#انت_قلبي٣
_______
الحلقة ١٦٩ (قبل الأخيرة).
في المستشفى.. في غرفة تالا.
تالا : ماما هو ابني فين؟
ندى : في الحضانة يا بنتي.
تالا : هو تعبان؟
كريم : لأ علشان بس حجمه صغير هيقعد كام يوم في الحضانة.
شهد : مبروك يا كريم يتربى في عزك يا ابني.
كريم يُقبل يدها.
ندى : عامله ايه يا شهد دلوقت؟
شهد : بخير يا ندى هتسموا ايه؟
كريم : تالا كانت عاوزه تسمي أكرم.
نظرت ندى لشهد.
شهد : حلو يا ابني المهم يخرج من المستشفى دي بخير.
يخبط حازم وعلاء.
شهد : طيب يا كريم أنا ماشيه.
كريم : هوصلك يا ماما.
شهد : لا يا حبيبي خليك معتز أخوك معايا هيوصلني.
ندى : ماشي يا شهد مع السلامة.
وخرجت شهد وابنها اخد بـ ايدها.
كان دخل علاء يطمن على تالا.
_________
تاني يوم الصبح في شقة طارق.
هنادي بتستعد تلبس علشان خارجه رايحه لسهر (مرات ابنها) تسلم عليها قبل ما تسافر وبتفتح باب الشقة تلاقي سهر في وشها.
سهر بابتسامة : سلام عليكم.
هنادي : وعليكم السلام..
ادخلي يا سهر.
سهر : ازيك يا طنط اخبارك ايه كنتي خارجه ولا ايه؟
هنادي : تمام يا حبيبتي ... اه كنت جايه لك اسلم عليكي.
سهر : يا خبر يا طنط دا أنا اللي اجي لحضرتك.
هنادي : تسلمي يا حبيبتي تشربي ايه؟
سهر : ولا أي حاجه مش عاوزه اتعب حضرتك.
هنادي : لا يا حبيبتي هتتعبيني في ايه.
دخلت هنادي تعمل حاجه لسهر تشربها.
فدخلت سهر وراها وهنادي واقفه على البوتاجاز حضنتها سهر.
ملحقتش هنادي تلتفت ليها.
سهر وبتبكي : هتوحشيني يا طنط.
هنادي بتطبطب عليها : وانتي كمان يا سهر ابقي سلميلي على مازن وخلوا بالكم من بعض يا بنتي.
سهر : حاضر يا طنط أنا كان نفسي نقعد مع بعض هنا بس حضرتك عارفه الظروف بقى.
سهر : لا يا حبيبتي ولا يهمك انتي تروحي تقعدي مع جوزك دا مكانك.
سهر : هو حضرتك قاعدة لوحدك؟
هنادي : طارق بايت مع مامته أصلها هنا.
سهر : طب ابات معاكي الليلة.
هنادي : لا يا حبيبتي هو أنا هخاف يعني وبعدين انتي لسه قدامك حاجات عاوزه تعمليها روحي في النور انتي جايه لوحدك؟
سهر : لأ عمار اخويا وصلني وراح بس يقضي مصلحة قريب من هنا وهيبقى يعدي عليه لما يخلص.
هنادي : كده طيب نبقى نتعشا كلنا مع بعض بقى.
وقربت هنادي تفتح التلاجة علشان تعمل أكل.
سهر : لا يا طنط هو مش هيتأخر متتعبيش نفسك.
هنادي : يعني هو أنا مش هاكل يا بنتي؟!
بعد شوية وبعد خروج سهر مع عمار أخوها هنادي قاعدة على السفرة سرحانه وبعدها فاقت قامت بسرعة تلم الأطباق وتشطب المطبخ وقفلت النور دخلت اخدت شاور وبعدها بتفتح نور الغرفة علشان تنام قعدت على السرير وهي عينها بتدور في الشقة من مكانها.
هنادي : ايه يا هنادي مالك البيت فضي عليكي لأ بس طارق جاي بكرة وبعد ما طارق يخلص امتحانات أخر السنة هتقعدي برضو القعدة دي؟
هروح لمريم اهو اقعد معاها لحد ما جوزها يجي
بس هروح كل يوم دي ممكن تضايق هعمل أي حاجه هو أنا يعني هقعد كده يلا يا هنادي نامي علشان تصحي الصبح تطمني على بنتك.
_________________
بعد مرور حوالي ٦ شهور.
في فيلا مراد.
متجمعين كلهم على السفرة..
الجميع : سنة حلوة يا جميل... هفففففف.
والكل بيطفي الشمع.
الجميع : بيسقف هههههههههه
ياسمين بتشغل النور.
مراد : استنى يا يزيد مريم(الصغيرة) اللي هتقطع الأول.
أمل : حاسب ايدها والسكينة يا مراد.
مراد : متقلقيش يا مامي
ايوه.... كده شطوره يا مريوم دي بقى من نصيب جدو ماشي؟
بتاخد ليلى الطبق من مراد وتقدمه لخالها اللي كان قاعد بعيد شويه عنهم.
هشام بابتسامة : متشكر يا ليلى.. كل سنة وانتي طيبة يا مريم.
مريم : شاوري لجدو وقولي وأنت طيب يا جدو.
هشام : يلا شدي حيلك بقى يا مريم.
مريم لمراد : اااه يا أنا مش عاوزه حد يفكرني.
مراد : هههههههههههه خلاص هانت بقى اتفضل يا هشام.
هشام (الأخ) : كل سنة وانتي طيبة يا حبيبة عمو عجبتك الهدية؟
مراد : جميلة قوي قولي لعمو شكرًا.
تبتسم مريم (الصغيرة) وايدها في بؤها.
شادي : وأنا وأنا فين هديتي؟
مراد : هههههههههههه موجودة اهي قولي لعمو شادي شكرًا يا عمو.
شادي : هههههههههههه شيلي صباعك ده.
مراد : مش عارف اعملها ايه احط عليه شطة؟
ياسمين : لأ سيبها هي لوحدها هتشيله من بؤها ريتاج كانت كده.
ريتاج : أنا؟!
هشام : ايه نسيتي ولا ايه؟ ههههههههه
أنت تقرأ
أنت قلبي الجزء الثالث
Werewolf(زواج _ حب _ صداقة) جمعت بين أبطال قصتنا لكن حياتهم مش دايماً هادئة ما تيجو نشوف الجزء الثالث من أنت قلبي و اللي مش متابع معانا من الأول يقدر يدخل على الأجزاء السابقه أو يبدأ معانا هنا 👈 حلقتين في الاسبوع..
