أنت قلبي الجزء الثالث

الحلقة ١١٢

#انت_قلبي٣
__________
الحلقة ١١٢

في شقة كمال ونادين.
سيف : هاكل لوحدي يا فيروز.
فيروز : خلاص براحتك.
ياسمينا : هتروحي يا فيروز ولا قاعدة هنا؟
فيروز : انتي ماشيه؟
ياسمينا : اه عاوزه حاجة؟
فيروز : لا سلامتك أنا قاعدة هنا شويه وليد  جاي لمامته هروح معاه.
ياسمينا : طيب مش محتاج حاجة يا سيف؟

سيف : لا يا ياسمين متشكر.
ياسمينا : سلام عليكم.
يرددوا : وعليكم السلام.
فيروز : ايه مبتاكلش ليه؟
سيف : شبعت.
فيروز : شبعت دا ايه أنت لسه أكلت حاجة؟!
سيف : لا خلاص مش قادر.
فيروز ' طيب هعملك حاجة سُخنه تشربها.
سيف : متتعبيش نفسك يا فيروز.
فيروز : مفيش تعب ولا حاجة أنت تنام شويه.
سيف : ياريت أعرف أنام.
فيروز : هتخف الكحه دي شويه بشويه متقلقش.
وخرجت فيروز من غرفة سيف وهو ناظر في الساعة والليل جه ومليكة لسه مجاتش.
___________
في غرفة البنات.
رُقية : علي شكله جه.. معلش بقى يا مليكة هروح اشوف علي يمكن يحتاج حاجة.
مليكة : اوك.. اتفضلي.
تخرج رُقية من الغرفة.
مليكة ناظره في الساعة ولسه بتفكر : لا خلاص بقى الوقت اتأخر.
__________
في المستشفى..في ألمانيا.
آسر : سهر.. سهر.
سهر تفتح عيونها بصوت ناعس : ايوه يا آسر عاوز حاجة؟
آسر : قومي علشان تروحي.
سهر : ليه ما أنا قاعدة هنا معاك.
آسر : علشان تروحي تنامي.
سهر : لأ أنا مش نايمه.
آسر : مش نايمه ايه
انتي اصلا قاعدة نايمه اهوه قدامي.. هاتي التليفون ده.
سهر : هتكلم حد من الولاد؟
آسر : لأ هكلم هشام يجي ياخدك.
سهر : أنا عارفه الطريق لوحدي لما احس اني عاوزه انام همشي لوحدي.
آسر : الوقت اتأخر
ومينفعش اصلا تمشي لوحدك هاتي بس التليفون.
سهر : حاضر.
بيتصل آسر بهشام اللي كان نايم.
هشام : معلش يا آسر راحت عليه نومه.
آسر : لا ولا يهمك معلش بس تعالى علشان تاخد سهر توصلها الاوتيل.
هشام : اوك حاضر جاي.
وقفل آسر مع هشام.
سهر : مفيش داعي يعني كل اما احتاج حاجة تكلمه.
آسر : وفيها ايه بس يا سهر احنا هنا مش في مصر وطبيعي تحتاجي حد يجيبك هنا ويوصلك الاوتيل وبعدين هشام مش غريب.
سهر : معلش بس مش عاوزين نتقل عليه.
آسر : معاكي حق بس الظروف كده بقى هعمل ايه وإلا كنتي فضلتي في مصر.
سهر : مكونتش عاوز تشوفني ولا ايه؟!
آسر : لا يا حبيبتي مقصدش بس أنا تعبان زي ما انتي شايفه هتقعدي في الاوتيل لوحدك؟
سهر : يعني هو أنا هقيم في الاوتيل دول كلهم ساعتين هنام واصحى اجيلك اقعد معاك اليوم كله لـ أخر الليل كمان.
آسر : هتزهقي.
سهر بابتسامة : لأ وبعدين ملكش دعوة أنا راضيه.
آسر : عامل على تعبك.
سهر : يعني وأنا في مصر مش تعبانه؟!
وبعدين أنا هنا تعبانه في ايه دا كفاية إني اقعد كده وأفضل أملي عيني منك.
آسر : طب ما بلاش الكلام ده وأنا تعبان بالشكل ده اجليه لبعدين.
سهر : هههههههههههه
آسر : وحشتني ضحكتك يا سهر كل حاجة فيكي وحشتني.
سهر : طب يلا خف علشان ننزل مصر ونقعد وسط ولادنا.
آسر : نقعد وسط ولادنا دا ايه أنا لما انزل هكلم هشام يوافق نتمم فرح مجدي وزينة بسرعة علشان البيت بقى يفضى عليه أنا وانتي.
سهر : طب ومليكة؟
سكت آسر ومردش.
سهر : خلاص أنا آسفة ياريتني ما سألت.
آسر : هو جه البيت عندنا؟
سهر : اه دا كان كل يوم عندنا.
آسر : وايه وضعهم مع بعض؟
سهر : عادي لا كده ولا كده
بيجي يقعد معانا ويمشي.
آسر : ومليكة بتقولك ايه؟
سهر : احنا الفترة اللي فاتت مكانش فينا دماغ نتكلم في أي حاجة ولا دلوقت اهم حاجة عندنا إنك تقوم بالسلامة.
سهر : الراحة النفسيه أهم من أي حاجة يا سهر هعمل ايه بصحتي وبنتي تعبانه ما دا كمان بيتعبني.
سهر : اقولك حاجة ومتزعلش يعني.
آسر : قولي يا حبيبتي.
سهر : أنا شايفه إن مليكة تلين دماغها شويه وترجع لجوزها ولو عمل حاجة تاني هاه لو اتكرر يعني اللي حصل دا تاني ابقى اعمل اللي أنت عاوزه.
آسر : وهو أنا عملت ايه المرة دي ما انتي كنتي على علم بكل حاجة هل أنا اتكلمت معاه هو اصلا جه واتكلم معايا؟
محصلش ودا اللي زعلني منه أكتر قلة التقدير يا سهر دا أنا باباها عارفه يعني ايه؟!
سهر : عارفه يا آسر وأنا كمان مخبيش عليك زعلانه منه بس مش هينفع أكبر دماغها أكتر من كده هي بتحبه ومقدرش
ابقى سبب إنها تهدم بيتها وترجع تندم وكمان يوسف صعبان عليه هو متعلق بباباه فبقول طالما في أمل إنه يغير من نفسه يعني ليه مندهوش الفرصة واهو نبقى حافظنا على بيت بنتنا.
آسر : هو فين اللي تغير دا يا سهر دا حتى مكلمنيش
ومتقوليش كلمك وأنت كنت تعبان والكلام ده هشام معاه تليفوني وأي حد كان بيتصل هو كان بيرد ويطمنه عليه ويقول لي بعدها على كل اللي كلموني علشان يطمنوا عليه مكانش من ضمنهم جوز بنتنا.
سهر : هو قال لي إنه اتصل بيك.
آسر : دا يا حبيبتي أول ما جيت هنا قبل ما ادخل أعمل العملية ومردتش وقريت الرسالة اللي بعتها
بيعرفني إنه رد مليكة وهيجي ياخدها لما انزل
ومفكرني كده هرد اقوله عداك العيب عملت اللي عليك وأنت راجل كده إنك رديتها بعد ما ذلتها تلات شهور متسألش عنها.
سهر : خلاص يا آسر اهدا الانفعال مش كويس علشانك.
هشام بيخبط.
آسر : ادخل يا هشام.
هشام يدخل وهو قلقان : في ايه يا آسر أنت كويس؟
آسر : اه كويس متقلقش معلش وصل سهر الاوتيل.
هشام : حاضر.
سهر : طب انت مش عايزني معاك يمكن تحتاج حاجة.
آسر : لأ ارجعي انتي الاوتيل علشان تنامي.
سهر : طيب هجيلك الصبح.
وقربت بهمس : نام ومتفكرش في حاجة تضايقك.. تصبح على خير.
آسر : وانتي من أهل الخير.
هشام : طب مش محتاج حاجة يا آسر قبل ما أخرج؟
آسر : لا يا هشام متشكر.
هشام : طيب تصبح على خير.
آسر : وأنت من أهله.
يمشي هشام قدام سهر اللي تشاور لـ آسر وهي بتقفل الباب.
يلتفت هشام يتأكد إن سهر جايه وراه علشان يكمل طريقة ويوصلوا الاوتيل وكل واحد يدخل اوضته.
___________
تاني يوم الصبح في فيلا كريم.
فريدة قاعدة على السفرة اخدت الدوا وبتفطر.
فريدة : مبروك.
نظر زين لوالدته : متشكر بس على ايه؟
فريدة : على العربية الجديدة.
زين : اه حضرتك شوفتيها؟
فريدة : اه وركبتها كمان.
زين : كويسه؟
فريدة : اه ماشي حالها يعني.. خُد بالك بقى من الطريق وتنسى الموضوع إياه ده.
نظر زين لمحمد اللي كان قاعد وبتنهيدة : هو كلمة مبروك كده لازم يجي بعدها كلام تاني!
فريدة : زعلان ليه إني بنصحك مش مفروض إنك قولتلي هنسى الموضوع ده وهركز في دراستي؟!
زين : حصل.
فريدة : قايم رايح فين؟
زين : شبعت وهطلع اوضتي.
كريم نازل من فوق : صباح الخير.
يرددوا : صباح النور.
فريدة : تعالى يا كريم أفطر هقوم اعملك القهوة.
كريم : متشكر يا حبيبتي ايه يا زين رايح فين؟
زين : هطلع اقعد في اوضتي.
كريم : غريبة يعني فكرت إنك هتخرج تلف بالعربية وتفرج صحابك عليها.
نظرت فريدة لكريم بدهشه.
كريم : دا أنا أول يوم جدك جابلي فيها العربية
مدخلتش البيت غير الساعة اتنين الصبح.
فريدة : أنت بتقول ايه لـ ابنك يا كريم؟!
كريم : هههههههههههه بقول اللي حصل علشان كنت فرحان وأنت حقك تفرح مبقولكش اعمل زيي وارجع متأخر لإن دي كانت أول مرة اتأخر فيها بره البيت واتاخدت مني العربية اسبوع ودا كان عقاب جدك ليه.
فريدة : ومن يومها بقى وأنت بترجع البيت متأخر.
كريم : هههههههههههه
لأ دا حصل لما اتخرجت وبدأت اشتغل.
فريدة : اطلع اوضتك يا زين وحضرتك بقى بلاش تحكي مغامراتك لولادك.
محمد : هههههههههههه
كريم : بتضحك على ايه؟
محمد : لا أبدًا يا بابي مفيش.
كريم : من غير سكر يا فريدة هاه سمعاني؟
فريدة من المطبخ : حاضر.