أنت قلبي الجزء الثالث

الحلقة ٣٢

#انت_قلبي٣
________
الحلقة ٣٢

بعد مرور شهر من الأحداث.

آسر : سهر بلاش لف دوران طول عمرك صريحه ومبتكدبيش مليكة زعلانه مع جوزها صح؟
سهر : اقولك الصراحة.
آسر بتنهيدة : اتفضلي.
سهر : مليكة زعلانه مع جوزها وجايه تهدي اعصابها.
آسر : شوفتي بقى
و ايه الزعل اللي بينهم؟
سهر : حاجه تافهه.
آسر : ايوه اللي هي ايه يعني؟
سهر : يعني شدوا مع بعض شويه فجابت بعضها وجات.
آسر : و انا بقى مفروض أصدق الكلام ده مش كده؟!
سهر : آسر أنا عاوزه انام.
آسر يقوم من السرير تمسك ايده : رايح فين؟
آسر : في ايه يا سهر سيبي ايدي.
سهر : سيبها يا آسر هي قالت إنها هتنام.
آسر : هشوفها لو كانت نايمه خلاص هسيبها.
سهر : طب وليه تقلقها اقعد يا حبيبي بلاش تخرج خلينا قاعدين مع بعض.
آسر : هروح اطمن على يوسف.
سهر بتنهيده : خلاص براحتك.
__________

في شقة مجدي

مروان : وسعي كده وهاتي الريموت ده.
رقية : بيطلعوا امتى دول مش فاهمه؟!
مروان : بس و لا كلمة انا خلصت امتحانات وعاوز اقعد في روقان بقى.
انتصار : هههههههههههه مبروك يا حبيبي عقبال النتيجة.
رقية : اه عقبال النتيجة اما نشوف هتجيب كام.
مروان : زيك بالظبط إلا انتي كنتي جايبه كام في ثانوية عامة؟
رقية بارتباك : ملكش دعوة.
مروان : خلاص وانتي كمان ملكيش دعوة.
داليا : وبعدين بقى بطلوا خناق شويه ايه مبتعرفوش تعيشوا غير بالمنكافه في بعض كده؟!
انتصار : هاتي حته يا داليا.
داليا : معلش يا صاصا مينفعش تاكلي من دا.
انتصار : ليه بقى انا مأاخدتش النهاردا غير ملعقة سكر واحدة بس.
رقية : تيته مامي خايفه عليكي.
انتصار : هاتي هاتي الواحد يعني هيعيش كام مرة انا نفسي فيها ومش هتعرفوا تاكلوا حاجه عيني فيها.
وتاخد انتصار قطعة جلاش وكنافة.
داليا : كفاية كده هاتي اللي معاكي دي.
فتاكلها انتصار : هههههههههههه خلاص نزلت في البلاعه.
مروان : هههههههههههه
بألف هنا وشفا يا تيته على فكرة الحلويات دي معموله ليه مخصوص.
رقية : يا سلام ليه يا حبيبي جيبت الديب من ديله.
مروان : لأ انتي اللي جيبتيه قوي.
داليا : وبعدين معاكم بقى.
رقية : هو اللي ببغيظني يا مامي.
انتصار : لا انتي اللي بتناقري فيه من الأول.
رقية : أنا داخله جوه.
انتصار : ايوه اعملي حجه بقى زعلانه وكده علشان تدخلي تتكلمي في التليفون.
داليا بابتسامة : أدخلي يا حبيبتي في ايه بس يا صاصا دا لسه مخلص امتحانات سبيهم يتكلموا شويه.
إنتصار : وماله خليهم يرغوا هاتلي كوباية المياه دي يا مروان.
مروان : اتفضلي يا تيته.
داليا : عارفه لو مجدي جه وقاس السكر بتاعك ولاقاه عالي انا مليش فيه ماشي؟
تشاورلها انتصار بعدم اهتمام.
انتصار : سندني يا مروان ادخل أنام يا ابني.
مروان : حاضر يا تيته
وينظر لرقية : قومي اعمليلك حاجه بدل ما انتي قاعدة كده بالحق هو انتي طلعتي تاني ليه؟
رقية : وانت مالك يا بارد انت؟!
مروان : امتى تتجوزي بقى علشان نستريح من طولة لسانك دي.
رقية : ليه فاكر إني هروح ومش راجعه تاني ولا ايه؟
انتصار : ترجعي ايه احنا يوم الفرح هنقوله خدوها ونسيها طريق بيتنا علشان كسرنا وراها قُله خلاص.
مروان : هههههههههههه
رقية : بقى كده يا تيته؟!
انتصار : هات ايدك يا مروان وجمد كده اوعي توقعني.
داليا : اعملي كوباية شاي يا رقية.
رقية : حاضر.
__________