#انت_قلبي٣
___________
الحلقة ١٨
في شقة سيف.
سيف بانفعال : و بعدين بقى يا مليكة؟!
مليكة : اعمل ايه مش عايز ينام يا سيف.
سيف : خلاص اخرجي بيه بره لحد ما ينام.
مليكة : اخرج بره؟!
سيف : يا حبيبتي هو انتي هتخرجي بره الشقة؟!
اقصد يعني تقعدي قدام التليفزيون تحكيله حدوته
أي حاجه من دي لحد ما ينام ماما كانت بتعمل معايا كده.
مليكة : يا سلام و أنت فاكر دا ازاي يعني و انت قد يوسف؟!
سيف : يا حبيبتي كنت كبير شويه.
مليكة : طول عمرك متعب بقى.
سيف : هتفوقيني و أنا عايز أنام شوفي حل مع يوسف يا مليكة و بعدين ابقي تعالي.
مليكة : كده طيب.
سيف : مش انتي اللي عايزة بيبي استحملي بقى.
مليكة : اه كنت عاوزه بيبي بس كنت فاكره إنك هتساعدني.
سيف : اساعدك ازاي و أنا عندي شغل الصبح بدري؟!
مليكة : خلاص خارجه يلا يا استاذ عاجبك كده اهو بابي طردني من الأوضة.
سيف ببتسامة : نيميه و تعالي يا حبييتي.
مليكة : لا يا حبيبي دا بعدك خليك نايم لوحدك بقى.
سيف يغطي نفسه و يحاول ينام.
مليكة ' أنت مصدقت بقى!
يلا يا استاذ يوسف شايف بابي بيعمل ايه انت بتضحك على ايه دلوقت؟
اه ما انت اطمنت إن بابي نام فارتحت دلوقت اتفضل قدامي.
كمال يضع الكتاب على الطاولة و ببتسامة : اهلااا
سهران ليه يا استاذ يوسف؟
مليكة : مش عاوز ينام جربت معاه كل الحيل إنه ينام ابدا.
كمال : تلاقيه بس شبعان نوم سبيه ينام ساعة واحدة بس بالنهار علشان ينام بالليل لكن بالنظام دا انتي اللي هتتعبي يا بنتي.
مليكة : بحاول يا عمي بس مهما اعمل مفيش فايدة بينام برضو غصب عني اعمل لحضرتك حاجه تشربها؟
كمال : لا اعملك انتي حاجه تشربيها أنا استكفيت الليلة.
مليكة : متشكرة لحضرتك أنا بحاول أمنع أي مشروبات فيها سكر و في نفس الوقت مبعرفش اشرب حاجه من غيره فبطلت اشرب بقى.
كمال : هههههههههههه
تعالى يا استاذ نلعب مع بعض.
مليكة : حضرتك واضح إنك كنت داخل تنام اتفضل أنا سهرانه مع يوسف لحد ما ينام.
كمال ' لا مكونتش داخل أنام ولا حاجه اقولك سبيلي يوسف أنا هلاعبه لحد ما ينام وبعدها اخده ينام في حضني ايه رأيك؟
مليكة : مش عارفه أصل يوسف بيقلق كتير و هو نايم.
كمال ببتسامة : طيب و فيها ايه أنا سهران مورييش أي حاجه و هدى بتروح الصبح بدري تفتح المحل فبنام اغلب الايام براحتي.
مليكة : هقعد مع حضرتك مش هعرف أنام و يوسف صاحي.
_________
في المستشفى.
كريم : انتي عرفتي عنوان المستشفى منين؟
فريدة : كلمت أنس لما مردتش عليا و هو اللي قالي ندى عامله ايه يا كريم؟
كريم بحزن : ادعيلها يا فريدة.
فريدة : عندها ايه طمني؟
كريم : جلطه دماغيه.
فريدة : ايه؟
كريم : هي فاقت قدرنا نلحقها بس للاسف الجلطه أثرت على الحركة و لسه هنشوف الدكاترة هيقولوا ايه.
فريدة : ممكن تعمل جلسات علاج طبيعي و تخف صح يا كريم؟
كريم : احتمال.
فريدة : طيب يعني هي تقدر تتكلم دلوقت صح اقدر ادخلها؟
كريم : لسه يا فريدة مش دلوقت اقعدي استريحي.
فريدة تلتفت الناحية التانية متجاهله حازم اللي جاي ناحية كريم يتكلم معاه..
تركتهم و راحت قعدت جنب عمها و مرات عمها.
فريدة : متخافيش يا طنط كريم طمني ندى كويسه متقلقيش.
ميرفت : ادعيلها يا فريدة احسن أنا مش مطمنه.
فريدة تمسد على كتف عمها.
ينظر لها و هو مدمع.
__________
في الصباح في فيلا آسر.
آسر بينهي مكالمة تليفون : اوك مع السلامة.
و ينظر لسهر اللي كانت متابعة المكالمة : ايه يا سهر في ايه؟
سهر : أنت مسافر ألمانيا؟!
آسر : ايوه ما انتي عارفه إن عندي متابعة كل ست شهور.
سهر : خلاص اجي معاك.
آسر : تيجي معايا فين بس يا سهر هي رحلة؟!
سهر : هاجي معاك متحاولش.
آسر نظر لها بتنهيده.
سهر : متتنهدش قوي كده ما هو أنا رجلي على رجلك مش هتسافر لوحدك.
آسر : و الولاد؟
سهر : علي و مجدي مش صغيرين و البنات كل واحدة في بيت جوزها.
آسر : علي و مجدي هيعيشوا ازاي من غيرنا؟
سهر : يا حبيبي هما كبار يقدروا يتصرفوا و مليكة و ملك من وقت للتاني هيبقوا يجوا يشقروا عليهم و ممكن منه كمان تقعد معاهم.
آسر : اه منه تسيب بيتها و بنتها و جوزها و تيجي تقعد مع الولاد !
سهر : دي فترة بسيطه يا حبيبي هو احنا هنعيش هناك؟!
آسر : طب ما تقعدي هنا مع الولاد و اهو تاخدي بالك من الشغل بالمرة.
سهر : أنت مش عاوزني اسافر معاك ليه؟
آسر : تفتكري هيكون ليه؟!
سهر بتنهيده : خلاص يا آسر أنا مش هجبرك إنك تاخدني معاك..
______
أنت تقرأ
أنت قلبي الجزء الثالث
Hombres Lobo(زواج _ حب _ صداقة) جمعت بين أبطال قصتنا لكن حياتهم مش دايماً هادئة ما تيجو نشوف الجزء الثالث من أنت قلبي و اللي مش متابع معانا من الأول يقدر يدخل على الأجزاء السابقه أو يبدأ معانا هنا 👈 حلقتين في الاسبوع..
