هاتي اما اساعدك.
ندى : هي الحنيه دي عمرها ما ظهرت عليك قبل كده ليه يا ترى إيه السبب؟
حازم : السبب إني كنت مغفل.
ندى : عندك حق بس ليه اعتراض على كنت دي علشان مازلت يعني.
حازم : مش هزعل منك قولي زي ما انتي عاوزه
ما هو محدش يكون عنده الجوهرة دي ويفرط فيها برضه.
ندى : وسع وبطل رغي علشان أنا مش هسمع حاجة.
حازم : بقولك ايه يا ندى ما تيجي اكتب عليكي ونرجع لبعض.
ندى : وسع يا حازم.
حازم : على فكرة أنا بتكلم جد.
ندى : وأنا مبهزرش بقولك وسع.
حازم : يعني مفيش أمل؟
ندى : ريح نفسك يا حازم علشان متتعبش.
حازم : كده طيب.
خرج حازم من المطبخ وبيفتح باب الشقة وخارج.
ميرفت : رايح فين يا ابني الغدا جهز مش كده يا ندى؟
حازم : لا معلش يا طنط مش هقدر أكل ابقي قولي لعمي إني نزلت.. سلام عليكم.
ميرفت : وعليكم السلام.
ندى بتوزع الأطباق على السفرة.
ميرفت : هو حصل ايه يا ندى؟
ندى : محصلش حاجة يا ماما.
ميرفت : امال ماله حازم نزل كده فجأة مع إن باباكي قال هيتغدا معانا.
ندى : كل واحد حر يا ماما.
ميرفت : اديتي له كلمتين من اياهم برضه؟!
ندى : حقي ولا مش حقي؟
ميرفت : خفي عليه شويه طالما عرف غلطته وجاي طالب السماح.
ندى : اللي زي حازم ده بيتمسكن لحد ما يتمكن يا ماما دي مش عشرة سنه ولا اتنين دي عشرة أكتر من خمسة وعشرين سنه خلاص حفظته.
ميرفت : امال أنا ليه شايفه إنك يعني كنتي مياله للصلح؟
ندى : مش هيحصل.
ميرفت : طيب براحتك يلا يا أبو علي الغدا جهز.
أكرم خارج من الغرفة.
أكرم : امال فين ولادك يا ندى؟
ندى : تالا فوق وأنس نايم في شقة عمي عماد.
أكرم : طب ما تقولي لهم يجوا يا بنتي وفين حازم؟
ميرفت : مشي.
أكرم : مشي راح فين؟
_____________
في فيلا آسر.
سهر : افهم ايه يا منه أنا مفهمتش حاجة من كلام وليد.
منه : هو قال إنه اتحط تحت الملاحظة ودا إجراء طبيعي بعد العملية يا سهر.
سهر : مش كل الوقت دا يا منه أنا كنت معاه في أول عملية عملها وخرج بعدها بفترة بسيطة خالص وكلمني وكلمته لكن اللي بيحصل دا لازم يخليني اقلق خصوصا إن اللي بنكلمهم مش صرحه وحاسه إنهم مبيقولوش الحقيقة.
في غرفة الصالون.
سيف : هو في حاجة يا مليكة؟
مليكة : مفيش.. تعالى يا يوسف رايح فين؟
يوسف : هلعب مع سليم.
مليكة : هات سليم وتعالى ألعب هنا.
يوسف : عاوز ألعب بله.
مليكة : اسمع الكلام وهاته يلعب هنا أو ألعب لوحدك.
سيف : ما تسيبيه يا حبيبتي يلعب ما كان ما هو عاوز انتي خايفه نقعد مع بعض لوحدنا ولا ايه؟
مليكة : وهخاف من ايه؟
سيف : معرفش بس دا احساسي.
مليكة : تشرب ايه؟
سيف : مش عاوز اشرب حاجة خليكي قاعدة.
لحظات من الصمت ومحدش عاوز يتكلم.
سيف يقوم : طيب هقوم أنا بقى.
مليكة : مع السلامة.
نظر سيف لها ومتكلمش وقام خرج.
اتنهدت مليكة وهي مدمعه.
بعد شويه.
ملك نازله من فوق : سليم سليم... يوسف مشوفتش سليم؟
يوسف : بيلعب في الجنينة.
تجري ملك تلحق ابنها قبل ما يبهدل نفسه لإن الشجر بيتسقي.
أنت تقرأ
أنت قلبي الجزء الثالث
Werewolf(زواج _ حب _ صداقة) جمعت بين أبطال قصتنا لكن حياتهم مش دايماً هادئة ما تيجو نشوف الجزء الثالث من أنت قلبي و اللي مش متابع معانا من الأول يقدر يدخل على الأجزاء السابقه أو يبدأ معانا هنا 👈 حلقتين في الاسبوع..
