#انت_قلبي٣
___________
الحلقة ٨٩
محمد : ما تقعد بقى خيلتني.
زين : تفتكر فهمت كلامي ولا أنا مقدرتش أوضح ليها مشاعري.
محمد : عاوز رأيي؟
زين : اتفضل اتحفنا.
محمد : أنت عارف اللي هقوله ومتأكد إنه مش هيدخل دماغك وبصراحة بقى شايف إن كل دا شغل عيال.
زين : نعم!
محمد : ايوه شغل عيال تقدر تقول لي أخرت الحب والهيام دا ايه؟
زين : آخرته؟!
محمد : ايوه مش كل شيء وله نهاية ولا هتقضيها حب وكده؟!
زين : فهمت تقصد ايه بس لسه بدري على الخطوة دي.
محمد : عين العقل لسه بدري فعلاً يبقى تكن كده وتهمد بقى وتشوف مستقبلك.
زين : ما هو أنا قررت هعمل ايه.
محمد : هتعمل ايه في ايه؟
زين : أول حاجه أحول من الكلية اللي أنا فيها دي.
محمد : تحول!
أنت بتقول ايه؟!
زين : عارف إن القرار مش سهل وبابي احتمال يقاطعني بسبب القرار ده.
محمد : هي مش هتوصل لكده بس أنت عارف يا زين رأي بابي في الحوار ده وبصراحة كلامه مقنع جدًا وأكيد فاكر الجملة اللي قالها بابي كويس قوي.
زين : أنا استثمرت كل ما أملك فيكم وفي المستشفى ومعنديش استعداد اخسر حد فيهم
تحس يا أخي إن رأينا وقرارتنا وشخصيتنا اللي مفروض تبقى مستقله من غير ما نكون تابعين لـ أي حد حتى لو كان أقرب حد لينا كل دا ملوش أي لازمه عند الدكتور كريم المهم ولاده يكملوا مسيرة حياته في المستشفى اللي دفع فيها كل ما يملك أقوله يا بابي عاوز عربية يقولي لما تكون قد المسؤولية أي كلام وخلاص علشان العربية متجيش غير في الوقت اللي يحدده
يا بابي أنا مش عاوز أدخل طب كان ناقص يتبرأ مني لما قولتها وكأني هعمل جريمة لو دخلت كلية تانية.
محمد : بس متقدرش تنكر إن كل خطط بابي دي في مصلحتنا.
زين : مصلحتي إني أشوف الحاجه اللي بحبها وأعملها مش الحاجه اللي على هوى دكتور كريم مدير المستشفى.
محمد : خلاص روح قول لبابي الكلام ده.
زين : هقوله طبعاً بس أكيد مش كل حاجه في حاجات هتتأجل لبعدين.
محمد : اه زي حوار البنت اللي بتحبها وغيرتك بالشكل ده.
زين : لا هي ملهاش دعوة خالص بقرار التحويل من الكلية ده أنت عارف من زمان إني مكونتش حابب أدخلها ودخلتها بس علشان ارضى بابي وكمان علشان ماتحصلش مشكلة كبيرة في البيت.
محمد : لا فالح قوي وأنت كده مش هتعمل مشكلة كبيرة في البيت على الأقل وقتها كنا لسه على البر جاي بعد ما قضيت سنه فيها قررت تحول.
زين : فيها ايه يعني مش أحسن ما اقضي فيها تلات أربع سنين ولا حتى سبعة وبعدين الاقي نفسي درست حاجه لا أنا عارف أحبها ولا عارف هكمل شغل في المجال دا ازاي.
محمد : وحضرتك عاوز تحول لكلية ايه بقى ؟
زين : معرفش ممكن تجارة.
محمد : تمام أهو أي كلية أربع سنين علشان تتخرج بسرعة وتلحق قطر الجواز
قبل ما يفوتك بس فكر وقتها هتتجوز ازاي ومنين وافتكر كلام بابي برضو.
زين : عارفه..
عاوزكم يا ولاد تعتمدوا على نفسكم أنا استثمرت كل ما أملك فيكم وفي المستشفى حفظتها خلاص.
محمد : طب كويس خليها في دماغك بقى اوعى تناسها.
زين : رايح فين؟
محمد : خارج.. ايه هتقضي اليوم كله في البيت؟
زين : لأ شوف عاوز تروح فين وأنا جاي معاك وياريت يكون فيها عزومه على الغدا علشان جعان.
محمد بابتسامة : تمام علشان كل ما تجوع تفتكر إن المصروف اللي بتاخده من بابي هو اللي بيجيبلك المم.
زين : تصدق قفلتي مش عاوز أخرج.
محمد بيخبط على كتف زين : هههههههههههه
لا بهزر معاك يلا بينا.
زين : هتذلني بالخروجة دي.
محمد : هههههههههههه
لا متقلقش مش هيحصل يلا بقى غير هدومك عبال
ما أشغل العربية.
_________
في فيلا مراد.. في المطبخ.
ليلى : ايه يا ياسمين مالك؟
ياسمين : حوار كده هبقى أقولك عليه بعدين المهم نضايف طنط مديحة واللي معاها.
ليلى : بصراحة أنا بشبه عليها حاسه إني شوفتها قبل كده.
ياسمين : طنط مديحة ولا اللي معاها؟
ليلى : اللي معاها طبعاً شوفتيها فين يا ليلى شوفتيها فين؟
ياسمين : أنتي كنتي عندنا في المطعم وقتها؟
ليلى : مطعم ايه؟
ياسمين : لا خلاص هقولك بعدين هطلع الحاجه الساقعه.
ليلى : استني أنا جايه معاكي.
أنت تقرأ
أنت قلبي الجزء الثالث
Про оборотней(زواج _ حب _ صداقة) جمعت بين أبطال قصتنا لكن حياتهم مش دايماً هادئة ما تيجو نشوف الجزء الثالث من أنت قلبي و اللي مش متابع معانا من الأول يقدر يدخل على الأجزاء السابقه أو يبدأ معانا هنا 👈 حلقتين في الاسبوع..
