أنت قلبي الجزء الثالث

الحلقة ١٦٧

#انت_قلبي٣
__________
الحلقة ١٦٧

في مكتب الضابط.
الضابط : ها يا مدحت متعرفهمش؟
مدحت : لا حضرتك معرفهمش.
شريك مدحت : بس أنا أعرفك كويس يا أستاذ مدحت.
مدحت : عادي ما حضرة الظابط لسه ناطق اسمي دلوقت.
شريك مدحت : بس أنا اللي دلتهم على عنوان فيلتك وكمان عنوان الشقة اللي في المهندسين
والكافية اللي بتروحه دايمًا وبتحب تقعد فيه
ونوع العربية ولونها ورقمها الزرقه اللي ياما ركبتها معاك تحب كمان اقولهم على مواصفات باقي العربيات ولا الكاميرات بتاعة الأماكن دي بجانب الشركة اللي جايباني وأنا داخل وخارج من عندك.
الضابط : لسه بتنكر معرفتك بيه برضو؟
مدحت كل الادلة اللي قال عليها شريكك ده تحت ايدنا يعني مفيش داعي للانكار.
نظر مدحت لشريكه بغيظ.
شريكه : هو أنت عاوز تلبسهالي لوحدي ولا ايه؟!
الضابط : تقعد كده وتروق واطلبلك واحد لمون مش خسارة فيك يلا أنت برضو محتاج تهدي أعصابك كده علشان تتكلم براحتك.
يضغط الضابط على الجرس : رجعهم الحجز واطلب واحد لمون للأستاذ مدحت.
العسكري : حاضر يا فندم.
_________
في فيلا مراد.
أمل : ايه في ايه؟
مراد كان قاعد مع مامته في الجنينه : معرفش.
وجري ووراه أمل دخلوا جوه.
بياخد مراد ريتاج ويمان من هشام (أخوه).
أمل : في ايه يا هشام؟
هشام : العيال دي عملت ايه النهاردا يا مامي؟
نظرت أمل لياسمين.
ياسمين : ما هم غلطوا يا طنط.
بتغمز أمل لها.
هشام : ما أنا عرفت كل حاجه يا مامي.
مراد : أنا وهما كنا بنلعب مع بعض عادي ولو زقتهم في البسين هتعمل معايا ايه يعني؟
هشام : مراد أنت تختلف عنهم.
مراد : ليه بقى؟
بس يا ولاد متخافوش.
أمل : دا اتفاقنا يا ياسمين؟!
هشام : حضرتك يا مامي كنتي عاوزاها تخبي عليه؟
مراد : خلاص بقى يا هشام محصلش حاجه لكل ده تعالوا معايا.
هشام : مش هيروحوا أي مكان يلا يا ياسمين.
أمل : اقعد يا هشام بلاش شغل العيال ده.
هشام : لما يحترموا نفسهم واللي أكبر منهم ابقى اجبهم هنا يلا استنوني بره.
هشام (الأب) داخل بره : ايه في ايه؟
ريتاج ويمان يجروا على جدهم : جدو.
هشام : في ايه حصل ايه ما حد يفهمني؟
ريتاج : بابي عاوز يضربنا.
هشام (الابن) : أنا!
هشام (الأب) : استنى يا هشام بابي عاوز يضربكم ليه؟
مراد : علشان يعني كنا بنلعب ونهزر مع بعض
ووقعت في البسين.
هشام (الأب) : طب وفيها ايه دي؟
مراد : أنا عارف!
نظر له هشام (الأخ).
مراد : ما خلاص بقى يا اتش فُك كده واقعد اتعشا معانا مفيش عشا ولا ايه؟
أمل : ثواني السفرة تكون جاهزة.
تدخل ياسمين مع أمل المطبخ.
________
تدخل هنادي الشقة وتقفل الباب بسرعة.
هنادي : هههههههههههه
ههههههههههههه
ههههههههههههه
ايه يا هنادي اتجننتي ولا ايه؟
كان شكلي وحش قوي ياترى كانت بتبصلي كده ليه؟
يا ستي ولا يهمك بس مش قادرة هههههههه
_____
في شقة الأستاذ سالم.
بسمه : رايح فين؟
سالم : هدخل اغير هدومي.
بسمه : هي مين دي؟
سالم : هي مين؟
بسمه : الست اللي قابلناها في الاسانسير.
سالم : اه.. ما أنا قولتلك جارتنا هنا.
بسمه : امممم طيب مش هتاكل؟
سالم بابتسامة : طبعاً هاكل من ايدك الحلوة دي.
__________
في شقة كريم (ابن علاء).
تالا : ايه يا حبيبي مالك؟
كريم : مفيش.
تالا : مفيش ايه أمال ايه التنهيدة دي كلها في حاجه مضايقاك؟
كريم : ماما يا تالا.
تالا : مالها يا حبيبي مش بقت كويسه؟
كريم : لأ شكلها متغير وصحتها كدا في النازل معرفش دا سببه ايه مفروض عملت العملية الأخيرة دي والدكاترة قالوا إنها مش هتحتاج عمليات دلوقت على الأقل سنتين تلاته بس ماما تعبانه برضو.
تالا : طيب يا كريم خُدها تاني للدكتور اقولك دكتور كريم جوز عمتي روحله وهو هيقولك تعمل ايه؟
كريم : عمي كريم؟
تالا : اه مستغرب ليه مش مفروض متابع حالة طنط مع الدكتور اللي عمل العملية؟
كريم : اه بس بصراحة وجعت دماغه ومحرج اروح تاني اتكلم معاه.
تالا : محرج من ايه دا عمك وعمره ما هيتأخر.
كريم : طيب هروح بكرة اشوف.
______
في غرفة مراد في الفيلا.
مريم : هو ايه الدوشة اللي كانت تحت دي يا مراد؟
مراد : دا هشام اخويا كان عاوز يضرب ولاده.
مريم : يا خبر!
ليه عملوا ايه؟!
مراد : علشان اللي حصل النهاردا يعني بيني وبينك هو ميصحش اللي عملوا معايا بس أنا مسامح متوصلش للضرب يعني.
مريم : أكيد كان عاوز يعاقبهم عقاب تاني وأنت فهمت غلطت.
مراد : أنا ومامي قولنا لياسمين متقولش لهشام لإنه حمقي شويه وهي برضو مسمعتش الكلام.
مريم : طب هو ضربهم فعلا؟
مراد : لأ بابي جه ولحق لم الموضوع قبل ما يتطور.
مريم : هههههههههههه طب كويس إنها عدت على خير لو مريم بقى اللى وقعتك في المياه هتعمل ايه؟
مراد : مريم الكبيرة ولا الصغيرة؟
مريم : هههههههههههه أنت بتبصلي كده ليه؟
مريم الصغيرة.
مراد : لا دي حبيبة بابي مش هعملها حاجه بس ابوس ايدها هي ومامي تنام بقى علشان حاسس إن خلاص دماغي دي بقت في حته تانية.
مريم : هههههههههههه أنت لسه شوفت حاجه اجمد كده.
مراد : هههههههههههه هشوف أكتر من كدا!
مريم : هههههههههههه
_______
في شقة هشام.
ياسمين : ما خلاص بقى يا هشام حصل خير.
هشام : خير ايه بس يا ياسمين يعني عاجبك اللي حصل دا النهاردا؟!
ياسمين : مش عاجبني وهما اتعاقبوا إنهم مش هيروحوا لجدو هشام لمدة أسبوع.
هشام : بس أنا قولت اسبوعين.
ياسمين : خلاص ماشي اسبوعين زي ما قولت
خلاص يا حبيبي اللي تشوفه بقى يا اتش فُك التكشيرة دي مش لايقه عليك.
هشام : وانتي كنتي فين لما حصل ده؟
ياسمين : كنت جوه هما طلعوا على اساس بيلعبوا معرفش إن دا هيحصل خلاص بقى هما اعتذروا ومش هيتكرر اللي حصل دا تاني علشان خاطري بقى.
هشام : خلاص يا ياسمين.
ياسمين : طيب فُك التكشيرة دي.
هشام بتنهيدة : اهو.
ياسمين : لأ مش من قلبك.
هشام : خلاص بقى يا ياسمين.
ياسمين : كده طيب مش هقولك على الخبر الحلو اللي كنت عاوزه اقولهولك من زمان.
هشام وشاور على بطنها : خبر ايه ده اللي في بالي؟
ياسمين : هههههههههههه
لا مش هو.
هشام : امال خبر ايه يا ياسمين متهزريش بقى.
ياسمين : حتة الأرض اللي جنب المطعم بتتباع وبسعر مش هتصدقه..
هشام : ايه أكتر من اللي كنا بنفكر فيه؟
ياسمين : لأ أقل.
هشام : ايه دا بجد؟!
ياسمين بفرحه : اه.
___________
في فيلا مراد.
أمل : خلاص يسافروا تايلاند هناك الجو حلو.
هشام : دا في شهر اتنين يا حبيبتي مش دلوقت.
أمل : اه صح نسيت بقى بقالنا كتير مسافرناش.
هشام : بتلمحي لـ ايه يا أمل؟.
أمل : يعني هو مش من نفسنا يا حبيبي؟!
هشام : عاوزه تسافري؟
أمل هزت راسها.
هشام : ايه رأيك احجزلك مع زينة وجوزها؟
أمل : هههههههههههه عاوزه يطبق في زمارة رقبتي يقولي ايه اللي جايبك معانا.
هشام : هههههههههههه ميقدرش.
أمل : بقولك ايه يا اتش.
هشام : قولي يا حبيبتي ولو إني مبستريحش للي هيجي بعد اتش دي.
أمل : هو طلب صغنون قد كده.
بتشاور بعقلة صباعها.
هشام : قد كده ولا قاااااد كده.
وفتح هشام دراعاته.
أمل : هههههههههههه
ودخلت نفسها بين دراعاته.
هشام : ايه مش فاهم.. عاوزاني احضنك يعني؟
طب وايه المشكلة اهو.
أمل : شيلني.
هشام : نعم!
أمل : شيلني ولف بيه زي ما عملت مع زينة بالظبط..
هشام : بتتكلمي بجد؟!
أمل : ايه مالك اتخضيت كده ليه؟!
هشام : حبييتي زينة بنتي وكانت عروسة.
أمل : وأنا يعني ايه مش قريبتك ولا واحدة متعرفهاش؟!
ما أنا مراتك حبيبتك يعني تشيلني جوه عينيك.
هشام : حاضر هشيلك جوه عينيه لكن اشيلك والف بيكي دي صعبه قوي.
أمل : ليه صعبه دا حتى مش لابسه فستان تقيل.
هشام : هههههههههههه
كل دا علشان شيلت زينة
طيب حاضر هشيلك.
ابتسمت أمل بفرحه : طب يلا.
هشام بيستعد وهوباااا يشيل أمل يلف لفتين وتفلت من ايده على السرير.
تنظر بغضب.
هشام : غضب عني يا حبيبتي.
أمل : لأ أنت بتشيلني من غير نفس علشان كده وقعتني.
هشام : بس موقعتيش على الأرض.
أمل : خلاص المرة الجايه شيلني واهبدني في الأرض يا هشام.
هشام : هههههههههههه
لا متهونيش عليه اديني نص ساعة اهدي اعصابي علشان اعرف اشيلك.
أمل : تصبح على خير يا هشام مش عاوزه حاجه.
واستدارت أمل الناحية التانية علشان تنام.
هشام : ايه شغل العيال ده
ههههههههههههه
أمل.. أموله...حبيبتي طيب ردي حتى..
أمل : مش هقعد دقيقة واحدة علشان هنام.
هشام : نوم العافية يا حبيبتي.
استدارت أمل ناحية هشام.
هشام : هههههههههههه
ايه مالك لسه زعلانه؟
أمل : نفسي أفهم بتضحك على ايه؟!
هشام : هههههههههههه
مش عارف بس هي طالبه معايا ضحك الليلة اضحكي معايا.
مسكت أمل ايد هشام.
هشام : عارف إن قلبك أبيض يا أموله.
أمل : محدش تعبني قد قلبي ده..
هشام : هههههههههههه
معلش يا حبيبتي خليها عليكي شويه بقى.
__________
في الصباح في فيلا كريم.
كريم : حاضر يا فريدة.
فريدة : تاخد منه ميعاد وتقولي علشان احنا كمان نشوف ظروفنا.
كريم : أخد ميعاد ايه مش لما يوافقوا الأول.
فريدة : هي عارفه زين على فكرة وشوفتهم بيتكلموا مع بعض في فرح مجدي وزينة.
كريم : ومالك مبسوطه قوي كده.
فريدة : ابنك مبيضيعش وقت هههههههه
كريم : أنا معرفش ايه سر السعادة اللي انتي فيها دي؟!
فريدة : في ايه يا كريم أنت كل ما اقول حاجه تستغرب إني فرحانه لـ ابني خلاص اهو هسكت خلاص وهقعد مكشره.
كريم : افرحي زي ما انتي عاوزه يا فريدة بس اصبري لما اكلم الناس وأعرف رأيهم ايه.
فريدة : ماشي.
كريم : ثواني.
في التليفون.. 📞
كريم (ابن علاء) : سلام عليكم.. يا عمي.
كريم : وعليكم السلام
ازيك يا كريم اخبارك ايه؟
كريم (ابن علاء) : بخير يا عمي كنت عاوز اسأل حضرتك في المستشفى؟
كريم : لا في البيت خير يا حبيبي في حاجه؟
كريم(ابن علاء) : أصل ماما تعبانه شويه وقولت يعني اجيبها و نكشف عند حضرتك في المستشفى دكتور نادر الاقيه موجود دلوقت؟
كريم : اه موجود ألف سلامة على ماما أنا نص ساعة وأكون في المستشفى سلام.
فريدة : خارج يا كريم؟
كريم : اه يا فريدة عاوزه حاجه؟
فريدة : لأ سلامتك مش جاي على الغدا طبعاً؟
كريم : لأ.
فريدة : طيب مع السلامة.
________
في شقة داليا.
ياسمينا : هههههههههههه
ههههههههههههه هموت مش قادرة.
داليا : هههههههههههه
هنادي : بقول نكت ولا ايه مش فاهمه؟
ياسمينا : هههههههههههه طب انتي وقتها مش نزلت   قعدتي تضحكي مفصلتيش يا هنادي؟
هنادي : هههههههههههه فكرتيني
داليا : هههههههههههه
اتصدمتي بقى يا هنادي.
هنادي : وهتصدم ليه هو
يعني يهمني بس قولت احكيلكم على اللي حصل علشان أنا ارتبكت وقتها كانت مفاجأة بس.
داليا : يا ستي خيرها في غيرها.
هنادي : خيرها ايه وغيرها ايه هو انتي كنتي شايفاني ملهوفه قوي على الجواز يا داليا ولا هنعيده تاني وازعل منك؟
داليا : لا خلاص بلاش اعتبريني مقولتش حاجه.
ياسمينا : مريم عامله ايه يا هنادي؟
هنادي : بخير يا ياسمين.
____________
في مكتب الضابط.
الضابط : دي إجراءات روتينيه يا دكتور هشام المهم طمني عليك؟
هشام " الحمد لله...تمام.
الضابط : متقلقش الادلة كلها ضده بجانب انه اصلا متهم قبل كده بمحاولة اختطاف بنتك يعني دوافع الانتقام موجوده وشريكه معترف بالجريمة اللي كانوا ناويين يعملوها.
هشام : أنا في حاجه بس قلقاني إنه سنتين تلاته بتهمه التحريض على القتل دي يخرج تاني ويهددني أنا وعيلتي.
الضابط : معلش دا مش شغلي دا شغل المحكمة أنا بحقق معاه وباخد أقواله واعترافاته اسلمها للسلطة القضائية المختصه بتنفيذ الحكم الرادع اللي تشوفه المحكمة مناسب للجريمة دي.
هشام : مفهوم أنا بس كنت بحاول اوصلك ايه اللي شاغل دماغي لإني عارف إن التهمه لابساه لابساه بعد اذنك مش عاوز اعطلك عن شغلك.
الضابط : لا أبدًا اتفضل اتشرفت بمعرفة حضرتك.
هشام : أنا اللي اتشرفت بحضرتك سلام عليكم.
الضابط : وعليكم السلام.
بيخرج هشام من مكتب الضابط كان العسكري جايب مدحت علشان يتحقق معاه.
نظر هشام لمدحت وجواه اسأله كتير نفسه يسألها ليه لكن مكانش فيه وقت دخل مدحت للضابط ومشي هشام.
________
في المستشفى.
الدكتور اللي ييتابع حالة شهد بيشوف الأشعة والتحاليل وكان كريم واقف معاه بيتكلموا مع بعض وشهد ناظرة ليهم ومش هما بيقولوا ايه الممرضه بتسحب منها عينة دم علشان تعمل تحاليل تانية.
كريم : تمام.. اتفضلي يا أم كريم.
كريم الابن يسند والدته ويوصلوا مكتب دكتور كريم.
كريم : اتفضلوا.
بيقعدوا يستريحوا.
كريم : تشربوا ايه؟
كريم (الابن) : ولا أي حاجه يا عمي.
كريم : ازاي بقى.
وبيضغظ الجرس يطلب اتنين عصير برتقال وفنجان قهوة.
شهد : طمني يا دكتور أنا كويسه من بعد العملية ولا في حاجه؟
كريم نظر لـ ابن أخوه.
كريم الابن : عادي يا عمي صارحنا بالحقيقة ماما متقبله أي شيء.
كريم : هو بصراحه في شوية مشاكل كده.
نظرت شهد لـ ابنها.
كريم : بس مع العلاج كل شئ هيبقى تمام.
شهد : مش المشكلة كانت في الرحم وإتشال يا دكتور ايه الجديد بقى أنا مش مستريحه من بعد العملية التانية دي بالعكس كمان تعبت كتير عن الأول.
كريم : تنتظمي بس في مواعيد الأدوية بتاعتك وأهم حاجه نفسيتك تبقى كويسه ومستعده للعلاج لإن العملية مكانتش سهله زي ما قولتلك قبل كده.
كريم (الابن) : تمام يا عمي.
الباب يخبط.
كريم بابتسامة : ادخل يا دكتور معتز.
معتز : سلام عليكم.
يرددوا : وعليكم السلام.
معتز : صباح الخير يا دكتور.
كريم : صباح النور اتفضل استريح.
معتز : كنت بس جاي اطمن على شهد عرفت إنها هنا هي وكريم.
شهد : أنا بخير يا معتز.
________
في مكتب الضابط.
الضابط : ايوه
كده اعترف بالحقيقة بعت الناس دي ليه؟
مدحت : بعتهم يقتلوا دكتور هشام.
الضابط : كنت عارف إن سوسن رايحه الفرح؟
مدحت : كنت متأكد بنسبة كبيرة إنها هتروح وعلشان أكدت على رمزي (شريكة) إنه يقولها مكان وميعاد الفرح لإني عارف إنها مش هتسيب تارها وبكده كانوا هيخلصوا على هشام برصاصة في قلبه وسوسن كانت هتقتل البنت يبقى كده ضربت عصفورين بحجر.
الضابط : ليه كل الرغبة دي في الانتقام من حد زي دكتور هشام معروف إن سمعته نضيفه واعدائه قليلين جدًا ومعظمهم منافسين ليه حتى مفيش أي خصومه شخصية ما بينهم؟!
مدحت : رفض اشاركه في المستشفى كنا هنبقى تلات شركاء لكن هو علشان مبيستريحش لشغلي رفض وحرض الدكتور شريكه إنه هو كمان يرفض وأنا كنت عاوز جدًا اني اشاركه في أي حاجه.
الضابط : وطبعا وجود سوسن في الفرح وقتلها لبنت دكتور هشام لو حصل يعني كان هيشتت أجهزة البحث وتبعد الشبه عنك ويمكن تلبس الاتنين لوحدها وتتهم انها اللي حرضت الشابين دول يقتلوا دكتور هشام.
مدحت : بالظبط كده دا اللي جه في دماغي شوفت بقى يا حضرة الظابط إني ماشي معاك دوغري ازاي واعترفتلك بكل حاجه.
الضابط : سبق واتكلمت مع المهندس وليد الحسيني أخو صاحب الفيلا اللي هو نسيب دكتور هشام إنك هتلاقي له حل مع أخوه علشان في مشاكل بينهم دا جه في التحقيقات معاه على لسانه وكمل إنك كنت الوحيد اللي بيفضفض معاه عن مشاكله لكنه متفقش خالص معاك إنك تضر أخوه بـ أي حاجه.
مدحت : كداب هو صحيح متفقش بس كان نفسه أنا اعمل أي حاجه وهو يكون بعيد وليد بيكره أخوه آسر وأنا بصراحه كنت عاوز اجيب رجله في القضية دي.
الضابط : يعني عاوز تبعد الشبهه عنك فتقوم تدخل اطراف تانية وتصرف نظر أجهزة التحقيق عن التفكير فيك طلعت غبي قوي يا مدحت.
مدحت : عندك حق أنا فعلا طلعت غبي قوي محسبتهاش صح بس ملحوقه.
الضابط : هي ايه اللي ملحوقه وأنت مفكر إن المرة دي هتخرج منها زي قبل كده يبقى بتحلم يا مدحت.
مدحت : سيبني احلم يا باشا.
الضابط : حاضر احلم يا مدحت براحتك.
ويضغط الضابط على الجرس.
العسكري يدخل : أي خدمة يا فندم؟
الضابط : خُده يا عسكري على الحجز علشان يحلم هناك وياخد راحته.
__________
بعد كام يوم.
في قرية سياحية في الساحل الشمالي.
مجدي جاي ومعاه اتنين آيسكريم وبيقدم واحد لزينة اللي كانت قاعدة على كرسي على البحر.
زينة : ايه دا فراولة؟
مجدي : ايه مش عاوزه؟
زينة : أنا مقولتش عاوزه آيسكريم فراولة أنا قولت كرامل.
مجدي : جيبت واحد شوكولاته وواحد فراولة اتفضلي ده وهاتي ده.
زينة : اوك هعديها المرة دي.
مجدي : هههههههههههه
الواحد هيحتاج ايه تاني البحر والهوا والوجه الحسن أنا كده مش ناقصني أي حاجه.
زينة : ااه ساقع قوي.
مجدي : هههههههههههه امال الايس كريم طول عمرك بتاكليه سُخن ولا ايه؟!
ههههههههههههه
زينة : لأ أصل اسناني بتوجعني بقالها فترة ونسيت خالص وأكلت عليها.
مجدي : ايه دا مقولتيش الكلام دا قبل ما نتجوز.
زينة : يعني ايه؟!
مجدي : هههههههههههه
بهزر يا حبيبتي معلش كُلي على طرف أسنانك كده ولا أكله بدالك.
زينة : لأ هاكله أنا.
مجدي : هههههههههههه
زينة سكتت بتنهيدة.
مجدي : دا ايه دا بقى؟
زينة : مفيش دي تنهيدة كده بتعبر بالارتياح.
مجدي : مبسوطه معايا يا حبيبتي؟
زينة هزت راسها بابتسامة.
مجدي حد معدي تحط ايدها على عينيه.
مجدي : ايه في ايه؟
زينة : بصلي أنا.
التفتت لها بابتسامة : مفيش أجمل منك يا قمر.
زينة : هصدقك حاضر .
مجدي : هههههههههههه خلصي بقى اللى فى ايدك ويلا علشان ننزل المياه.
زينة : بس عارف لو عملت زي امبارح وغرقتني في المياه هعمل ايه؟
مجدي : هتعملي ايه؟
زينة : ولا حاجه.
مجدي : هههههههههههه طب يلا بينا.
__________
في فيلا كريم.
واقفه في غرفة محمد وبتظبط فريدة البدله.
محمد : مظبوطه يا مامي خلاص.
فريدة : استنى بس بشوف زرار للكم غير ده.
محمد : دا حلو.
فريدة بابتسامة : أنت شايف كده؟
محمد : ايوه.
فريدة نظرت لمحمد بابتسامة وبتمرر ايدها على وجهه : عارف يا محمد أنا بقالي كام سنه مستنيه اليوم ده؟
محمد : أكيد من يوم ما تولدت يعني من خمسة وعشرين سنه بس ليه الدموع دي بقى؟
وبيمسح دموع مامته.
فريدة : دي دموع الفرحه يا حبيبي.
محمد : لأ كده بقى أنا ازعل متعيطيش يا مامي علشان خاطري.
بيخبط زين على الباب : ايه دا في ايه؟
بتعيطي ليه يا مامي؟
فريدة : مبروك يا محمد مبروك ليك أنت كمان يا زين.
بيحضنها زين : طب بتعيطي ليه بس دلوقت محمد وكتب كتابه الليلة وكلها كام شهر ويريحنا منه لكن أنا لسه قدامي بتاع تلات أربع سنين كده.
فريدة : لأ تلاته بس تكون اتخرجت.
زين : هههههههههههه ودول قليلين يعني؟
فريدة بتمسح دموعها وبتضخك : مستعجل قوي.
زين : اه يلا بينا علشان نلبس الدبل والدكتور ده يكتب كتابه ويريحنا.
محمد : هو أنا مضايقك في ايه مش فاهم؟!
زين : ما هو كل أما أتكلم يتقالي لما أخوك اللي أكبر منك يتجوز كده بقى مش هيبقى ليهم حجه.
فريدة : بقى كده؟!
زين : هههههههههههه لا يا مامي علشان خاطري متقلبوش عليه خليها كده تعدي على خير.
فريدة : ماشي أنا نازله اشوف الضيوف وانتو لو في حاجه خلصوها بسرعة مفيش وقت.