أنت قلبي الجزء الثالث

الجزء الرابع /الحلقة ٣

#أنت_قلبي٤
__________
الحلقة ٣

في شقة سيف.
كان سيف في أوضة المكتب بيخلص شوية شغل ومليكة قاعدة أمام التليفزيون قفلته وقامت دخلت لسيف وقعدت قصادة كان مشغول وفجأة يلمحها وهي ناظره ليه.
سيف : في حاجه يا مليكة؟
مليكة : لا أبدًا هو غلط اني ابصلك؟
سيف بيكمل شغل : لا مش غلط فكرتك عاوزه حاجه.
مليكة : أنت مالك بقى؟
سيف وهو بيكتب على اللاب : مالي مش فاهم؟
مليكة : ممكن تسيب اللي في ايدك ده وتكلمني زي ما بكلمك.
سيف : الولاد ناموا؟
مليكة : اه ممكن تبصلي بقى وأنت بتتكلم.
سيف : حاضر هحفظ الشغل ده علشان ميضعش.
بعد شويه.
سيف بيقفل اللاب وبيلم الورق في درج المكتب وبيقوم.
سيف : يلا بينا.
مليكة : على فين؟
سيف : على فين ايه.. هنخرج مثلا في الوقت ده؟!
هندخل ننام يا حبيبتي.
مليكة : حبيبتك!
سيف : ايه كلمة جديدة على ودانك عمرك ما سمعتيها؟!
مليكة : أصل مسمعتهاش من زمان.
سيف : معلش مضغوط شويه اليومين دول.
مليكة : مالك بقى؟
سيف : ما قولت لك مضغوط شويه اليومين دول بتسألي ليه تاني؟
مليكة : أنا مش قصدي على الشغل أنا بتكلم عموما يعني.
سيف : طب ممكن نتكلم وأنا فارد ضهري على السرير علشان بجد قعدة المكتب وجعت ضهري دا غير الشغل بره في المستشفى والشركة.
مليكة : وهو دا اللي مخليك واخد موقف من بابي؟
سيف : واخد موقف من باباكي!
ازاي يعني مش فاهم؟
مليكة : سيف أنا مش حابه اخسر حد فيكم بس بجد أنت بطريقتك دي وأسلوبك هتخليني اتجنب التعامل مع حد فيكم أنا بحبك وكمان مقدرتش استغنى عن بابي دا حياتي كلها وإنك تاخد الموقف دا منه مضايقني جدًا.
سيف : اه فهمت.. بس تعالي هنا قوليلي هو مين اللي بيعامل مين وحش دلوقت أنا ولا باباكي اللي بيتعمد يتجاهل أي عزومه هنا في بيتنا ومامتك وحد من اخواته اللي بيجوا حتى لما حب يجي عندنا جه مقعدش نص ساعة على بعضها وهو اصلا بقاله شهور مدخلش بيتنا
مين اللي له حق يزعل دلوقت يا مليكة؟!
مليكة : يا حبيبي بابي مبيتعمدش يعاملك وحش ولا حاجه بالعكس بابي بيحبك علشان أنت جوز بنته زي ما بيحب ملك أختي وجوزها ومفيش فرق ما بينا علشان تقول باباكي لما بيروح عند عمار بيقعد أكتر من عندنا.
سيف : مقولتش كده أنا سألتك يا ترى لما بيروح هناك بيقعد نفس الوقت اللي قعده عندنا ودا ليه علشان اصلا باباكي مبيجيش غير كل فين وفين وزي ما يكون بيسيب العربية شغاله تحت وهو طالع عندنا علشان عارف إنه خمسة ونازل تاني.
مليكة : دا كلام تقوله يا سيف أنت ليه مصمم تخليني اخد موقف من بابي؟!
سيف : بيحصل ولا مبيحصلش جاوبي؟
مليكة : هو ظروف شغله بتخليه ميقدرش يجي كل
عزومه واظن مامي واخواتي بيكونوا موجودين ودا نفس اللي بيحصل مع أي حد من اخواتي مش أنا بالذات ولا بابي واخد موقف منك أنت زي ما أنت متصور بلاش كده يا سيف.
سيف : حاضر يا مليكة على العموم براحته هو لما بيجي بيجي لبنته مش ليه.
مليكة : رايح فين؟
سيف : داخل أنام.
مليكة : فُكها بقى أنا اعصابي تعبانه.
سيف : هو أنا عملتلك حاجه أنا داخل أنام عاوزه تسهري براحتك.
مليكة : سيف أنت مبتحبنيش.
سيف : يووووه أسطوانة كل يوم انتي ايه مبتزهقيش؟!
مليكة نظرت له وهي مدمعه وتركته وقعدت في الريسبشن بعد ما شغلت التليفزيون فضل سيف واقف مكانه وهو ناظر لها وبعدها دخل ينام انهارت مليكة أول ما قفل الباب وقعدت تبكي.
_____________
في فيلا مراد.
مراد : ايه يا مامي اللي مصحيكي لحد دلوقت؟
أمل : بابي لسه مجاش من بره.
مراد ونظر في الساعة : معقوله لحد دلوقت بره؟
أمل : كلمني من ساعة قال في ظرف كده وهو في المستشفى مع حد يعرفه.
مراد : مستشفى ليه؟
أمل : متتصلش قال لي لما يخلص هيجي مش عاوز حد يقعد يتصل بيه.
مراد : طب مش نطمن إنه كويس.
أمل : هو بيقول إنه كويس.
مراد : اهلا أنت منمتش لسه؟
التفتت أمل كانت مريم نازله بـ ابنها.
أمل : هاتيه يا مريم.
مريم : أنت هنا يا مراد وأنا قلقانه عليك بقول راح فين.
مراد : أنا هنا هروح فين؟!
بتاخد أمل الولد على رجلها وبتقعد مريم جنب مراد.
مريم : هو في حاجه؟
مراد : بابي لسه مرجعش وقاعدين قلقانين عليه.
مريم : طب ما تتصل اطمن عليه.
أمل : زمانه جاي.. أنت بقى منمتش ليه لحد دلوقت؟
مراد : وينام ليه لازم ينام الصبح وأنا نازل رايح الشغل.
أمل : هههههههه أنت يا ولا مبتنامش ليه علشان بابي يعرف ينام؟.. ايه بتقول ايه؟
شكله جعان يا مريم.
مراد : انتي معملتلوش الرضعه بتاعته؟
مريم : لسه.
مراد : وعاوزاه ينام ما هو لازم يسهر طول الليل طالما جعان.
قامت مريم دخلت المطبخ.
أمل : بالراحة عليها يا مراد.
مراد : هو أنا قولت حاجه يا مامي؟
أمل : معلش يا حبيبي يمكن مكانش جعان طالما بيرضع طبيعي.
مراد : اصلا الدكتور قال لها تتغذا كويس علشان متنزلش تعمله رضعه زي دلوقت كده وهي اللي مطنشه ومش مهتمه بـ أكلها.
أمل : معلش طول بالك شويه.. أنت يا ولا عامل مشاكل ليه؟
ها مش عاوز تقول لي
ايه جعان طيب يلا يا مامي علشان أنا جعان قوي.
مريم خارجه من المطبخ : حاضر يا طنط تبرد بس الأول.
أمل : طب هاتيها هنا هبردها في الكوباية.
مريم : اتفضلي.
وبتقعد مريم من غير ما تنظر لمراد.
مراد : ايه زعلانه؟
مريم مردتش.
أمل تغمز له...فيقوم يقعد جنب مريم اللي تحاول تبعد وكل ما تبعد يقرب لحد ما قامت فمسك ايدها.
مراد : اقعدي بقى هو أنا هجري وراكي.
مريم : عاوز ايه؟
مراد : عاوزك تقعدي.
مريم : حاضر وادي قاعدة.
أمل : بس بس بتعيط ليه؟
مريم : هاتيه يا طنط.
أمل : لا خلاص اللبن برد اتفضل بقى ومسمعش صوتك هههههههه
نظرت مريم لمراد اللي نظر لها بابتسامة.
مراد : ما تفُكيها بقى مش طالبه هي عكننه أخر الليل.
مريم : أنا برضو اللي بعكنن عليك؟!
مراد : خلاص أنا متزعليش هههههههه
مريم : طب شيل ايدك هتخنق.
مراد : لأ.
مريم : يا عم بقى شيل ايدك من على رقبتي.
مراد : قولت لأ.
مريم : كده طيب.
وتخبطه مريم بكوها في جنبه.
مراد يتألم : آآآه.
فتقوم مريم.
أمل كانت مع ريان : ايه في ايه مالك يا مراد؟
مراد ونظر لمريم : مفيش يا مامي جنبي بس وجعني شويه.
أمل : من قلة شرب المياه اشرب مياه كتير يا ابني.
مراد وهو ناظر لمريم وبيتوعد لها إنه مش هيسيبها وهياخد تاره : حاضر يا مامي هشرب مياه كتير.
مريم : هههههههههههه
التفتت أمل لمريم اللي سكتت أول ما لمحت أمل.
مراد : بابي شكله جه.
قام مراد يتأكد.
__________
في الصباح.. في منزل والد معتز.
فريدة قاعدة جنب ندى وتالا وهدى..
ياسمينا جايه ومعاها فيروز بيعزوا هدى.
ياسمينا : شدي حيلك يا فريدة.
فريدة بتبكي.. وفيروز تطبطب عليها.
فيروز : كلنا لها يا فريدة متعمليش في نفسك كده
ادعيلها.
ندى : اتفضلوا يا جماعة اقعدوا.
فيروز : شدي حيلك يا أم أنس.
ندى : كتر خيرك يا حبيبتي اتفضلي اقعدي.