#انت_قلبي٣
__________
الحلقة ١٥٢
خارج قاعة الأفراح.
مليكة : طب بابي مردش ليه؟
سهر وبدأت تنفعل وتفقد اعصابها : معرفش معرفش.
إياد جاي ناحيتهم : في ايه يا سهر مالك؟
علي : بابي وانكل حسام محدش فيهم بيرد علينا.
إياد : ازاي ده؟!
ومسك إياد الموبايل بيدور فيه : مفيش رقم تاني يا علي لباباك غير ده؟
علي بيشوف الرقم : في بس مفيش رد من أي رقم فيهم.
منه : ايه يا إياد واقف هنا ليه ايه يا سهر مالك في ايه يا ولاد حد يرد عليه ؟
مليكة بتبكي : بابي اتأخر ومبيردش على تليفونه.
منه : اتصل كده يا إياد.
إياد : بتصل مفيش رد.
سيف لملك : مشوفتيش مليكة؟
كانت ملك واقفه تصور العرسان.
ملك : هي قالت داخله التواليت وسابت حلا معايا.
سيف : اه طيب تعالي يا حلا.
عمار : ملك مشوفتيش مامي؟
ملك : عمتو لاقيتها خارجه من هنا.
عمار : طيب.
وماشي عمار مسكت ايده.
ملك : هو في ايه؟
عمار : بعدين بعدين هقولك.
ياسمينا : مشوفتيش فريدة يا داليا؟
داليا : استأذنت ومشيت.
ياسمينا : مشيت!
داليا : معرفش جه جوزها معرفش قال لها ايه اخدت بنتها ولاقيتها بتشاور لولادها وراحت ماشيه.
ياسمينا : غريبه دي يعني مقالتش ليكي أي حاجه؟
داليا : لأ هي راحت لهنادي كلمتها وبعدها اخدت الولاد ومشيت.
في العربية.
فريدة : قول لي رايحين فين؟
كريم : رايحين بيتنا القديم.
فريدة : ليه؟
كريم كان مركز في الطريق : جميلة اقفلي الازازة اللي معاكي دلوقت.
فريدة : سوق على مهلك علشان تعرف تشرب كريم أنا بكلمك.
كريم بيلف بالعربية ومكمل طريقه.
فريدة : ما تطمني رايحين البيت القديم نعمل ايه؟
كريم : عمي أكرم توفى.
فريدة بتبكي : كان قلبي حاسس.
جميلة : في ايه يا مامي؟
كريم : اهدي يا فريدة اهو أنا مكنتش عاوز اقولك قبل ما نوصل هناك.
فريدة بتبكي.
جميلة : بابي أنا كنت عاوزه اشوف العروسة ملحقتش اشوفها.
كريم بحزن : جميلة اقفلي الازازة اللي معاكي.
جميلة : هي مامي بتعيط ليه؟
كريم : بطلي حركة علشان متوقعيش.
جميلة : طب سوق على مهلك يا بابي.
كريم : معلش يا حبيبتي امسكي نفسك.
في عربية محمد.
محمد : أنا عارف يا زين
اهو بابي قال لي هنروح بيتنا القديم قولت حاضر.
زين : حاسس كده إن في حاجه حصلت هناك تفتكر خالك عمل مشكلة مع طنط ندى ولا عمك علاء اتخانق مع حد ولا ايه اللي حصل؟
محمد : معرفش يا أخي بقولك تعرف تسكت.
زين : باااس يبقى جدو أكرم حصل له حاجه علشان تعبان قوي وبابي كل شويه عندهم.
محمد : ادينا رايحين هناك وهنشوف.
________
في قاعة الأفراح.
وليد : رايحه فين يا منه؟
منه : اخوك مجاش ومبيردش على تليفونه.
وليد : الغايب حجته معاه.
منه : أنت لو قلبك عليه كنت قومت تجري تشوفه فين.
وليد : هو حسام ابن عمك مش معاه خلاص متقلقيش هتلاقيهم جايين.
منه : أنا مش عارفه ايه البرود اللي عندك ده؟!
وليد : برود!
على العموم مبروك لسهر
عاوزه حاجه؟
منه : لا سلامتك.
أنت تقرأ
أنت قلبي الجزء الثالث
Manusia Serigala(زواج _ حب _ صداقة) جمعت بين أبطال قصتنا لكن حياتهم مش دايماً هادئة ما تيجو نشوف الجزء الثالث من أنت قلبي و اللي مش متابع معانا من الأول يقدر يدخل على الأجزاء السابقه أو يبدأ معانا هنا 👈 حلقتين في الاسبوع..
