أنت قلبي الجزء الثالث

الحلقة٤٥

#انت_قلبي٢٣
________
الحلقة ٤٥

في محلات نادين.
كمال : لو فاهمه إن كده اتصالحت لما جيتي وقولتيلي آسفة يا بابا يبقى غلطانه.
هدى : إيه اللي يرضي حضرتك يا بابا وأنا أعمله.
كمال : تروحي تعتذري لمرات اخوكي بعد ما سمعت إنك غلطتي فيها حتى من غير ما تنطق معاكي بكلمة واحدة ودا اللي عمري ما كنت هسمح بيه وزي ما أنا بحفظ كرامتك واخاف عليكي واجب عليه كمان أحفظ كرامة بنت الناس اللي موجودة في بيتي ودي مش ضيفه دي تبقى مرات اخوكي يعني زيها زيك بالظبط.
هدى : اروح اعتذرلها!
كمال : إيه تقيله عليكي؟
كان سهل قوي تغلطي إنما إنك تعتذري عن غلطك هو اللي صعب؟!
هدى : حاضر يا بابا هكلمها واعتذر لها في التليفون قدام حضرتك.
كمال : لا يا حبيبتي أنتي تروحي لحد عندها وتعتذريلها.
هدى : حاضر أي طلبات تانية؟
كمال : لأ روحي شوفي شغلك.
هدى : طب حضرتك بتعاملني كده ليه بقى دلوقت مش مفروض خلاص اتصالحنا؟
كمال : لأ مش قبل ما تعتذري لمرات اخوكي.
هدى : حاضر.
كمال : اتفضلي يلا خليني أشوف شغلي.
هدى : حاضر.
__________
في فيلا آسر.
سلمى : أنا لو أعرف إني هتقابل المقابلة دي مكونتش جيت بس معلش أنا جايه علشان خاطر عمار ابن اخويا مش جايه لحد تاني.
وفاء تغمز لسلمى.
وفاء : دي سلمى عماله تقول سهر بنت خالتي وحشتني وعاوزه أروح أشوفها وأطمن على ملك.
سلمى : بس أنا مقولتش إن سهر وحشتني.
تغمزلها وفاء.
سهر : على العموم شرفت ونورت.
سلمى : مالك بتقوليها كده من تحت ضرسك يا ست سهر؟!
سهر : لا من تحت ضرسي ولا سنتي يا سلمى أنتي عاوزه تتخانقي وخلاص.
سلمى : لا يا أختي مش عاوزه اتخانق.
علي داخل بابتسامة : سلام عليكم.
يرددوا : وعليكم السلام.
علي : إزيك يا طنط سلمى إزيك يا طنط وفاء.
وفاء : بخير يا دكتور علي إزيك أنت يا ابني.
علي : أنا كويس.
سلمى : وأنا بخير تعرف يا واد يا علي.
سهر : واد !!
سلمى : ايوه واد امال بنت؟!
تعرف إن بالرغم إني مكونتش بستلطف امك إلا إنك غيرها خالص أنت ابن أبوك بس.
وفاء تغمز لسلمى.
علي : بعد اذنكم.
وفاء : إيه بس الكلام اللي قولتيه دا يا سلمى.
سهر : دبش طول عمرها وأنا بصراحه مبقتش بحب أتكلم معاها.
سلمى : إيه هو أنا هكدب يعني ايوه مكونتش بستلطف أمه ولا بحبها من أساسه.
سهر : لا متكذبيش بس مكنش له لازمه الكلام من الأساس.
سلمى : بينا يا وفاء نمشي.
سهر : ايوااا اغلطي وطولي لسانك وبعدين اعملي نفسك زعلانه كمان.
وفاء : بصراحه يا سلمى سهر عندها حق مكانش له لزوم الكلمتين اللي قولتيهم لعلي دا جاي فرحان وداخل يسلم علينا.
سلمى : ما هو بصراحه مبقدرش اخبي مشاعري أول ما بشوف علي وملك بفتكر هايدي على طول.
سهر : أنتي مالك هي هايدي دي كانت ضرتك؟!
سلمى : لا كانت ضرتك أنتي يا بنت خالتي.
سهر : تمام اديكي قولتي ضرتي أنا يخصك في إيه بقى.
سلمى : صح ميخصنيش يلا يا وفاء.
سهر : أنتي جايه تباركي لملك ولا تنكدي علينا؟!
سلمى : مش جايه تاني يا سهر.
سهر : يكون أحسن برضه.
سلمى : كده.. طيب أنا قايمه امشي يا وفاء هتيجي معايا ولا هتفضلي قاعدة.
سهر : خليكي يا وفاء سبيها تمشي لوحدها.
وفاء تقوم : معلش يا سهر هبقى اجيلك وقت تاني.
سهر : كده.. طيب مع السلامة.
__________
في المساء.
سيف : بتعمل إيه يا جميل.
مليكة تتفزع : سيف! اخص عليك.
سيف : هههههههههههه قلبك ضعيف قوي.
مليكة : تخضني وتقول قلبي ضعيف إيه اللي معاك ده؟
سيف : حذري فزري إيه اللي في العلبه؟
مليكة : مش عارفه.
سيف : إيه دا مفيش أي أفكار كده؟!
مليكة : مممم ممكن تكون حاجه بتتاكل؟
سيف : ما هو أكيد حاجه بتتاكل.
مليكة : ممم فراولة..
سيف : لأ.
مليكة : مانجه.
سيف : لأ ومش بطيخ.
مليكة : هههههههههههه ما هو أكيد مش بطيخ ممم
شكلها مش فاكهه.
سيف : حلو بتحبيه.
مليكة : خلاص عرفت.
سيف : خليتهم يعملولك صاروخ مخصوص ليكي.
مليكة : هههههههههههه
صاروخ دا حاجه جديدة ولا إيه؟
سيف : آه الحجم دا اسمه صاروخ.
مليكة : ما يعملوا مفاعل نووي ونخلص.
سيف : هههههههههههه
بتطبخي إيه؟
مليكة : قومت من النوم قررت أعمل محشي.
سيف : محشي مرة واحدة دا إيه الافترا ده.
مليكة : هههههههههههه
من الصبح بعمل فيه.
سيف : من الصبح!
مليكة : آه ما هو عملته على مراحل.
سيف : والحله الصغيرة دي هتكفينا؟!
مليكة : ايوه.
سيف : ماشي ندوق وبعدين نحكم.
مليكة : اتفضل.
سيف : شوكه!
مليكة : امال هتاكل بـ إيه؟
سيف : اغسل ايدي الأول وبعدين أقولك بس نزلي المحشي دا في طبق هو مفيش حاجه جنبه كده؟
مليكة : الفرخه في الفرن!
سيف : إيه اتحرقت؟
مليكة : لا كان لسه شويه.
سيف : طب كويس هههههه هغسل ايدي تكوني مجهزه السفرة مفيش شوربه؟
مليكة : لأ أنا شاويه الفرخه.
سيف : يلا مش مشكلة هناكل برضه.