#انت_قلبي٣
_________
الحلقة ٩٨
في فيلا آسر.
مليكة وهي بتبكي : تمام يا طنط خلاص أنا اللي غلطانه وهو مفيش لوم عليه.
ياسمينا : يا حبيبتي أنا مقولتش هو مش غلطان اقعدي بس يا مليكة نتفاهم ميصحش تسبيني بتكلم كده وتقومي أنا بقول عليكي عاقله وبتفهمي في الأصول تعالي يا سهر عقليها وخلينا نقعد نتفاهم مع بعض.
سهر : اسمعي الكلام يا مليكة واقعدي.
مليكة : مامي أنا مش...
تقاطعها سهر بغضب : قولتلك اقعدي.
مليكة بتبكي.
قامت ياسمينا : خلاص يا سهر اهدي مفيش داعي تزعقي فيها كده.
ياسمينا تطبطب على مليكة : اقعدي يا ملوكه علشان خاطري لو عامله اعتبار لمجيتي ليكي لحد هنا.
مليكة وهي بتمسح دموعها : حاضر يا طنط.
ياسمينا بابتسامة : شاطره وبتسمعي الكلام ياريت نادين بنتي في نص ولا ربع هدوءك ده أنا مش عارفه سيف اخويا دا اتجنن ولا ايه حد يبقى معاه القمر ده ويعمل كده برضه؟!
مليكة مكانش لها رد فعل على مدح ياسمينا ليها
على عكس ما كانت ياسمينا تقصد ترجعلها ثقتها بنفسها.
ياسمينا : يوسف فين؟
سهر : مع مجدي فوق.
ياسمينا : اه طيب.. وأنا ماشيه ابقى اشوفه اسمعي بقى يا ملوكه أنا عارفه إن الواد سيف ده غلطان ويستحق العقاب اللي تشوفيه بس بعيد عن خراب البيت وتشتيت ابنك وبعده عن باباه وبعدك انتي كمان عن سيف أنا عارفه إنك بتحبيه لكن المسألة إن كرامتك وجعاكي شويه معاكي أنا مقولتش مش حقك بس حكمي عقلك شويه.
مليكة : طنط أنا مش عايزة غير إني اعيش زي ما كنت عايشه قبل كده.
ياسمينا : مش فاهمه.
مليكة : عاوزه ارجع لنفسي افتكر كنت عايشه ازاي وحياتي ماشيه ازاي بعيداً عن ضغوط الجواز ولو حضرتك هتقولي لي كل الناس عايشه كده هقولك أنا بقى مش عاوزه الجواز دا أصلا.
ياسمينا : وابنك؟
مليكة : ماله ما هو عايش كويس ولو سيف عاوز يشوفه في أي وقت أنا معنديش مانع والموضوع اصلا مش هيمشي بمزاجي دا حقه وحق يوسف.
ياسمينا : مليكة أنا عارفه إن قلبك أبيض ورقيقة كده وهاديه وعارفه اللي ليكي واللي عليكي ولو هتسامحي المرة دي هيبقى بالشروط اللي انتي تشوفيها وتضمن لك حقك.
مليكة : حقوق مادية ولا معنوية؟!
أنا مش عاوزه حاجة من سيف ومتنازله عن كل حاجة الشقة والعفش حتى المؤخر مش عاوزه منه جنيه يسيب ابني بس معايا ويبقى يشوفه وقت ومكان ما هو عاوز في أكتر من كده؟
ياسمينا : ايوه فيه إنه بيحبك وعاوز يرجعك بس انتي وافقي.
مليكة : مش هقدر يا طنط اخد القرار ده مش هضيع على نفسي فرصة زي دي أنا مصدقت إنه نطقها علشان اقدر اتنفس.
ياسمينا : ياااه للدرجة دي مش مستريحه مع سيف؟!
مليكة : ايوه.
نظرت ياسمينا لسهر اللي كانت ساكته وقامت.
ياسمينا : هقولك ايه يا بنتي أنا قولت كل اللي عندي وفكري انتي مع نفسك تاني واعرفي إن قرار الانفصال دا مش سهل لا عليكي ولا على ابنك.
مليكة : عارفه.
ياسمينا : طيب محتاجه حاجة يا سهر؟
سهر بحزن : لأ يا ياسمين
عاوزه سلامتك.
ياسمينا : سلام عليكم.
يرددوا : وعليكم السلام.
نظرت سهر لمليكة وقامت توصل ياسمينا فطلعت مليكة فوق قبل ما مامتها ترجع تتكلم معاها.
___________
في منزل عائلة كريم وفريدة.
ندى : بتعملي ايه عندك يا تالا؟
تالا كانت واقفة وناظره لتحت (الدور الأرضي).
ندى : هو ايه اللي بيحصل تحت؟
تالا : معرفش يا مامي قلقانه قوي يكون كريم رجع في كلامه وناوي يجهز الشقة اللي تحت علشان نتجوز فيها.
ندى : ازاي ده؟
تالا : شايفه عمال عمالين يخرجوا حاجات من الشقة تحت بس هو مقاليش حاجة.
تلمح ندى حازم واقف تحت مع العمال وبيساعدهم يخرجوا العفش القديم من جوه الشقة.
ندى : طب و باباكي بيعمل ايه تحت؟
تالا : وريني كده.. هو بابا معاهم؟
حازم يشاور لتالا تدخل جوه بعد ما يلمحها.
تالا : حاضر.
ندى : يا ترى إيه الحكاية؟
تالا : أنا هكلم كريم اعرف منه ايه الحكاية بالظبط مش هفضل قاعدة قلقانه كده.
__________
في فيلا كريم.. في التليفون📞
زين : خلاص لو مش خارجه النهاردا خليها بكرة بقى.
سمر : اوك... سلام.
زين : مع السلامة.
أنت تقرأ
أنت قلبي الجزء الثالث
Hombres Lobo(زواج _ حب _ صداقة) جمعت بين أبطال قصتنا لكن حياتهم مش دايماً هادئة ما تيجو نشوف الجزء الثالث من أنت قلبي و اللي مش متابع معانا من الأول يقدر يدخل على الأجزاء السابقه أو يبدأ معانا هنا 👈 حلقتين في الاسبوع..
