#انت_قلبي٣
__________
الحلقة ٢٤
بعد كام يوم.
في شقة كمال ونادين.
كمال : ماله يوسف يا مليكة؟
مليكة : معرفش يا عمو عمال يعيط مبيفصلش.
كمال : طب هاتيه كده.
مليكة : اتفضل.
كمال : يمكن جعان يا بنتي.
مليكة : ما أنا عملتله أكل مرضيش ياكله.
كمال : طب اعمليله ببرونة لبن يمكن يشربها.
مليكة : دا مبطله من زمان هو اللي رفضه فأنا مبقتش اعمله.
كمال : طب جربي كده يمكن نفسه مش جايه للخضار ده و لا اقولك أنا هقوم اعمله.
مليكة : لأ خليه مع حضرتك و أنا هقوم اعمل الببرونه اشوف بقى هيشربها و لا لأ.
دخلت مليكة المطبخ سيف جاي من بره و بعد السلام قعد يستريح.
سيف : ماله يوسف بيعيط ليه؟
كمال : معرفش يمكن جعان مليكة دخلت تعمله لبن يشربه.
سيف : طب هاته يا بابا
ايه يا استاذ مالك جعان؟
يا له استرجل بقى و بطل تعيط على كل حاجه كده.
مليكة : متزعقلوش لو سمحت.
كمال : هههههههههههه
سيف : أنا ازعق لـ ابني براحتي.
مليكة : سامع يا عمو؟
كمال : بيهزر يا بنتي.
سيف : لا بتكلم بجد.
مليكة : طب هاته بقى.
و اخدت مليكة يوسف تشربه اللبن.
سيف : خلاص خليه معاكي لما يعيط متقوليش شيله.
كمال : في ايه بس مالكم على طول كده ناقر و نقير!
سيف : على فكرة دلعك في الولد دا مش كويس. كمال : دلع ايه بس يا ابني هو يعرف حاجه و بعدين ما أنت ادلعت قده عشر مرات و لا هتنكر.
سيف : أنا ادلعت؟!
مليكة : ايوه انكر بقى.
سيف : بصراحه ادلعت كتير من ماما من بعدها خلاص بقى بطلنا دلع لإن مفيش حد بقى فاضي يدلع.
كمال : كلنا ادلعنا وقت ما مامتك كانت عايشه.
مليكة : خلاص يا جماعه أنا ادلعكم.
سيف : نعم!
مليكة : اعملكم أكلة هتاكلوا صوابعكم وراها.
سيف : لا يا حبيبتي و ليه الاذيه اقعدي استريحي خليكي مع يوسف.
مليكة : شايف يا عمو بيحبطني ازاي دا بدل ما يشجعني هو حضرتك كنت بتعمل كده مع طنط نادين برضو؟
سيف : يا حبيبتي مش بتقولي الأكلة دي هناكل صوابعنا وراها انا بقى مش مستغني عن صوابعي
ههههههههههههه
مليكة : نفدت منها.
كمال : باباكي عامل ايه يا مليكة؟
مليكة : بابي كويس جاي بعد بكره.
سيف : طب كويس اهو يوم اجازتي.
مليكة : لا يا حبيبي و لو مش يوم اجازتك برضو هتيجي معايا.
سيف ببتسامة : أكيد طبعا.
كمال : طيب يا بنتي كويس ان باباكي بخير
اقوم انا انام بقى تصبحو على خير.
مليكة و سيف : و حضرتك من أهل الخير.
دخل كمال جوه و قرب سيف من مليكة.
مليكة : ارجع مكانك.
سيف : ليه بس كده؟
مليكة : علشان زعلانه منك.
سيف : و أنا مقدرش على زعلك.
مليكة : سيف باباك جوه.
سيف : طب هاتي يوسف و تعالي ندخل جوه.
مليكة : لما يخلص الببرونه.
سيف : متخلص ياله.
مليكة : سيف بشويش على الولد.
سيف : دا بينام شكله كان جعان.
مليكة : أنت اتأخرت ليه؟
سيف يمسك ايدها : تعالي اقولك جوه.
مليكة ببتسامة : طب شيل يوسف الأول.
سيف : حاضر حصليني بقى.
مليكة : اوك هغسل الببرونه و جايه.
___________
في شقة طارق.
مريم تقفل الكتاب بتنهيده.
هنادي : ايه خلصتي مذاكرة؟
مريم : ايوه يا ماما.
هنادي : طب ادخلي نامي.
مريم : هو حضرتك بتعملي ايه؟
هنادي : بذاكر.
مريم : بتذاكري في منهج تالته ثانوي؟!
هنادي : ايوه فيها ايه دي؟
مريم : و حضرتك بتذاكري في منهج تالته ثانوي ليه؟
هنادي : علشان اكون ملمه بالمنهج.
مريم : ليه برضو؟
هنادي : علشان ناويه ادي درس لجيرانا اللي فوقينا.
مريم : ايه!
اشمعنه يعني ما هما بياخدوا معايا درس؟
هنادي : مامتهم طلبت مني اديهم درس فيها ايه دي؟
مريم : ببلاش؟
هنادي : لأ و بعدين انتي مهتمه بالحوار دا ليه؟
مريم : لو عايزين ياخدوا درس اديهم ببلاش متاخديش منهم فلوس.
هنادي : ليه؟
مريم : كده يا ماما شكلنا هيبقى وحش.
هنادي : نعم!
و هو كل المدرسين اللي بيدوا دروس دول شكلهم وحش قدام الناس
أنا بشتغل و بتعب و باخد اجر على ده ايه اللي فيها مش فاهمه؟!
مريم : خلاص الوقت دا اخد انا درس عند حضرتك.
هنادي : عنيه ليكي هاتي الكتاب كل يوم ليكي ساعة بالليل.
مريم : و هتصرفي نظر عن درس الناس اللي فوقينا دول؟
هنادي : لأ.
مريم : يعني مفيش فايدة؟
هنادي : انتي ايه اللي مزعلك مش فاهمه ادخلي يا مريم نامي عندك مدرسة الصبح.
أنت تقرأ
أنت قلبي الجزء الثالث
Werewolf(زواج _ حب _ صداقة) جمعت بين أبطال قصتنا لكن حياتهم مش دايماً هادئة ما تيجو نشوف الجزء الثالث من أنت قلبي و اللي مش متابع معانا من الأول يقدر يدخل على الأجزاء السابقه أو يبدأ معانا هنا 👈 حلقتين في الاسبوع..
