#انت_قلبي٣
__________
الحلقة ١٤٨
أمام شقة طارق.. مازن بيفتح الباب.
مازن لوالدته اللي كانت واقفه وسرحانه : يلا يا ماما.
هنادي : ها؟
مازن : فتحت الباب.
هنادي تدخل جوه وتوقف في مكانها.
مازن : هو في حاجه يا ماما؟
هنادي وهي مدمعه : حاسه إني ناسيه حاجه.
مازن : طيب أنا هدخل اغير هدومي.
قعدت هنادي شويه وعينها بتدور في الشقة وبعدين تلمح باب غرفة مريم تقوم تفتح الباب تلاقي هدومها اللي خلعتها قبل ما تنزل على السرير فتاخد البيجاما علشان تتغسل وبعدها تلاقي كوباية النكسافيه اللي شربتها الصبح على المكتب وكانت مستعجله فالاوضه مكركبه قعدت تروق فيها وخرجت لاقت مازن قاعد في اوضته وفي ايده الموبايل بيكلم خطيبته.
هنادي : اعملك حاجه تاكلها يا مازن؟
مازن : لا يا ماما أنا شويه كده وهنام.
هنادي : طيب يا ابني.
سهر : هي مامتك صاحيه؟
مازن : اه ما أنا بقولك لسه داخلين من تلت ساعة كده.
سهر : طيب تصبح على خير.
مازن : وانتي من اهله.
قفل مازن مع خطيبته ودخل لوالدته.
هنادي : تعالى يا مازن.
مازن : ماما أنا كنت عاوز اقولك على حاجه.
هنادي قامت ومهتمه تسمع اللي هيقوله مازن : نتيجتك ظهرت.. عملت ايه؟
مازن : هقولك بس امسكي أعصابك شويه.
هنادي بتبكي : مازن أنا مش ناقصه.
بيجري عليها ويحضنها : نجحت.. نجحت.
هنادي منهاره وبتبكي : ألف مبروك يا دكتور.
مازن : نجحت بتقدير جيد جدًا.
هنادي بتبكي من الفرحه : ألف مبروك يا حبيبي ألف مبروك يا طارق.
نظر مازن لوالدته اللي فرحانه وبتبكي : معلش اتلخبطت.
مازن بيحضنها مرة تانية وبيبكي معاها.
مازن : تعبك مراحش يا أم مازن.
هنادي : أنا الفرحه مش سيعاني الليلة حاسه إني بحلم.
مازن : لا دا مش حلم دي حقيقة.
هنادي : فرحت خطيبتك؟
مازن : اه عرفت.
هنادي : مبروك يا حبيبي مبروك يا دكتور مش عارفه اقولك ايه علشان فرحتي.
مازن يُقبل يدها : أنا اللي مش عارف اقولك ايه ولا أرد الدين اللي عليه ليكي دا ازاي مهما عملت مش هقدر اوفي حقك عليه ولا السنين اللي تعبتي فيها علشانه.
هنادي : واديك فرحتني ونستني كل حاجه مرينا بيها مع بعض روح نام بقى واستريح أنت تعبت محتاج تاخد اجازة وتروق نفسك كده علشان فرحتنا الكبيرة بقى تكمل.
مازن بابتسامة ويُقبل يد ورأس والدته : تصبحي على خير يا ماما.
هنادي : وأنت من أهل الخير يا حبيبي.
يخرج مازن ويقفل الباب وهنادي أول حاجه تعملها تخرج صورة طارق وتبدأ تتكلم معاها كإنها شايفاه.
_________
في غرفة هشام وأمل.
أمل : هههههههههههه
شوفت الولاد كانوا هايصين الليلة ازاي يا هشام؟
هشام : هههههههههههه
كان فرح حلو قوي خلص بسرعة.
أمل : عقبال زينة يا حبيبي.
هشام : زينة!
أمل : ايه مالك؟
هشام : والبيت هيفضى عليه أنا وانتي يا أمل؟
أمل : حال الدنيا يا اتش.
هشام : فعلاً حال الدنيا بس انتي مقولتليش دا ايه الحلاوة والطعامه اللي كنتي فيها الليلة دي؟!
أمل : هههههههههههه
مالك يا هشام هو فرح مراد فتح نفسك على الكلام الحلو ولا ايه؟
هشام : هههههههههههه
احنا نجوز كل يوم بقى.
أمل : هههههههههههه
مينفعش يا اتش.
________
في غرفة زينة.
زينة : ما خلاص هانت اهو يا مجدي مش كل اما يجي فرح تعمل اللي بتعمله ده.
مجدي : أنا بعمل ايه يعني
كل الحكاية إن خطوبتنا طولت.
زينة : طب نعمل ايه مش أنت اللي اتقدمت بدري؟!
مجدي : يعني ايه؟
زينة : يعني تروح تنام وهتصحى زي الفل.
مجدي : هتنامي؟
زينة : امال هفضل صاحيه.. أنا حتى مكانش جايلي نوم امبارح وصاحيه كمان من بدري يدوب ساعة اللي نمتها.
مجدي : كده طيب تصبحي على خير.
_________
في الصباح.. في شقة هشام.
هشام : بتعملي ايه يا ياسمين وايه اللي مصحيكي بدري قوي كده النهاردا الجُمعة.
ياسمين : ما أنا عارفه.
هشام : ايه جعانه؟!
ياسمين : لأ أنا بعمل فطار للعرسان.
هشام : فطار ايه بس يا حبيبتي وبعدين العرسان مش هيفتحولك ههههههه
ياسمين : هرن الجرس واسيب الأكل قدام الباب ومعاه الورقة دي.
هشام : فيها ايه الورقة دي؟
ياسمين : كلمتين حلوين كده يعني ومباركه ليهم.
هشام : طول عمرك تفهمي في الأصول والواجب يا سمسمه.
ياسمين : أنت بقى ايه اللي مصحيك بدري كده؟
هشام : سمعت خربطه في المطبخ قومت ملقتكيش جنبي قولت دخلت تاكل ولا ايه.
ياسمين : هههههههههههه
هتطلع أنت ولا اطلع أنا.
هشام : لأ هطلع أنا.
ياسمين : تفضل واقف لحد ما تحس بحد بيفتح الباب تسيب الحاجه وتنزل جري.
هشام : هههههههههههه
ياسمين : اه ما هو لازم تتأكد إن حد قام ياخد الأكل وكمان متخليش مراد يشوفك.
هشام : هههههههههههه ليه كل ده؟
ياسمين : علشان ياخد الأكل ويدخل على طول.
هشام : هههههههههههه حاضر يا ستي هاتي وبعدين هو حد هياكل دلوقت يا سمسمه؟
ياسمين : معلش ما هو هيسيبه على السفرة وقت ما يجوعوا بقى يبقوا ياكلوا علشان أنا هدخل أنام وخايفه تروح عليه نومه على العموم الفطير والأكل دا مش هيبوظ ممكن يتاكل في أي وقت.
هشام : فكرتيني بالأكل بتاعنا يوم الصباحيه.
ياسمين : ههههههههههههه
ما أنا عملت لينا زيهم لما نقوم من النوم بقى ناكل
هنام ساعة كده ولا حاجه تصبح على خير متتأخرش.
هشام : حاضر.
أنت تقرأ
أنت قلبي الجزء الثالث
Werewolf(زواج _ حب _ صداقة) جمعت بين أبطال قصتنا لكن حياتهم مش دايماً هادئة ما تيجو نشوف الجزء الثالث من أنت قلبي و اللي مش متابع معانا من الأول يقدر يدخل على الأجزاء السابقه أو يبدأ معانا هنا 👈 حلقتين في الاسبوع..
