أنت قلبي الجزء الثالث

الحلقة ٧٤

#انت_قلبي٣
__________
الحلقة ٧٤

في فيلا آسر.
مليكة وملك قاعدين في جنينة الفيلا وكل واحدة حاطه ايدها على خدها وسرحانه.
مجدي جه وقعد ونظر لهم ومحدش منهم اتكلم معاه.
يشاور لهم محدش اتحرك.
مجدي :"ايه مالكم قاعدين كده ليه؟!
ههههههههههههه
ملك انتبهت ليه.
مجدي : اخيرًا ايه يا ملك مالك؟
ملك : مفيش ممكن تخليك في حالك.
مجدي : تصدقي أنا غلطان اصلاً إني مهتم وبسأل هتكلم مع مليكة الجميلة الرقيقة اللي لسانها مش طويل زيك.
قامت ملك ودخلت جوه.
مليكة : مجدي ممكن تخف ظرف شويه كل حاجه ولها وقتها.
مجدي : ايه دا فيه إيه؟!
وبعدين مالكم قاعدين كده كل واحده شايله طاجن ستها فوق دماغها خير حصل ايه؟
مليكة : أنت معندكش حاجه تعملها النهاردا؟
مجدي : عندي مذاكرة وكمان مفروض عندي مقابلة بكرة في المستشفى وعاوز استعد كده واسأل المقابلة دي بتبقى عبارة عن ايه علشان قلقان.
مليكة : مش ابو نسب بقى متقلقش هتعدي.
مجدي يقعد جنبها : سيف ممكن يفيدني في الحوار ده هو مش شغال هناك برضه؟
مليكة : ايوه...
مجدي : طب كلميه.
مليكة : ما تكلمه أنت.
مجدي : انتي مش عاوزه تكلميه ليه؟
مليكة : مش هيرد دلوقت علشان في الشغل.
مجدي : اممم واضح إنه ملتزم قوي في شغله.
مليكة مردتش.
مجدي : ملاحظ كده إنك مبقتيش تتكلمي عن سيف كتير.
مليكة : اه ودا معناه ايه بقى عندك؟
مجدي : أنا اللي اعرفه إن لما حد بيحب حد بيفضل يتكلم عنه كتير وملاحظ إن الجواز أو يمكن بعد ما الأستاذ يوسف شرف وانتي بقيتي ساكته كده دايمًا ياترى دا سببه ايه؟
مليكة ' هو أنت ليه بتحاول تتحشر في اللي ملكش فيه.. هاه قولي؟
مجدي : بقى كده.. اوك يا مليكة أنا غلطان إني قاعد بسلي وقتك أنا قايم.
مليكة : يكون احسن برضه.
مجدي' "عارفه لو دخلت جوه لاقيت ابنك عامل مصيبة من مصايبه هعمل فيه ايه؟
مليكة : ابقى بس كلمه يا مجدي شوف بقى يحصل ايه.
مجدي : عاوز اشوف.
ودخل مجدي جوه..
_____________
بعد شوية..
وقف إياد في الطريق بعد ما مقدروش يلحقوا سهر وميعرفوش اصلا راحت فين.
إياد : كلمي حد من الولاد اعرفي إن كانت رجعت البيت ولا لأ.
منه : مش عاوزه اقلقهم يمكن ما رجعتش البيت.
إياد : طب شوفي كده وبعدين قلق ايه انتي هتسألي عادي كأنك عاوزه تكلميها وهما هيقولولك إن كانت موجودة ولا لأ.
منه : تمام.. ثواني هتصل بمليكة أصل بايته هناك دا اللي عرفته منها امبارح.
___________
في شقة رُفيدة.
راندة : حضرتك كلك واجب يا مدام فريدة شكرًا على إني جيتك لحد هنا.
فريدة : لا شكر على واجب شد حيلك يا حبيبتي.
راندة : اشربي القهوة رُفيدة جايه بس أصل بتغير هدومها لسه جايه من المقابر.
فريدة : مفيش مشكلة تعيش وتفتكر.
راندة : بابا بخير؟
فريدة : لا بابا متوفي من زمان قوي وماما كمان.
راندة : يا حبيبتي البركه في جوزك واولادك.
فريدة : حبيبتي متشكره.
جات رُفيدة فقامت فريدة تسلم عليها.
فريدة : شدي حيلك يا مدام رُفيدة.
رُفيدة : متشكرة اتفضلي استريحي.
راندة : طيب هروح اشوف اللي على النار بعد اذنكم.
فريدة : اتفضلي.
رُفيدة : اشربي قهوتك.
فريدة بتاخد الفنجان وتشرب القهوة سمر واقفه بعيد ومتردده تدخل.
فريدة : ازيك يا سمر؟
رُفيدة : تعالي يا سمر سلمي على طنط فريدة
الولاد عاملين ايه؟
فريدة : تمام بخير.. ازيك يا سمر؟
سمر : بخير يا طنط ازاي حضرتك؟
فريدة : أنا كويسه.
رُفيدة : اقعدي يا سمر.
سمر : هروح أذاكر.
رُفيدة : ماشي يا حبيبتي.
وخرجت سمر ودخلت اوضتها.
رُفيدة : دكتور كريم كان هنا امبارح.
فريدة : اه ما هو قال لي.
رُفيدة : اشكريه لاني معرفتش اشكره امبارح بصراحه وقف مع أمجد كإن باباه موجود بالظبط.
فريدة : اه كريم صاحب واجب وصاحب صاحبه.
رُفيدة : بصراحة هو مش صاحب بس دا أكتر من أخ
مبقاش موجود حد كده غير قليل قوي.
فريدة : اه.. طب مش عاوزه أي حاجه؟
رُفيدة : ايه ماشيه؟
فريدة : معلش بس أصل جميلة سيبتها عند بنت عمي وجيت هروح اجيبها بقى علشان اروح.
رُفيدة : كده طيب سعيكم مشكور.
فريدة : شدي حيلك يا حبيبتي.. سلام عليكم.
وفتحت فريدة باب الشقة وخرجت.
راندة خارجه من المطبخ : ايه هي مشيت؟
رُفيدة : اه.
خرجت سمر من جوه : أنا مش عاوزه الست دي تيجي هنا تاني.
نظرت راندة ل رُفيدة بدهشة.
رُفيدة : ليه يا حبيبتي دي جايه تعمل الواجب.
سمر : مبحبشهاش.. بكرهها مش عاوزه اشوفها ولا تيجي بيتنا مرة تانية.
رُفيدة : ياريت تخليكي في مذاكرتك وملكيش دعوة باللي يجي واللي ميجيش محدش قالك تطلعي تقعدي معاه.
سمر دخلت اوضتها وقفلت على نفسها.
-____________
في التليفون 📞
مليكة : لا يا عمتو مامي مش هنا هي خرجت من حوالي ساعتين كده بس مقالتش رايحه فين كلميها.
منه : اوك يا حبيبتي هكلمها سلام.
مليكة : مع السلامة.