أنت قلبي الجزء الثالث

الحلقة ٥٨

#انت_قلبي٣
__________
الحلقة ٥٨

تكملة المكالمة بين كريم وسمر 📞
سمر : دكتور خلينا نشوفك قريب.
كريم : كفاية إني اعرف إنكم بخير أنا بكلم جدو بيطمني عليكم معلش بس هقفل علشان في مكالمة لازم ارد عليها ضروري.
سمر : اوك.. تصبح على خير.
قفل كريم مع سمر.
كريم : ايوه يا حبيبتي.
فريدة : كريم وأنت جاي عدي على أي صيدلية تقابلك هات دوا خافض للحرارة اللي هنا خلصان.
كريم : دا لجميلة؟
فريدة : ايوه.
كريم : درجة حرارتها كام؟
فريدة : تمانية وتلاتين ونص خايفه تزيد علشان كده بعملها كمادات علشان تنزل بسرعة بس هات الدوا علشان خلصان.
كريم : حاضر تابعيها بس بالكمادات أنا نص ساعة وجاي مسافة السكة.
فريدة : اوك توصل بالسلامة.
وقفل كريم مع فريدة وقام خرج من المكتب علشان يلحق يشتري الدوا لجميلة مع إن المستشفى فيها لكن شايف إن دا حق المرضى اللي في المستشفى.
___________
في التليفون 📞
سيف : مليكة لـ اخر مرة بسأل لك اجي اخدك ولا هتباتي عندك؟
مليكة : هبات يا سيف وكام يوم كمان مش الليلة بس.
سيف : اوك هكلم باباكي بقى اشوف رأيه ايه في تصرفات بنته.
مليكة : تمام بس متنساش إنك وأنت بتقول له قول كل حاجه بقى اوك؟
سيف : تصبحي على خير يا مليكة.
ويقفل التليفون.

في غرفة آسر وسهر.
آسر : يعني ايه هتبات الليلة هنا؟!
سهر : وفيها ايه يا آسر انت مش عاوز بنتك تبات في بيتك؟
آسر : سهر انتي عارفه أنا أقصد ايه خايف تكون زعلانه مع جوزها.
سهر : هي بس حبيت تغير جو فقالت تيجي تقعد معانا يومين كده تفُك عن نفسها.
آسر : زي المرة اللي فاتت كده؟!
سهر : لو عاوز تسأل لها وتعرف منها روحلها.
آسر قعد بتنهيدة : تلاقيها نامت دلوقت.
سهر : طيب تصبح على خير متقفلش النور زي امبارح.
آسر : مش هعرف أنام.
سهر : خلاص اشوف أنا مكان أنام فيه.
آسر : تعالي هنا رايحه فين؟
سهر : علشان تعرف تنام مش هنام أنا في الضلمه.
آسر بتنهيدة : حاضر هسيب النور شغال تعالي نامي.
سهر رجعت علشان تنام.
آسر : عملتي ايه عند الدكتورة؟
سهر : ولا حاجه.
آسر : متكتبش على أي علاج؟
سهر : أنت عارف إن علاجي مش الدوا يا آسر.
آسر : ايه اللي تاعبك يا سهر؟
سهر : كل حاجه.. كل حاجه تعباني.
آسر : حتى أنا؟
سهر سكتت.
آسر : واضح إن المشكلة فيه.
سهر : لأ بس أنا اللي مش مبسوطه
مش عارف اعيش كويس مع إن عندي كل حاجه تخليني اعيش مستريحه بس ليه مش عارفه ارتاح بقى دا السؤال اللي هيجنني.
آسر : علشان بتفكري كتير
لما بتعيشي الواقع بتبقي كويسه حاولي تنسي الماضي يا حبيبتي.
سهر : مش عارفه ازاي هنسى كل السنين دي من عمري؟!
قرب منها واخدها في حضنه : ينفع تنسي معايا كل حاجه؟
سهر : ياريت بس أول ما تنام هقوم على شريط حياتي كله بيدور في دماغي مش قادرة انساه.
آسر : طب اعمل ايه؟
سهر : تصبح على خير.
آسر : طب متناميش بعيد عني.
سهر بابتسامة : حاضر.
__________
في فيلا مراد.
مراد بيسأل نفسه : ازاي هشام اتولد بعد ما مامي اتجوزت عمو شادي بست شهور؟
عادي يعني يا مراد ما ليلى
.... وسكت.
وبعدها سأل نفسه : أنا ازاي اصلا اسمح له إنه يتكلم كده عن مامي
وبعدين معاك يا مراد معقول هتفضل تعاند كده لحد ما تخسر كل أهلك؟!
في اسأله كتير محتاج إجابة ليها بس لو سألت مامي ممكن تروح فيها
ازاي اصلا هقولها الكلام ده؟!