#انت_قلبي٣
#بوسي_مصطفى
_______________
الحلقة ٣
أمل قامت ترحب بـ ليلى و شادي
و اخدت ليلى معاها المطبخ و يدردشوا شويه و قعد شادي مع والدة.
في المطبخ.
أمل : ايه يا ليلى مالك يا حبيبتي انتي مبتاكليش و لا ايه؟
ليلى : لا يا طنط باكل ليه؟
أمل : أصل شايفاكي خاسه قوي
ووشك دبلان اوعي تكوني بتعملي دايت.
ليلى : لا دايت ايه يا طنط بوزني ده.
أمل : ما أنا بقول برضو على العموم عامله أكل ليكم هتاكلي صوابعك انتي و شادي
ههههههههههههه
ابتسمت ليلى ابتسامة خفيفه و هي بتفكر تتكلم مع خالها.
أمل : ايه روحتي فين؟
ليلى : أنا معاكي اهوه يا طنط.
أمل : طيب يا رباب هاتي الخضار ليلى هتقطعه و شوفي انتي اللي في الفرن.
رباب : حاضر يا مدام.
أمل : هتعملي انتي السلطه بقى معلش.
ليلى ببتسامة : دا أنا مبحبش في شغل المطبخ كله غير تقطيع الخضار.
أمل : هههههههههههه
هشام (الأب) : خلاص كلمه شوفه اتأخر ليه.
شادي : حاضر.
و يتصل بـ هشام.
في العربية.
ياسمين : معلش يا هشام هطلع بس ادي ماما البتاع اللي نسيته عندنا ده و انزل على طول.
هشام و هو ممسك الموبايل : مفيش مشكلة سيبي الولاد
و اطلعي
الو ايوه يا شادي.
شادي : أنت لسه في البيت و لا جاي في الطريق بابي قالي اكلمك اشوفك وصلت فين.
هشام : أنا هنا بس قدام العمارة اللي ساكنه فيها حماتي ياسمين طالعه عندها و نازله على طول.
شادي : اوك أنا بس كنت بطمن إنك خرجت.
هشام : مسافة السكه و هنكون عندكم.
شادي : توصل بالسلامة.. سلام.
فوق في شقة علا.
علا : برضو جه وواقف تحت مستنيكي!
ياسمين : معلش يا ماما ما حضرتك عارفه السبب.
زوج علا يخرج من جوه : ازيك يا ياسمين؟
ياسمين : تمام يا عمو حضرتك اخبارك ايه؟
زوج علا : كويس يا بنتي في ايه يا علا مالك بتزعقي ليه؟
علا ممسكه بـ يد ياسمين : تعالي أنا هعرفه بقى احنا قد المقام و لا لأ.
ياسمين : ماما ابوس ايدك مش عايزة مشاكل.
علا : لا هو اللي بيعمل مشكلة مجيته لحد هنا غلط و لازم يتحاسب لما هو مش عايز يطلع عندنا بيجي ليه
كان سابك تيجي لوحدك و لا علمك السواقه و جابلك عربية
يا خايبه دا قاصد يستفزنا
تعالي أما اشوف ابن الاكابر متكبر علينا ليه.
ياسمين : علشان خاطري يا ماما بلاش تتكلمي مع هشام في أي حاجه اقولك حقك عليا ادي راسك ابوسها بس متنزليش.
علا : مش هتنزل معايا ؟
خلاص أنا اللي هنزل و خليكي عندك بقى يا مرات البيه.
تنزل علا تحت و تخبط على زجاج العربية هشام كان مشغول بيكلم مامته طلبت منه حاجه يجيبها و هو جاي في الطريق.
ريتاج تمسك بقميص هشام من الخلف علشان تنبهه بـ جدتها اللي كانت بتتكلم من خلف زجاج العربية قبل ما تخبط.
هشام يفتح باب العربية.
علا : ايه يا هشام باشا مش قد المقام علشان حضرتك تطلع تشرفنا في بيتنا و لا ايه؟
يا أخي حتى احتراما لـ أم عيالك دول.
هشام : معلش أصل الوقت ضيق و رايحين بيتنا.
علا : طيب زي ما دول أهلك و ليهم حق عليك أنا بنتي ليها أهل برضو و من حقهم يشوفوها و يشبعوا منها.
هشام : و أنا ممنعتهاش.
كانت ياسمين جايه ناحيتهم.
هشام يكمل كلامه بعد ما لمح ياسمين : و لو ياسمين عايزة تقعد مع حضرتك مفيش مانع بس بيات لأ و هي عارفه.
علا : و أنت بتتشرط كمان!
ياسمين : ماما مينفعش الكلام دا في الشارع كده.
هشام : و متشرطش ليه حضرتك دي مراتي و متخرجش
و لا تقعد في مكان غير بـ اذني.
علا تنظر لياسمين : عاجبك الكلام دا متجوزه واحد يتحكم فيكي.
ياسمين : عاجبني يا ماما علشان دا حقه.
علا : يا أختي كسر حوقك غوري يلا معاه متجيش هنا تاني خلي المحروس بتاعك دا ينفعك.
هشام : حضرتك اتكلمي بـ أسلوب احسن من كده
يعني ايه المحروس بتاعك ده؟!
علا : أنا أقول اللي أنا عايزاه احكم على اللي يخصك و بس.
زوج علا بغضب : علا يلا على فوق احنا آسفين يا ابني اتفضل خد مراتك و شوف كنت رايح فين.
يركب هشام العربية تجري ياسمين تقعد جنيه و تاخد ابنها على رجلها.
زوج علا ياخدها من ايدها و يطلعوا الشقة.
أنت تقرأ
أنت قلبي الجزء الثالث
Werewolf(زواج _ حب _ صداقة) جمعت بين أبطال قصتنا لكن حياتهم مش دايماً هادئة ما تيجو نشوف الجزء الثالث من أنت قلبي و اللي مش متابع معانا من الأول يقدر يدخل على الأجزاء السابقه أو يبدأ معانا هنا 👈 حلقتين في الاسبوع..
