#انت_قلبي٣
__________
الحلقة ١٦٤
في جنينة فيلا آسر.
مليكة واقفه وسيف ركن العربية وجه ناحيتها.
سيف بابتسامة : عارف إنك زعلانه بس لو تعرفي الحقيقة هتعذريني.
مليكة : العربية سليمه اهي محصلهاش حاجه.
سيف : لأ مش العربية.
مليكة : ايه كنت بتدور على البدله مش لاقيها؟
سيف : هههههههههههه بدلة ايه بس يا مليكة؟
مليكة : امال ايه سبب التأخير يا سيف؟
متقوليش مكنتش لاقي مفتاح الشقة.
سيف : لأ برضو أصل راحت عليه نومه.
مليكة : نعم!
سيف : بجد دا اللي حصل
ههههههههههههه
مليكة : أنت بتضحك على ايه ولا عاوز تستفزني؟!
سيف : لا يا حبيبتي هستفزك ليه بس ايه القمر ده؟
مليكة : نزل ايدك أنا مخصماك.
سيف : لأ خصام لأ النهارد فرح والدنيا حلوة بلاش عكننه بقولك ايه.
مليكة : نعم.
سيف : ما تيجي نسيب الولاد مع مامتك اهو الجو راق عندهم ومجدي مش هيغلس عليهم.
مليكة : بس بابي ومامي مش هيباتوا في الفيلا.
سيف : ايه.. امال هيباتوا فين؟
مليكة : في الاوتيل بابي حجز ليلتين ليه هو ومامي علشان يغيروا جو وكمان مامي تبعد عن البيت علشان بابي عارف إنها متأثرة بخروج مجدي من البيت.
سيف : طب ودي حاجه تزعل دا أنا نفسي اجوز الولاد والجو يروق لنا بقى.
مليكة : تجوز مين؟!
سيف : هههههههههههه
بحلم يا حبيبتي ايه بلاش أحلم كمان؟!
بس ايه الحلاوة والجمال ده؟
مليكة بتلف بالفستان : بجد عجبك؟
سيف : يجنن مش عاوز حد يشوفك بيه غيري.
مليكة : سيف النهاردا فرح سيبني بقى افرح شويه.
سيف : حاضر بس تخليكي جنبي.
مليكة : اخليني جنبك ايه إذا كان أنت هتبقى واقف مع الرجاله ولا مش هتوقف جنب بابي وعلي؟
سيف : لا طبعًا هقف جنبهم هروح أسلم على عمار.
مليكة : طيب.
سيف : ايه رايحه فين؟
مليكة : داخله جوه.
سيف : بس ايه الديكورات الخطيرة دي مين اللي عامل الكوشة دي؟
مليكة : حد متخصص في المجال ده أكيد معرفوش شخصيًا دا صاحب علي.
سيف : ماشي اهو يبقى يعمل الكوشة بتاعة يوسف وحلا.
مليكة : هههههههههههه
روح يا حبيبي سلم على الناس.
تشاور لصاحبتها اللي لسه داخله.
مليكة : اهلاااا ازيك يا شذى؟
شذى : تمام ألف مبروك يا مليكة عقبال يوسف وحلا هما فين؟
مليكة : جوه عقبال ولادك.
شذى : هههههههههههه لسه بدري.
مليكة : بدري ايه يدوب تبدأي تجهزي من دلوقت.
شذى : هههههههههههه.
داخل الفيلا من جوه.
منه : رايحه فين يا سلمى؟
سلمى : هطلع أكلم رامي بره هنا دوشه.
وفاء بتقعد.
منه : كنتي فين يا وفاء؟
وفاء : خرجت اشوف منى جات ولا لأ مكالماني من بدري قالت جايه مش عاوزه كل شويه اتصل بيها علشان جوزها ميضايقش.
منه : ما يمكن راحت عند العروسة.
وفاء : لأ هي قالت عبدالرحمن هينزلها هنا ويروح بقى بيت خاله وهيبقى يجي معاهم.
منه : كده طيب متقلقيش الغايب حجته معاه زمانها جايه ياسمين هناك؟
وفاء : أكيد لازم هتبقى مع أخت جوزها في يوم زي ده.
في التليفون... 📞
آسر : مجدي خرج من نص ساعة وقال إنه رايح ياخد عروسته.
هشام : أنت مش جاي ولا ايه؟
آسر : عندي ناس كتير ومش قادر اسيبهم.
هشام : خلاص مفيش مشكلة..العريس شكله جه.
آسر بابتسامة : كده طيب اسيبك بقى مع السلامة.
أنت تقرأ
أنت قلبي الجزء الثالث
Kurt Adam(زواج _ حب _ صداقة) جمعت بين أبطال قصتنا لكن حياتهم مش دايماً هادئة ما تيجو نشوف الجزء الثالث من أنت قلبي و اللي مش متابع معانا من الأول يقدر يدخل على الأجزاء السابقه أو يبدأ معانا هنا 👈 حلقتين في الاسبوع..
