#انت_قلبي٣
__________
الحلقة ١٢
في فيلا كريم : طب كويس امال قلقانه ليه طالما التحاليل والأشعة مفيهاش حاحه؟
فريدة : بس ندى فعلا لحد دلوقت تعبانه حتى لما التحاليل مطلعش فيها حاجه مفرحتش و لا علقت اصلا.
كريم : يمكن مكانتش قلقانه و حاسه بنفسها كويسه عادي يا فريدة.
فريدة : بقولك هي لسه تعبانه يا كريم.
كريم : يبقى اللي عندها دا مش مرض عضوي يا حبيبتي يمكن زعلانه من حاجه و داخله في مود مش كويس اكتئاب على إحباط هموم الدنيا كتير أنا بس عايزك تاخدي بالك من نفسك.
فريدة : حقيقي يا كريم انت شخصت الحالة صح ندى مش تعبانه جسديا هي مرهقه و مكتئبه.
كريم : خلي بالك المرض النفسي ميقلش خطورة عن المرض العضوي مش الدراسة اللي بتثبت الكلام ده الواقع اللي حوالينا بيقول كده في ناس قوة تحملها ضعيفه و تحت أي ضغط حتى لو قليل بتنهار و توقع.
فريدة : عندك حق بس ندى طول عمرها قويه.
كريم : مشكلة الانسان اللي من نوع ندى دا مع الناس مفكره إنه طول الوقت هيقدر يستحمل لحد ما بيشيل اكتر من طاقته بيبدأ خلاص يرمي الحمولة و يجري.
فريدة : انت كان مفروض تبقى دكتور نفسي.
كريم : هههههههههههه طب يلا علشان ننام يا فراولة.
فريدة ببتسامة : حاضر.
___________
في الطريق..
آسر : ايوه يا مليكة يا حبيبتي انا كويس أنا كويس متقلقيش ايه مامي؟
لا مش سامع نامي يا حبييتي متقلقيش.
يقفل آسر مع مليكة.
التليفون يرن.
آسر : ايوه يا ملك
يا حبيبتي مفيش حاجه لسه قافل مع اختك و طمنتها عليه كل الحكاية إني خبطت في العربية اللي قدامي.
ملك : يا خبر و حضرتك كويس؟
آسر : أنا بخير و بكلمك اهو مروح على البيت
اتأخرت شويه علشان روحنا القسم صمم يعمل محضر و مرضيش يتنازل بس هناك راضيته و المشكلة اتحلت.
ملك : طب كويس دي مامي قلقانه قوي.
آسر : التليفون مكونتش لاقيه دا بالصدفه لما رجعت من القسم بفتح العربية لاقيته واقع في الدواسه و مليكة بتتصل و مامي عامله فوق الأربعين ميسد كول.
ملك : معلش يا بابي من قلقها عليك اتصل بيها بقى و طمنها مش حضرتك كويس؟
آسر : ايوه يا بنتي أنا كويس ادخلي نامي بقى و سلميلي على عمار.
ملك : خلي بالك من نفسك يا بابي.
آسر : حاضر يا حبيبتي تصبحي على خير.
يقفل مع ملك.. منه تتصل.
آسر : ايوه يا منه أنا كويس مفيش حاجه.
منه : امال مبتردش ليه على التليفون و كمان اتأخرت بره البيت قلقتنا عليك يا آسر.
آسر : معلش حاجه كده حصلت و أنا راجع البيت مش وقته احكيها دلوقت تعبان و عايز اروح استريح.
منه : اوك يا حبيبي ترجع بالسلامة على العموم احنا في البيت عندك مش هنمشي غير لما توصل بالسلامة.
آسر : ايه في البيت عندي ليه في الوقت ده؟!
منه : ما هو سهر كلمتني سألتني عليك قولتلها لسه نازل من عندي من شويه و بعدين لما عرفت إنك مرجعتش البيت و كمان مبتردش على تليفونك قلقنا أكتر فجيت علشان نشوف هنعمل ايه انا معايا إياد متقلقش مش هروح لوحدي.
آسر : سهر عملت قلبان يعني.
منه : من خوفها عليك يا اسر أنت متعرفش جينا لقيناها عامله ايه في نفسها دي مهديتش غير لما اتأكدت إنك كويس اهي جنبي بس مش قادرة تتكلم من الخضه.
آسر : اوك يا منه قدامي عشر دقايق و اكون عندكم سلام.
منه : مع السلامة.
_____________
أنت تقرأ
أنت قلبي الجزء الثالث
Werewolf(زواج _ حب _ صداقة) جمعت بين أبطال قصتنا لكن حياتهم مش دايماً هادئة ما تيجو نشوف الجزء الثالث من أنت قلبي و اللي مش متابع معانا من الأول يقدر يدخل على الأجزاء السابقه أو يبدأ معانا هنا 👈 حلقتين في الاسبوع..
