جزء من مشهد في الحلقات الجايه
ندى لحازم و هي تعبانه و بتقوم من السرير
ببطء : تعالى اوجعك زي ما وجعتني و بعدها اقولك
معلش مكانش قصدي😔
حازم : ندى انتي سامحتيني كتير ليه المرادي مش
قادرة تسامحي؟ أنا وعدتك انها هتكون أخر مرة.
ندى : مش يمكن علشان سامحتك كتير اديتك فرصة
إنك تتمادى في الغلط عرفت أخرى ايه يومين خصام
و بعدها المياه ترجع لمجاريها من تاني
مش يمكن لو اخدت موقف كنت على الاقل حافظت
على كرامتي أنا مش باكيه عليك و يمكن مش واجعني
خيانتك ليه على قد ما أنا مقهورة على سنين عمري
اللي ضيعتها و أنا بضحك على نفسي و اقول هيلف يلف و يرجعلي.
تعرف تاكل أكل بايت بنفس زي أول مرة ؟!
طب تقدر تشرب بؤ مياة من كوباية شرب منها
كتير قبلك؟!
طب تقدر تقبل بأقل حاجه من شخص أنت عارف إنه
بيدي كتير لغيرك لكن بيجي لحد عندك
ويستخسر
حتى الكلمة الحلوة اللي بتروي قلبك
اللي قرب يموت
من كتر الملل و الإهمال !
جاوب سكت ليه؟؟؟؟
بس أنا اللي غلطت في حق نفسي يوم ما قبلت بأقل حاجه
لو حبيت نفسي فعلا مكونتش قبلت غير بـ اللي استحقه.
عارف لو معندكش كل دا كنت قولت دا طبعه كده
خلاص هستحمل
لكن ليه تقدرهم و تحبهم و أنا اللي ضحيت علشانك كتير ملاقيش ربع التقدير ده
شوفت وصلتني لـ ايه إني عاوزه على الاقل اتساوى بيهم و هما اللي ملهمش حق فيك دا حقي أنا
حقي اللي اتنازلت عنه من زمان و جايه زي الهبله دلوقت اعيط و اندم على عمري اللي ضيعته معاك
أنت مغلطتش يا حازم أنا اللي غلطت يوم ما صدقت قلبي إنك ممكن تتغير.
حازم : ندى انتي هتخفي و هنرجع لبعض
و هعوضك عن كل اللي فات
وعد مني يا ندى... ندى
ردي عليه !
يحتضنها و يبكي و يصرخ بـ اسمها
نداااااااا.
أنت قلــبــي / الجزء الثالث.
أنت تقرأ
أنت قلبي الجزء الثالث
Werewolf(زواج _ حب _ صداقة) جمعت بين أبطال قصتنا لكن حياتهم مش دايماً هادئة ما تيجو نشوف الجزء الثالث من أنت قلبي و اللي مش متابع معانا من الأول يقدر يدخل على الأجزاء السابقه أو يبدأ معانا هنا 👈 حلقتين في الاسبوع..
