#انت_قلبي٣
__________
الحلقة ١٢٩
في التليفون.. 📞
هشام : أنت فين يا شادي؟
شادي : ليه يا بابي في حاجة؟
هشام : أنا اللي بسأل دلوقت أنت فين؟
شادي : أنا قاعد بره مع صحابي.
هشام : طب تعالى على شقة هاني جوز عمتك.
شادي : ليه؟
هشام : هو أنا كل ما اقولك على حاجة هترد عليه بسؤال.. تعالى وأنت تعرف.
شادي : حاضر.
وقفل هشام مع شادي.
أمل : هو ليه بيسألك مش مفروض هو عارف طالما متخانقين مع بعض؟!
هشام : معرفش بقى يا أمل.
بيركن هشام العربية وهينزل : يلا يا زينة ولا مش نازله؟
زينة : لا طالما الحوار في خناقة أنا مش نازله خليني هنا احسن.
أمل : ازاي هتقعدي هنا لوحدك؟
زينة : وفيها ايه يا مامي هو أنا صغيرة؟
هشام : مامتك تقصد إننا احتمال نتأخر فوق هتفضلي قاعدة هنا لوحدك؟
أمل : خلاص يا هشام اتصل بمراد يجي يروحها.
زينة : مراد مش جاي زمانه نام اصلا وبعدين متقلقوش عليه اطلعوا فوق بس شوفوا المشكلة دي علشان نروح.
طلع هشام وأمل قعدت مع زينة في العربية.
صاحب شادي : ايه رايح فين هي الحكومة كلمتك؟
شادي : حكومة!
صاحبة التاني : اه الحكومة يعني المدام هههههههه
شادي : أظن عيب مش علشان بنهزر ونضحك مع بعض توصل إننا ندخل ستاتنا كمان في الهزار.
صاحبة الأول : أنت زعلت ولا ايه يا شادي دا احنا بنهزر.
شادي : ما هو المشكلة في الهزار ده.. سلام.
يتركهم شادي ويخرج من الكافيه.
صاحبة التاني : قفل شادي دا قوي وكمان كئيب احسن إنه مشي.
_______
في شقة كمال ونادين.
سيف : بتعيطي ليه بس أنا عملتلك حاجة؟
سهر : تلاقيها جعانه هاتها انيمها جنب مليكة.
سيف : مليكة نامت؟!
سهر : هحطها جنبها يمكن تسكت وتنام لو منامتش هصحي مليكة ترضعها.
التليفون يرن..
سهر : معلش يا سيف هطلع اتكلم بره.
سيف : اتفضلي يا طنط البيت بيتك.
تخرج سهر تتكلم في التليفون في البلكونة كان آسر اللي بيتصل.
سيف : مليكة.. مليكة البنت بتعيط قومي رضعيها.
مليكة بصوت ناعس : مامي سبيني أنام شويه.
سيف : معلش يا حبيبتي رضعيها وبعدين نامي.
مليكة فتحت عيونها : سيف!
سيف : اه سيف ايه مش هتقومي ترضعي البنت؟
مليكة بتقوم وبيقرب البنت منها.
مليكة : امال مامي فين؟
سيف : خرجت تتكلم في التليفون.
مليكة : في حد لسه بره؟
سيف : لأ مفيش غير اخواتي واجوازهم.
مليكة : سيف.
سيف : نعم يا حبيبتي.
مليكة : أنت كويس؟
سيف سكت بحزن.
مليكة : أنا عارفه إن الفراق صعب بس ادي حال الدنيا.
سيف بيطبطب عليها : عاوزك تاكلي كويس
ومتفكريش في أي حاجة دلوقت .. مش عارف هنسميها ايه؟
مليكة : مش عارفه.
سيف : ايه رأيك في اسم حلا؟
مليكة : حلو الاسم ده وحروفه خفيفه.
سيف : حلا سيف كمال
حلو بجد؟
مليكة : اه يا حبيبي حلو.
سيف : هسيبك علشان تنامي.
مليكة : تصبح على خير.
سيف : وانتي من أهل الخير.
_______
في فيلا كريم.
فريدة بتتألم من رجلها.
كريم : يا حبيبتي مفيهاش حاجة لو مكسوره زي ما بتقولي متقدريش تمشي عليها دا ألم بس مكان خبطت السلم ابقي خُدي بالك.
فريدة : عارف أنا بقالي يومين حاسه نفسي مش مظبوطه وكل حاجة فيه متلخبطه.
كريم : معلش فترة وتعدي.
فريدة : ايه اللي أخرك كده في المستشفى مش قولت هتيجي بعد المغرب على طول.
كريم : كان في شغل في المبنى اللي جنب المستشفى زي ما انتي عارفه وكنت قاعد مع المقاول والقعدة طولت قوي.
فريدة : وأنت قاعد مع المقاول بتعمل ايه هو دا كمان شغلك يا كريم؟
كريم : قاعد علشان المكان دا بتاعي ولازم اتابع كل طوبه بتتحط فيه.
فريدة : لا أنت مش معقول بجد ريح دماغك كده هتتعب.
كريم : الظاهر الواحد كبر في السن برضو ومبقاش قادر يشتغل زي زمان.
فريدة : أنت مبقتش تدخل اوضة العمليات يا كريم؟
كريم : لأ في الحالات الحرجة بس.
فريدة : امممم علشان كده مدخلتش مع مليكة وأنا اللي كنت مستغربه.
كريم : لا عادي دكتور هاله كانت موجودة مش لازم أنا يعني.
فريدة : طيب الوجع اللي في رجلي ده هيخف امتى؟
كريم : بكرة هتبقي احسن.. نامي وريحي دماغك... تصبحي على خير.
_______
في شقة هاني.
ليلى : اروح فين يا خالو واتفاهم مع مين؟
هشام : مع شادي يا ليلى هيكون مع مين؟
شادي : أنا أصلا معرفش إنها هنا ولا اعرف إنها نزلت اصلا.
ليلى : معلش كنت اخدت الإذن.
شادي : مش دا المفروض يحصل؟
ليلى : أنت عارف بقى حقوقك وواجباتك ايه
وماشي مظبوط مش كده؟
شادي : تلميحاتك دي مش هقبلها يا ليلى.
ليلى : معلش يا خالو مع احترامي لحضرتك أنا مش خارجة مروحه مع شادي ولو بابي مش عاوزني هنا أنا هشوف لي أي مكان اعيش فيه.
هاني : ايه اللي بتقوليه دا يا ليلى البيت بيتك يا بنتي وإن مشلتكيش الأرض اشيلك فوق دماغي الفكرة إني مش عاوز قعادك هنا يتسببلك في مشاكل مع جوزك.
هشام : اقعدي يا ليلى نتفاهم.
ليلى : اقعد واقول ايه يا خالو ابن حضرتك بيذلني بواحد اسمه حسن المفروض إنه بابي وأنا معرفوش ولا افتكر ملامحه غير من الصور بيذلني بست اتجوزها على مامي أنا معرفتهاش ولا شوفتها قبل اليوم اللي جاتلي فيه تطلب شغل لـ ابنها حتى اخويا ده وآسفة لو دا يزعل حضرتك أنا مشوفتوش قبل اليوم ده نهائي أنا عيشت واتربيت في بيت بابي ده ومعرفش غيره.
هاني بيطبطب عليها علشان تهدا.
هشام : الكلام اللي بتقوله ليلى دا حصل يا شادي؟
شادي : اعمل ايه ما أنا جن جنوني لما لاقيت الهانم أم الواد ده جايه عندي البيت وليلى مقالتليش.
ليلى : مقولتش علشان عارفه رد فعلك مش علشان غلطت لإنها مدخلتش لا قعدت قولتلك هي قالت الكلمتين اللي جايه تقولهم وهي واقفه وبعدها نزلت على طول.
شادي : طب خلاص تعالي نتفاهم في بيتنا.
ليلى : للأسف مش هينفع كان ممكن تعاملني بـ الأسلوب ده من الأول لكن إنك فاكر كده اخدت حقك
فتبقى غلطان ومش أنا الحيطه المايله لحضرتك.
هشام : خلاص تعالي عندي أنا.
ليلى : أنا آسفة يا خالو متزعلش مني بس أنا هقعد هنا.
شادي : نتفاهم في بيتنا يا ليلى ميصحش اللي بتعمليه ده.
ليلى : كان ممكن فعلا نتفاهم في بيتنا وبـ أسلوب افضل من اللي اتعاملت بيه معايا بس أنت اللي اخترت الأسلوب ده حبيت تقل مني فاكر إنك كده بتاخد بتارك عادل في المستشفى اتفضل روح خُد تارك منه لكن علشان أنت شايفني ضعيفه حبيت تكسرني أنا مبتكشرش يا ابن خالي.
هشام : محدش يقدر يكسرك يا ليلى يلا بس تعالي معايا أنا مش بقولك تروحي معاه.
ليلى بتبكي : خالي أنا اتوجعت من الإنسان اللي كنت شايفه إنه في ضهري واكتر واحد ممكن يحميني بس هو باللي عمله خسر كتير مش هقدر اروح معاه ولا مع حضرتك ياريت متزعلش مني وتقدر وجع قلبي.
________
فلاش باك.
أنت تقرأ
أنت قلبي الجزء الثالث
Werewolf(زواج _ حب _ صداقة) جمعت بين أبطال قصتنا لكن حياتهم مش دايماً هادئة ما تيجو نشوف الجزء الثالث من أنت قلبي و اللي مش متابع معانا من الأول يقدر يدخل على الأجزاء السابقه أو يبدأ معانا هنا 👈 حلقتين في الاسبوع..
