#أنت_قلبي٣
___________
الحلقة ١٤١
في شقة مجدي.
داليا : ما تقعدي بقى يا هنادي كل شويه عاوزه امشي عاوزه امشي
قوليلي هتروحي تعملي ايه؟!
هنادي : هروح أعمل غدا للعيال.
داليا : العيال كبرت يا هنادي ولا مش واخده بالك؟
هنادي : مش فاهمه يا داليا عاوزه تقولي ايه؟
داليا : عاوزه أقولك إنك تاخدي بالك من نفسك الولاد كبروا سبيهم يعتمدوا على نفسهم
كانت دايمًا حماتي تقولي سيبي البنات يدخلوا المطبخ ويروقوا معاكي الشقة انتي بتهدي في صحتك وفاكرة إنك كده بتريحهم بكرة يتجوزوا ويحتاسوا ودا فعلا اللي حصل قسمت ورُقية ممشين بيوتهم بالعافية يمكن رُقية هه يعني شويه اكمن جوزها جايب لها اللي تساعدها لكن قسمت بتعمل كل حاجه لوحدها.
هنادي : مريم دخلتها المطبخ من بعد ما خلصت ثانوي وبقت بتعمل تقريباً كل حاجه بس أيام ما بتكون عليها محاضرات كتير مابرضاش اخليها تعمل حاجه.
داليا : وانتي مش ناويه تاخدي بالك من نفسك؟
هنادي : أخد بالي من نفسي ازاي يعني يا داليا مش فاهمه؟
داليا : مش عاوزه تتجوزي؟
هنادي : اتجوز!
داليا : أنا عارفه الوقت مش مناسب بس يا هنادي انتي صعبانه عليه.
هنادي : داليا أنا ماشيه.
داليا : استني بس ما أقولك انتي زعلتي ولا ايه؟
هنادي : هزعل من ايه بس يا داليا ما أنا قولت لك همشي بقى علشان أعمل غدا للولاد زمانهم جايين.
وفتحت هنادي باب الشقة وخرجت.
داليا : شكلها زعلت.. مش عارفه ايه اللي خلاني انسحب من لساني بس واسأل لها السؤال ده؟!
_________
في فيلا آسر.
رُقية : اهلااا بعروسة ابني هههههههههههه
وتاخد رُقية حلا من مليكة.
مليكة : طب واللي يرجع في كلامه؟
رُقية : أخاف أنتو اللي ترجعوا.
وتسلم على مليكة : ازيك يا مليكة عامله ايه؟
مليكة : تمام امال آدم فين؟
رُقية : لسه منيماه لو أعرف كنت خليته قاعد لحد ما يشوف عروسته.
مليكة : هههههههههههه
امال مامي فين؟
سهر خارجه من المطبخ : أنا أهو مين بينادي؟
وتحضن مليكة.
مليكة : ايه مالك يا مامي عينك مدمعه من ايه؟
سهر بابتسامة : من البصل واقفه جنب رِهام بتعمل الأكل لاقيت عيني بتدمع
اقعدي يا بنتي امال فين يوسف؟
مليكة : يوسف بيلعب مع سليم في الجنينه هي ملك مش هنا ولا ايه؟
سهر : لا جات الصبح سابت سليم معايا وراحت الجامعة تخلص شوية ورق.
مليكة : كده طيب نقعد بقى لما تيجي.
سهر : ليه هو انتي ناويه تمشي على طول ولا ايه؟!
هتقعدي تتغدى معانا مش كل مرة تعملي نفس الحركة دي.
مليكة : لا أنا قاعدة سيف اصلا مش جاي على الغدا.
سهر : جايه بقى لوحدك ولا جه وصلك؟
مليكة : لأ لوحدي.
سهر : كويس علشان تقعدي براحتك.. راكنه العربية جوه ولا قدام الفيلا؟
مليكة : لا جوه.. مجدي فين؟
سهر : مجدي من وقت ما بدأ تشطيب في شقته احنا مبقاش نشوفه.
مليكة : هههههههههههه فرحان بقى يا مامي
تلاقيه واقف مع العمال.
سهر : اه كل يوم يرجع هدومه متبهدله.
رُقية : أحسن وقت دا يا طنط.. ليت الشباب يعود يومًا.
مليكة : هههههههههههه
شباب! امال انتي ايه دلوقت يا رُقية؟
رُقية : قصدي على فترة الخطوبة.
سهر : ووقت الخطوبة كنتو عاوزين تتجوزوا
ودلوقت عاوزين ترجعوا تاني بكرة تبقوا عاوزين ترجعوا بيبيهات.
مليكة : هههههههههههه
صح محدش عاجبه حاله.
رُقية : لو آدم يبطل زن بس الحياه تبقى حلوة.
سهر : ما هو نايم اهوه من ساعة ما جه.
رُقية : اه ما هو يا خوفي بقى من النوم ده يسهرني بيه طول الليل عارفه يا طنط بيكون ساكت خالص وهادي أول بس ما يسمع صوت تكة المفتاح في الباب ويشوف علي يقعد يعيط وما يسكتش غير لما اقوم بيه وأفضل الف الشقة كلها وهو على دراعي كده.
مليكة : ليه ايه السبب؟
رُقية : معرفش علي بيقول بعد كده أشوف مكان ابات فيه.
سهر : هههههههههههه
يجي هنا ينام.
مليكة : هههههههههههه
ويسيبهم لوحدهم برضو يا مامي؟
سهر : أنا بهزر.
ملك : يا اهلا وسهلا ومرحبا بالست أم حلا.
مليكة قامت تسلم على ملك.
مليكة بابتسامة : حلا بس؟
ملك : ما هو اسمعي ابنك ده لو مبطلش شقاوة وضرب في سليم هعلقهولك في المرجيحه اللي بره دي ويبقى حد ينزله.
مليكة : سامعه يا مامي؟
سهر : ليه عمل ايه يوسف؟
ملك : ازيك يا رُقية معلش اتلاهينا في موضوع الواد ده.
رُقية بابتسامة : لا ولا يهمك.
مليكة : واد!
أنا ابني يتقال له واد؟!
ملك : اه واد امال بنت؟!
مليكة : أنا ابني يتقال له يا حضرة الباشمهندس دكتور قبطان يوسف.
رُقية : هههههههههههه
ملك : لا يا شيخه من امتى دا بقى؟
دا عيل رخم وغلس وبتاع مشاكل.. شوفي يا أختي
البشمهندس دكتور بتاعك ده عامل في نفسه ايه؟
مليكة قامت : ايه اللي عمل فيك كده يا يوسف؟!
يوسف : عمو بيسقي الزرع وبعدين رشني بالمياه.
ملك : هو اللي رشك بالمياه برضو؟!
تلاقيك أخدت الخرطوم وعملت نفسك فلاح قوي وغرقت نفسك بالشكل ده.
مليكة : طب دي كانت مياه الطينه اللي على هدومك دي من ايه؟!
يوسف : سليم وقعني واتزحلقت.
ملك : سليم وقعك ولا اتزحلقت أنت بتكدب يالا.
يوسف : لا مبكدبش وبعدين أنا مش ولا.
ملك : اهو مبناخدش منك غير اللماضه بتاعتك دي وبس.
سهر : خُديه يا مليكة جوه نضفيه وغيري له هدومه.
ملك : عندك هدوم ولا تاخد لبس من بتاع سليم.
يوسف : شايفه يا مامي خالتو بتغظيني وتقولي تاخد لبس سليم ازاي؟!
مليكة : أنت تتكتم مش عاوزه اسمع صوتك.
سهر : طب بالراحة سبيه أنا هغيرله.
مليكة : معلش يا مامي أنا هغيرله.
يوسف : لأ عاوز انه اللي تغيرلي.
سهر بابتسامة : طب تعالي.
تقعد مليكة بتنهيدة : هاتي حلا يا رُقية عن رجلك.
رُقية بابتسامة : هي كلها قد ايه يعني سبيها هي بتنام على فكرة.
ملك : عامله ايه يا مليكة؟
مليكة : زي ما انتي شايفه يا أختي.
ملك : هههههههههههه
معلش عقبالي أما اتجنن زيك كده وعقبالك انتي كمان يا رُقية.
رُقية : عقبالي ايه بس أقدر على اللي معايا الأول.
ملك : هههههههههههه
شكلي أنا اللي عاوزه اتجنن لوحدي.
___________
في فيلا كريم.
محمد : يا ابني أنت ايه بعد كل ده لسه بتحبها؟!
زين : يا عم أحب ايه بس
بقولك قابلتها في الجامعة صدفه.. صدفه.
محمد : افتكر اللي حصل لنا من تحت راس الموضوع بتاعك ده وأنت مش هتفكر فيها تاني بلا قابلتها صدفه بلا مش عارف ايه ركز يا حبيبي في دراستك مش هتنفعك.
زين : يا ريتني ما تكلمت معاك يا أخي أنت ايه؟!
محمد : أنا بنصحك وبفكرك إن مجلناش من الحوار بتاعك ده إلا المشاكل ومامي من وقتها وهي تعبانه اعقل بقى ها.. اعقل.
زين : يووووه افصل بقى
كفاية نصايح على العموم متشكرين يا حبيبي أنا طالع أنام عقبال ما الغدا يخلص.
أنت تقرأ
أنت قلبي الجزء الثالث
Werewolf(زواج _ حب _ صداقة) جمعت بين أبطال قصتنا لكن حياتهم مش دايماً هادئة ما تيجو نشوف الجزء الثالث من أنت قلبي و اللي مش متابع معانا من الأول يقدر يدخل على الأجزاء السابقه أو يبدأ معانا هنا 👈 حلقتين في الاسبوع..
