#انت_قلبي٣
___________
الحلقة ٧١
سهر (بنت إياد) : وانتي في سنة كام بقى؟
مريم : في أولى تربية.
سهر : قسم ايه؟
مريم : انجلش.
سهر : وماشيه فيه كويس؟
مريم : اه بس قلقانه شويه الإمتحانات قربت.
سهر : متقلقيش كله بيعدي.
مازن يشاور لمريم.
مريم : ثواني يا سهر جايه.
سهر : اتفضلي.
مريم : ايه عاوز ايه؟
مازن : مين اللي واقفه معاها دي؟
مريم : دي بنت عمة العريس.. ليه؟
مازن : اه علي يبقى ابن خالها.
مريم : علي مين؟
مازن : علي اخو مجدي العريس.
مريم : ااااه طب ما أنت عارف اهوه امال بتسألني ليه؟
فتلمح مراد اللي كان معدي من جنبهم فيسلم مازن عليه.
ويوقفوا يتكلموا شويه فترجع لسهر فمتلقهاش فتروح لمامتها تلاقيها قاعدة مع صاحبتها.
سيف : عقبالك يا سوفه.
مليكة : هههههههههههه لسه بدري يا حبيبي.
كمال : تعالى هنا يا يوسف.
سيف : سيبه يلعب يا بابا اهو قدام عنينا
أول ما يبعد هروح اشقطه على طول.
كمال : ياسمين جات.
سيف بيشاورلها فتقرب منهم ياسمينا.
ياسمينا : ازيكم يا جماعة اخباركم ايه؟
كمال :"تمام اقعدي استريحي يا بنتي.
سيف : ايه ازيكم يا جماعة دي كإنك متعرفناش وبعدين ايه اللي اخرك كده؟
ياسمينا : هههههههههههه
متوقفليش على الواحدة يا سيف وبعدين أنا جايه من بدري انتم اللي متأخرين.
سيف : نعمل ايه بقى في الأستاذ يوسف هو اللي مأخرنا على طول.
ياسمينا : هو فين صحيح؟
مليكة : بيجري هناك اهوه ازيك يا طنط؟
ياسمينا : تمام يا ملوكة
وادي قاعدة.
كمال : امال فين فريدة؟
ياسمينا : اهيه قاعدة هناك مع خطيبها اصلهم لسه جايين مع بعض كانوا في خطوبة ابن عمه.
سيف : لأ مش ابن عمه.
ياسمينا : هههههههههههه هي لفه طويلة كده وأنا دماغي مصدعه مش قادرة اوضحها.
سيف : هي نادين مش جايه؟
مليكة : أنا عزمتها وقالت لو عرفت تيجي هتيجي.
ياسمينا : مش عارفه أنا مكلمتهاش النهاردا.
آسر : مبروك يا دكتور عقبال ولادك معلش معرفناش نقوم بالواجب.
كريم : لا أبدًا حضرتك كلك واجب يا أستاذ آسر عقبال الليلة الكبيرة.
آسر بيشاور لهشام.
يقرب منهم.
آسر : ايه رايح فين؟
هشام بابتسامة وهو بيسلم على كريم : كنت بدور على الراجل ده.
كريم بابتسامة : معلش اتأخرنا شوية أنت عارف بقى كان عندنا ايه ألف مبروك.
هشام : ألف مبروك لـ ابن علاء وعقبال ولادك.
كريم : حبيبي تسلم.
هشام : هو علي فين يا آسر؟
آسر : علي ابني؟ معرفش
ليه في حاجه ولا ايه؟
هشام : لأ أصل مجدي كان بيسأل عليه.
آسر بيتلفت يدور عليه.
داليا : حصل ايه بس يا مجدي؟!
مجدي : انتي عاوزه تجنيني يا داليا بسألك رُقية فين تقولي معرفش
والدكتور المحترم كمان مش هنا.
داليا : طب اهدا بس بلاش تعمل مشاكل أنا هروح اشوفها.
علي ورُقية واقفين تحت شجرة وبيضحكوا ويهزروا مع بعض.
داليا تقرب منهم وتشاور لرُقية اللي تقرب من داليا وهي خايفة.
علي : طنط احنا واقفين ندردش عادي.
داليا : وهو عادي إنكم توقفوا كده لوحدكم وبعدين اللي شوفتوا مكانش دردشة دا ضحك وهزار والهانم عماله تخبطك بـ ايدها وأنت بصراحة مسكتش.
رُقية : مامي أنا آسفة.
علي : طنط اللي حصل مكانش مقصود بعتذر لحضرتك بعد اذنك.
داليا : يلا امشي قدامي.
رُقية : حاضر.
أنت تقرأ
أنت قلبي الجزء الثالث
Werewolf(زواج _ حب _ صداقة) جمعت بين أبطال قصتنا لكن حياتهم مش دايماً هادئة ما تيجو نشوف الجزء الثالث من أنت قلبي و اللي مش متابع معانا من الأول يقدر يدخل على الأجزاء السابقه أو يبدأ معانا هنا 👈 حلقتين في الاسبوع..
