#انت_قلبي٣
_________
الحلقة ١٧٠ (الأخيرة)
في منزل عائلة كريم وفريدة.
في مكتب حازم.
حازم : أنا معنديش مشكلة يا علاء إننا نبدل الشقق تاخد أنت شقتنا القديمة تجوز معتز ابنك فيها وأنا وفريدة ناخد الشقة دي.
علاء : فهمت يا حازم أنت عاوز الأول تاخد رأي فريدة حقها طبعاً ولازم تعرف وتوافق أو ترفض براحتها.
حازم : ياريت بس ميكونش في زعل أنا عارف إنك محتاج الشقة لمعتز بس لو فريدة اعترضت أنا مقدرش أقولها حاجه لإني معنديش مقدره دلوقت اديها حقها في الشقة علشان ابقى حر التصرف فيها ويمكن هي اصلا ترفض تبيعلي.
علاء : تمام ودي مفيهاش زعل يا حازم أنا قولتلك في الأول إن دا مش هيحصل غير لما تكون نفوسنا كلها راضيه خلاص كلم فريدة وشوف رأيها ايه أنا لو عندي مقدره اشتري لمعتز شقة زي أخوه كنت عملت وريحت نفسي لكن أنا قولت له شقتي تبقى من نصيبك علشان يبقى مظلمتش حد فيهم لكن هجوزه معايا ازاي ولا أنا هروح اقعد فين ملقتش غير الحل ده نبدل دي في دي ويبقى كل واحد من الولاد أخد شقة والصيدلية بقى يبقوا يتقاسموا فيها لما أموت.
حازم : بعد الشر عنك يا علاء أنا كمان قولت لـ أنس بعد ما أموت حقك هيكون الشقة اللي قاعد فيها أنا ومامتك وأختك هديها حقها لو تحب تاخد فلوس أو تاخد نصيبي في شقة بابا مع ندى.
علاء : بعد الشر عليك يا حازم بس الواحد بيعمل كده علشان كل واحد من الولاد ميحسش إنه اتظلم وكلهم واحد.
حازم : أكيد طبعاً وأنا هكلم فريدة وأشوف رأيها ايه.
علاء : خلاص ماشي وأنا مستني ردك.. تصبح على خير.
حازم : وأنت من أهله.
________
في غرفة مراد في الفيلا.
مراد : ما تيجي تنامي يا مريم بتعملي ايه عندك؟
مريم : بتمشى شوية يا مراد القعدة وجعت ضهري وكمان حاسه إن البيبي حركته بطيئه واوقات مبحسش بحركة خالص.
مراد : هههههههههههه تلاقيه نايم تعب بقى عمال من الصبح يجري خليه يستريح شويه وتعالي ريحي ضهرك.
مريم : اهو بيتحرك شايف؟
مراد : شايف ايه!
أنا شايف حاجه.
مريم : تعالى بس حط ايدك وحس بيه.
مراد بفرحه : هههههههههههه بيتحرك صح دا مش بيتحرك دا عمال يجري.
مريم : آآآآآه.
مراد : ايه حصل ايه؟
مريم : عمال يخبط بكوعه ولا معرفش رجله دي حاسه إنه هيفتح بطني ويخرج.
مراد : هههههههههههه
بس يا ولد بالراحة على مامي.
مريم : هههههههههههه
بيجري لسه صح؟
مراد : اه مش يهدا وينام.
مريم : أقعد شويه ضهري وجعني.
بياخد بـ ايدها ويقعدها تستريح.
مريم : ايه في ايه مالك بتبصلي كده ليه؟
مراد : أنا بحبك قوي يا مريم.
مريم : هههههههههههه طب ما أنا كمان بحبك قوي.
مراد : أنا حياتي اتغيرت بوجودك فيها.
مريم : وأنا كمان.
مراد : بقيت زوج وأب ليه بيت وعندي مسؤليات تانية مكانش في دماغي خالص إن كل دا يحصلي.
مريم : ودي بقى حاجه حلوة ولا وحشه؟
مراد : أكيد طبعاً حاجه حلوة انتي اللي حليتي حياتي يا حبيبتي.
وبيقرب منها.
مريم : طب حاسب علشان ابنك لسه بيجري.
مراد : هههههههههههه بطل جري ونام يا واد أنت الوقت اتأخر.
مريم : هههههههههههه خلاص تصبح على خير.
مراد يمسك ايدها : لا أصبح على خير ايه استني هنا لسه مخلصتش كلامي.
مريم : هههههههههههه
مراد : اششششش مريم نايمه.
مريم بهمس : مريم نايمه في الاوضة اللي جنبنا.
مراد : اه صح هههههه
نسيت إن مامي بتعودها تنام بعيد عنك علشان البيبي لما يشرف بس ميعرفوش إني هنيمه مع مريم علشان ننام لوحدنا هنا.
مريم : هههههههههههه أنت بتحلم.
مراد : وماله خلينا نحلم مع بعض هههههههههههه
_________
في فيلا كريم.
كريم : خلاص بقى يا فريدة.
فريدة منهاره وبتبكي.
كريم بيطبطب عليها : مش انتي اللي كنتي عاوزه كده وقعدتي تقوليلي عاوزه أفرح بمحمد يا كريم وافق يا حبيبي يرتبط دلوقت عاوزه افرح بـ ابني واشوف ولاده بتعيطي ليه بس دلوقت؟
فريدة بتمسح دموعها : ايوه أنا قولت كده بس دي أول ليله يا كريم ابنك يبات فيها بعيد عننا.
كريم : مش أول ليله ولا حاجه بس الفرق إنه من الليلة دي هيبقى له حياته الخاصه بعيد عننا ودا حال الدنيا يا حبيبتي صاحبتك مش ابنها اتجوز وسافر وبعد عنها وغيرها وغيرها كتير كل الناس كده يا فراولة وبعدين مش عاوزه تجوزيهم علشان نعيش براحتنا بقى هههههههه
فريدة : كنت مفكره كده بس الاحساس ده طلع صعب قوي مش متخيله البيت يفضى عليه أنا وأنت يا كيمو.
كريم : هههههههههههه مش احسن برضو يا فراولة علشان ناخد راحتنا.
وبيقرب منها.
فريدة : هههههههههههه
ضحكتني وأنا بمسح دموعي مش عارفه إذا كنت اضحك ولا أكمل عياط.
كريم : لا طبعًا تضحكي وتفرفشي كده الليله انتي عروسه.
فريدة : عروسه!
ههههههههههههه
كريم بيقرب منها : وأجمل عروسه دخلت حياتي.
فريدة : ليه هو أنت اتجوزت غيري؟!
كريم : هههههههههههه هو معقول اللي يتجوزك يتجوز غيرك يا فراولة حياتي.
فريدة : هههههههههههه
دا كده مش محمد وميرا بس اللي عرسان الليله.
كريم : هههههههههههه
________
في شقة محمد.
بيرفع الطرحه وينظر لميرا بفرحه وحب.
ميرا بابتسامة وخجل : متبصليش كده يا محمد علشان بتكسف.
محمد : هههههههههههه
امال ابص لمين ما خلاص بقيتي مراتي وحبيبتي وكل دنيتي مش مسموح لي ابص لغيرك يا روحي.
ميرا : قولت ايه؟
محمد : قولت يا روحي.
ميرا : قلبي بيدق.
محمد : هههههههه أول مرة تحسي بيه ولا ايه؟
ميرا : محمد هتفضل تحبي طول العمر؟
محمد : أكيد هو أنا كنت أحلم إني بس أكلمك
دلوقت مقفول علينا باب واحد وبقيتي مراتي..
ميرا : بتعمل ايه؟
محمد : هساعدك تخلعي الفستان ده هنفضل كده نتكلم؟!
ميرا : هههههههههههه
طب حاسب علشان الفستان مش عاوزه حاجه فيه تبوظ علشان يفضل ذكرى.
محمد : هههههههههههه
حاضر هخليه احلى ذكرى في حياتنا كلها.
ميرا : لأ مش الفستان بس.
محمد : هههههههههههه حاضر مش الفستان بس.
____________
في شقة سيف.
سيف : مليكة.. مليكة انتي نمتي؟
مليكة بصوت ناعس : عاوز حاجه يا سيف؟
سيف : بكرة اجازة يا حبيبتي ما تقعدي معايا نسهر شويه واهو الولاد نايمين نقعد براحتنا.
مليكة : حاضر.
سيف : هشغل التليفزيون واجيب شوية تسالي واتنين عصير فريش ونعيش بقى.
مليكة : هههههههههههه
ياااه هتعمل كل ده دا أنت تتحسد بقى.
سيف : هههههههههههه يعني مش قوي كده
بس اوعي ارجع الاقيكي نايمه.
مليكة : لأ أنا صاحيه اهو بس اعمل اللي قولت عليه.
سيف : هههههههههههه حاضر.
__________
في الصباح.. في فيلا كريم.
فريدة : كريم... كريم.
كريم بصوت ناعس : ايوه يا فريدة عاوز حاجه؟
فريدة : طب قوم كلمني.
كريم : ما تقولي وأنا نايم
الساعة كام؟
فريدة : الساعة عشرة.
كريم بتنهيدة ويتثائب : طيب نص ساعة كده وابقي صحيني النهاردا الجُمعة صح؟
فريدة : اه نسيت ولا ايه؟
كريم : لأ بتأكد علشان مصحياني دلوقت يعني وفي يوم اجازتي وانتي عارفه نايمين متأخر.
فريدة : ندى كلمتني وقالت الدفنه هتبقى بعد العصر.
كريم قام بسرعة ولسه مش مستوعب كلام فريدة : دفنة ايه مين اللي مات؟
فريدة : مامت شهد.
كريم : مرات علاء قصدي والدة دكتور معتز؟
فريدة : اه.
كريم يقوم بسرعة : طيب جهزيلي لبس علشان هدخل اخد شاور واروح أقف معاهم.
فريدة : طيب مش هتفطر؟
كريم : يعني لو قدرتي تعملي أي حاجه كده أكلها بسرعة وامشي يكون كويس لو مش قادرة خلاص بلاش.
فريدة : حاضر.
_________
في فيلا مراد.
أمل تخبط على باب غرفة مراد.
مراد بصوت ناعس : مين؟
أمل : أنا ماما يا مراد.
يقوم يفتح الباب : في حاجه يا مامي؟
أمل : مريم سيبتها مع رباب علشان خارجة.
مراد : اوك.. طب هو حضرتك رايحه فين؟
أمل : رايحه اعزي.
مراد : تعزي مين؟
أمل : عارف دكتور معتز؟
مراد : دكتور معتز مين؟
أمل : طب عارف دكتور كريم؟
مراد : طبعاً اعرفه.
أمل : أخوه بقى كان متجوز.
مراد : اه.
أمل : اللي كانت مراته.
مراد : ايه توفيت؟
أمل : لأ مامتها.
مراد : ااااه طيب اجي معاكي؟
أمل : لأ خليك بابي رايح يعمل الواجب.
مراد : خلاص ماشي.
أمل : مريم تحت ابقى خُد بالك منها رباب بتدخل المطبخ ومشغوله مش هتاخد بالها منها طول الوقت.
مراد : حاضر يا مامي مريم هتقوم دلوقت.
أمل : طيب يا حبيبي.. سلام.
مراد : مع السلامة.
_________
في شقة والد معتز.
ندى بتطبطب على شهد : شدي حيلك يا شهد.
شهد مردتش.
قامت ندى وقعدت جنب فريدة.
ندى : على الحال ده من ساعة ما جينا أنا خايفه يحصلها حاجه كانت مرتبطة بمامتها قوي.
فريدة : متقلقيش دا من واقع الصدمه بس احنا هنفضل معاها مش هنسيبها.
ندى : ما أنا قولت لتالا تبقى تبات معاها هنا.
فريدة : ولادها مش هيسيبوها يا ندى.
ندى : فكرتني بيوم وفاة بابا كأنه امبارح.
فريدة : وبعدين معاكي يا ندى بلاش عياط احنا بنحاول نهديها.
ندى بتسمح دموعها : دي هاديه خالص مبتتكلمش أنا خايفه عليها.
فريدة قامت وقعدت جنب شهد.
أنت تقرأ
أنت قلبي الجزء الثالث
Lobisomem(زواج _ حب _ صداقة) جمعت بين أبطال قصتنا لكن حياتهم مش دايماً هادئة ما تيجو نشوف الجزء الثالث من أنت قلبي و اللي مش متابع معانا من الأول يقدر يدخل على الأجزاء السابقه أو يبدأ معانا هنا 👈 حلقتين في الاسبوع..
