#انت_قلبي٣
__________
الحلقة ٢٣
بعد كام يوم...في شقة أكرم.
ندى : يا خبر قولتيله كفاية اللي انا شايفاه معاك!
فريدة : ما هو نرفزني يا ندى انا شايفه زين مبيذاكرش زي محمد هو بيعمل أقصى حاجه عنده دا مجهوده اعمل ايه امسكله عصايا وأفضل سهرانه جنبه حضرته جاي من بره بيسأل زين فين قولتله نايم قالي نايم ليه بدري الليلة مش هيذاكر لاقيتني بصرخ في وشه مش عارفه عملت كده ازاي بس انا مضغوطه قوي و هو كمان محملني المسؤلية شدي على الولد شويه مينفعش يفضل نايم كل الوقت دا
اتأخر ليه في الدروس مفروض يجي معرفش الساعة كام قولتله اقعد بقى جنبه علشان انا خلاص زهقت.
ندى : طب اهدي بس دا شيطان و دخل بينكم.
فريدة : يا ندى عاوز الولد يطلع نسخه منه لازم الولاد يبقوا دكاترة طيب ليه ميكنوش حاجه تانية
لأ الحاجه التانية دي تيجي بعد ما يدخلوا الكلية اللي هو عاوزها.
ندى : معلش هو عاوز لولادة افضل شيء و الكلية دي بالنسباله هي الأفضل يعني مش عاوز حاجه وحشه ليهم و بعدين متنسيش إن كريم لوحده في المستشفى و عاوز ولاده جنبه يديروا المستشفى معاه كل اب بيفكر نفس التفكير دا يا فريدة.
فريدة : ندى انا تعبت بصراحه مش قادرة اعمل مجهود زيادة عن كده غير إنه طول الوقت اصلا مش عايش معانا..
ندى : جوزك بيعمل عمل إنساني مش مجرد مهنه بيروح يستغلها و يرجع اخر الليل ينام زي اغلب الناس في ناس مبيهتموش اصلا بمصدر دخلهم دا جاي منين اهو المهم يروح يشتغل و يقبض لكن جوزك بيساعد ناس كتير تخيلي كم الدعا اللي بياخده من الناس يوميا فريدة جوزك جدع و انسان بجد الست العاقله هي اللي تعرف تمتص غضب جوزها و تشتري دماغها بأنها تقول نعم و حاضر و خلاص حتى لو معملتش بيهم المهم تقولهم و خلاص و جوزك حساس اكيد الكلام وجعه.
فريدة : ايوه قولتله كفاية العيشه اللي معيشهالي انا راجل و ست في البيت لدرجة انك نسيت إني ست اصلا.
ندى : انتي ست مفتريه و ظالمه بقى هو مبيعاملكيش كست هههههههه
اه يا اني امال اخوكي دا يتقال عليه ايه؟ بلاش بطر يا فريدة و اطلعي صالحي جوزك.
فريدة : ندى انا نازله افضفض معاكي علشان تهوني عليه بس هتقوليلي اطلع اصالح و معرفش ايه
هقولك لأ لاني مقولتش كل اللي جوايا دا جزء صغير قوي من اللي حساه.
ندى : مش بقول شيطان و دخل بينكم اطلعي يا فريدة مش عاوزاكي معايا.
فريدة : انتي بتطرديني يا ندى؟!
ندى : يا بنتي بطردك ايه انتي كمان اطلعي شقتك يلا عاوزه انام.
فريدة : ماشي بس ابقي افتكريها.
ندى : هههههههههههه امشي يا عيله اطلعي نامي و سبيني انا كمان انام تصبحي على خير.
___________
في فيلا آسر.
في التليفون 📞
سهر : بتعمل ايه؟
آسر : باكل.
سهر : بتاكل ايه؟
آسر ببتسامة : شكلك جعانه.
سهر : جعانه و مليش نفس.
آسر : هههههههه تيجي ازاي دي فهميني؟
سهر : هترجع امتى يا آسر؟
آسر : يومين كده.
سهر : يعني لسه محجزتش؟!
آسر : لما الدكتور يقولي.
سهر : يقولك ايه؟
آسر سكت.
سهر : يقولك ايه فهمني؟
آسر : طب بس اهدي.
سهر : هديت قول يلا.
آسر بتنهيده : لما اطمن الأول على العملية.
سهر : عملية ايه؟
ما تنطق يا آسر.
آسر : ممكن تهدي يا سهر.
سهر : آسر انت عامل عملية؟
آسر : ايوه.
سهر بتصرخ..
آسر : سهر اهدي علشان خاطري اهدي بقى الولاد هيصحوا.
سهر بتبكي : ازاي متقوليش؟!
آسر : محبتش اقلقك.
سهر : ياااه للدرجادي مبقتش مهمه بالنسبالك
حتى مهتمتش تقولي من باب العلم بالشيء ابقى عارفه على الأقل.
آسر : علشان تشبطي و تصممي تيجي معايا.
سهر : يعني كنت عارف قبل ما تسافر إن هيكون في عملية؟
آسر : ايوه كنت عارفه.
سهر بتبكي : و دخلت اوضة العمليات لوحدك؟
آسر : و لو معايا هتعملي لي ايه؟
سهر : على الاقل أكون جنبك.
آسر : انا كويس دلوقت بس منتظر الدكتور يسمحلي بالسفر.
سهر : ليه بتعمل كل دا يا آسر ليه مش عاوز حد جنبك حتى أنا؟!
آسر : علشان تبقي جنب الولاد ملك حامل ممكن تتعب في أي وقت و مليكة محتاجه لك و علي و مجدي مكونتش عاوزهم يقعدوا في البيت من غيرنا.
سهر : انت قهرتني.
آسر : بعيد الشر عنك من القهر يا سهر.
سهر و بصوت مخنوق من البكاء : افتح الكاميرا عندك.
آسر : معلش أصل نايم على السرير.
سهر : و فيها ايه؟!
آسر : حاضر يا سهر.
بيفتح آسر الكاميرا انهارت سهر بالبكاء أول ما لمحته.
آسر : ليه كده بس يا سهر ؟
أنا كويس اهو.
سهر بتمسح دموعها : شكلك تعبان يا آسر.
آسر : لا مش تعبان بس باكل و انا بنام.
سهر : ليه منمتش كويس؟
آسر : يعني نوم قلق كده.
سهر : وحشتني.
سكت آسر و هو مدمع.
سهر : خلاص احجزلي اجيلك.
آسر : انا جاي قريب يا حبيبتي.
سهر : مش قادر اصبر اكتر من كده.
آسر يتثائب : معلش استحملي كام يوم بس.
سهر : هتنام؟
آسر : أصل منمتش كويس زي ما قولتلك هنام شويه
و هبقى اكلمك لما اصحى.
سهر بحزن : اوك تصبح على خير.
آسر : و انتي من اهله يا حبيبتي.
________
أنت تقرأ
أنت قلبي الجزء الثالث
Werewolf(زواج _ حب _ صداقة) جمعت بين أبطال قصتنا لكن حياتهم مش دايماً هادئة ما تيجو نشوف الجزء الثالث من أنت قلبي و اللي مش متابع معانا من الأول يقدر يدخل على الأجزاء السابقه أو يبدأ معانا هنا 👈 حلقتين في الاسبوع..
