أنت قلبي الجزء الثالث

الحلقة ٥٥

#انت_قلبي٣
__________
الحلقة ٥٥

آسر يضمها ليه : طب ليه الدموع دي؟
سهر : مخنوقه قوي.
آسر : من ايه احكيلي؟
__________
في شقة رامي(زوج سلمى).
عمار : خلاص نطلقها علشان تستريحي يا سلمى
ايه رأيك لما نخرب بيوتهم كلهم إياد نوهم مراته إنه لسه بيحب سهر فتحصل مشكلة بينهم فينفصلوا
أما عمار ابنه بقى فنسخنه ونقوله شوف بقى كانت مداريه عليك ليه وفاة أمها أكيد الموضوع دا فيه إنه فيروح يدور على اللي مش عاوزه مراته تقولو ليه فتحصل مشكلة بينهم فينفصلوا
أما سهر فنحط عليها أكتر نحسسها إنها ولا حاجه واننا يا عيني عطفنا عليها وقعدناها في بيتنا علشان ابوها مات وهي صغيرة وخالتك زي ما انتي فاهمه بقى فتروح تتعالج في مصحه ولا تموت نفسها علشان حضرتك ترتاحي
انتي عاوزه ايه بالظبط؟!
سلمى : على فكرة محدش بيحب سهر ولا هيحبها قدي فبلاش كلامك ده.
عمار : بتحبيها ازاي وانتي عماله تأذي فيها هو اللي بتتكلمي عنه دا مش جوزها أبو ولادها وأكيد لازم تحافظ عليه وتدافع عنه وتزعل من أي حد يجيب سيرته بحاجه وحشه سلمى سيبي سهر في حالها علشان هي اللي فيها مكفيها اظن انتي عارفه هي عاشت ازاي
من وفاة جوز خالتك وهي صغير لجوازات خالتك اللي كلها أذتها نفسياً لحب إياد اخوكي ليها ورفض خالتك وبابا علشان كان عاوز إياد يتجوز بنت رجل أعمال وخالتك عاوزه تجوز بنتها لراجل مستريح
سهر مختارتش حاجه اخوكي اللي سافر علشان يكون مستقبله وهي مكانتش هتقعد تنتظره وهي متعرفش اصلا هينفع يتجوزوا ولا لأ قابلت جوزها وحبيته مش طمع في اللي عنده زي ما قولتي على قد ما هي كانت بتدور على راجل يحتويها راعي إنها بنت وحيدة ملهاش اخوات لا بنات ولا صبيان يتيمة الأب من وهي طفله ملهاش عائل ولا بيت تقدر تعيش فيه وتكون مطمنه على نفسها متقوليش بيتنا كان مفتوح لها لاننا مش هنضحك على بعض وجود سهر بعد طلب إياد إنه يتجوزها ورفض العيله لده كان مستحيل تقدر تعيش وسطنا تاني بجانب اخوكي كان متهور وقتها ومبيحسبش للخطوة اللي هيخطيها بنزين ونار جنب بعض مينفعش اتجوزت وقولنا هتستريح جوزها اتجوز عليها وبعدها اتورطت في عيلين صحيح عمرها ما اشتكت لكن مهما كان أكيد كانت بتعاني معاهم كل دا كوم وطليقة جوزها دي بقى كوم تاني ومتنسيش مامته وباباه والحرب اللي كانت عايشه فيها كل دا ومش عاوزها تتعب تخيلي تعيشي حياه زي دي كنتي هتعملي ايه سبيها في حالها يا سلمى وحتى لو غلطت فيكي سامحيها هي زي أختك وياريتها هي اللي غلطت نقول معذوره لأ انتي اللي عماله تجرحي فيها وتفتحي في حوارات عدى عليها سنين
منه اضايقت من كلامك تخيلي الكلام دا يوصل لجوز سهر هيكون رد فعله ايه وانتي عارفه إن ابن اخوكي متجوز بنته يعني ممكن يتهد كام بيت بسبب كلمة واحدة تخرجيها من بوقك هتشيلي ذنب تلات أسر ياريت تراجعي نفسك.
سلمى : أنا فضلت اعتذرلها وقدام مراتك كمان وتقدر تسألها لكن هي كانت منشفه دماغها بقالها فترة حتى مبتكلمنيش ولو اتقابلنا مقابلتها ليه بتبقى وحشه قوي.
عمار : ما هي مش مجنونه علشان تعامل لك المعاملة دي بدون سبب يا سلمى انتي شايفه اللي قولتيه دا مش سبب يخليها تحاول تبعد عنك؟!
سلمى : يعني أنا اللي بقيت وحشه دلوقت؟
عمار : لسانك يا حبيبتي
في مثل بيقول لسانك حصانك إن صونته صانك وإن خُنته خانك
اقفلي بوقك وفكري في الكلمة قبل ما تقوليها احنا مش لسه صغيرين الناس هتقول عيل وغلط لأ كبار يعني عارفين احنا بنقول ايه والا بقى لو مش عارفين منتعاملش مع حد ونفضل قاعدين في بيوتنا حفاظا على كرامتنا وعلى مشاعر الناس ما بالك دول أقرب حد لينا.
سلمى : سهر اتغيرت يا عمار.
عمار : يا ادي النيله بعد كل اللي قولتو ده لسه مصممه إن الغلط عند سهر مش عندك؟! يعني معنى كده إنك مش هتغيري من نفسك هتفضلي كده زي ما انتي.. تمام بس هتخسري ناس كتير أولهم اخواتك
سلام.
وفتح عمار باب الشقة.
سلمى : مع السلامة.
____________
في فيل مراد.
هشام : يعني ايه مفيش حاجه وايه الكدمه اللي في كتفك دي؟
أمل : اتخبطت.
هشام : طب مش تحاسبي وريني كده.
بيشوفها وبعدها يفتح الدرج ياخد كريم يدهن لـ أمل مكان الكدمه اللي في كتفها.
أمل : متشكره.
هشام : ايه متشكره دي؟!
أمل : هقولك ايه بس يا هشام؟
هشام : هو مراد دا هيفضل منكد علينا علينا كده كتير؟
أمل سكتت بتنهيده.
هشام : بكره يعقل متقلقيش.
أمل : هو هشام اخد منك فلوس؟
هشام : ليه بتسألي؟
أمل : جاوبني الأول.
هشام : الشركة عنده فيها شوية مشاكل فبحاول اساعده.
أمل : مقولتليش ليه؟
هشام : هقولك ايه وبعدين مالك بتتكلمي كده كأن هشام دا واحد كده منعرفوش.
أمل : لأ هشام ابني وعلشان كده أنا اللي هسدد المبلغ اللي اخده من نصيبي في الشركة.
هشام : أمل بلاش الكلام اللي يزعل دا لو هشام ابنك فهو ابني أنا كمان متعمليش فرق.
أمل : حتى لو ابنك فكان لازم هتساوي بينه وبين اخواته.
هشام : اساوي بينهم ازاي وبعدين اللي محتاج بديله ولا تقصدي مراد؟
أمل : الكل وبعدين بلاش نضحك على بعض هشام ابن أخوك يعني ملوش حق في اللي تملكه.
هشام : ولا حد من الولاد له حق في اللي أملكه أنا ادي اه بس محدش يلوي دراعي علشان ياخد اللي هو عاوزه وكلامك بجد صدمني.
أمل : علشان بقول الحقيقة؟
هشام : الحقيقة اللي اعرفها إن هشام اتربى على ايدنا وكلامك دا إهانه ليه.
أمل : من غير حساسيه يا هشام الحب دا حاجه والأمور الماديه دي حاجه تانية أنا هسدد بدل هشام وأخواته يسامحوني بقى.
هشام : تعرفي تنامي؟
أمل : أنت زعلان ليه دلوقت؟
هشام : كلامك مش يزعل بس يا أمل كلامك دبحني
هشام ابني وأي كلام في الموضوع ده هيبقى له نتايج مش كويسه.
أمل : هشام مصمم إنه يصفي الشركة ويسدد الفلوس اللي اخدها منك.
هشام : هو اللي قالك كده؟!
أمل : ايوه.
هشام : هتكلم معاه بكره اشوف ايه حكايته هو كمان
مش كفاية عليه الأستاذ مراد.
___________
في شقة طارق.
هنادي : عريس ايه بس يا وائل؟!
وائل : هههههههههههه
دا لمريم مش ليكي يا هنادي.
هنادي : لمريم؟
وائل : ايه مالك اتفاجئتي ولا مش واخده بالك إن بنتك كبرت؟
هنادي : مريم لسه صغيرة ومش عاوزه اشغل دماغها بالحوارات دي دلوقت.
وائل : الولد كويس ومن عيله أنا اعرفها اطمني باباه صاحبي يعني مش هجبلها واحد أي كلام.
هنادي : قفل على الموضوع دا دلوقت يا وائل.
وائل : ليه هو انتي مش هتجوزيها؟!
هنادي : جواز ايه دلوقت البنت لسه في أولى جامعة.
وائل : هو أنا أقصد دلوقت يعني دي خطوبة ولما تتخرج يبقو يتجوزوا.
هنادي : أنت ليه بتحاول تقنعني بحاجه أنا مش مقتنعه بيها؟!
وائل : علشان بحبك وعاوز لك الخير انتي واولادك ولو مش عارف ان الشاب دا كويس مش هكلمك عنه.
هنادي : بصراحة يا وائل أنا مش مهتمه بالموضوع دا دلوقت أهم حاجه عندي إنهم بتخرجوا وكل واحد يشوف مستقبله والجواز دا نشوفه بعدين بقى.
وائل : ماشي تصبحي على خير.
هنادي : ايه دا أنت رايح فين؟
وائل : همشي.
هنادي : طب ما تبات هنا.
وائل : مش هينفع قمر سايبها عند باباها هروح اخُدها من هناك حاجز غرفة في فندق متقلقيش.
هنادي : تمام براحتك تعرف أول مرة اعرف إن اسمها قمر ما تبقى تجيبها وتجيوا اهو نتعرف عليها ولا هتفضل مخبيها عننا؟!
وائل : تصدقي إني خايف تحتك بحد من العيله
تعملي مشاكل.
هنادي : بقى كده يا وائل خلاص براحتك.
وائل : متزعليش مني يا هنادي أنا مقصدكيش اقصد إني اخاف يعني انزلها معايا البلد ولاد العمدة مبيريحوش نفسهم.
هنادي : من امتى بتخاف من الناس يا وائل
قول لي دي الجوازة الكام؟
وائل : هههههههههههه
مش زيك رافضه تتجوزي.
هنادي : اخدت نصيبي خلاص جواز ايه إلا ما عملناها واحنا صغيرين هنفكر فيها دلوقت.
وائل : انتي مش كبيرة يا هنادي اللي في سنك لسه بيبدأوا حياتهم.
هنادي : يمكن أنا اللي بدأتها بدري شويه بس اهو لحقت أعيش مع طارق شويه.
وائل شاف إن الحوار هيقلب وهنادي بدأت تدمع فاستأذن وخرج.
__________
في الصباح.
كريم يقوم بفزع : ايه فيه ايه؟!
فريدة : ايه يا حبيبي بصحيك صباح الخير.
كريم : حد يصحي حد كده وبعدين عاوزه ايه؟
فريدة : فيه ايه يا كريم مكونتش عاوز تصحى ولا ايه معندكش شغل؟
كريم : الساعة كام؟
فريدة : تمانية ونص.
اتنهد كريم.
فريدة ' ايه مالك؟
كريم : كنتي سيبتيني نايم شويه.
فريدة : خلاص ارجع نام تاني.
كريم : ازاي بقى خلاص مينفعش النوم طار.
فريدة : جهزت الفطار هنزل اعملك قهوة ولا تشرب لبن عاوز نصيحتي سيبك من القهوة دي وخصوصا الصبح.
كريم : فيه ايه يا فريدة؟
فريدة : مش فاهمه.
كريم : في حوار تاني عاوزه تكلميني فيه زي امبارح كده؟ ما هو أنا بقيت أقلق منك.
فريدة : كده طيب ألبس وانزل افطر ومتنساش تقفل الباب.
كريم : بتعملي ايه؟
فريدة : هنام تصبح على خير.
كريم : مبقتش فاهمك على العموم نامي يا فريدة.
قامت فريدة بسرعة واحتضنت كريم.
كريم : ايه ده في ايه؟
فريدة : مش هتمسك فيه وتقول لي متناميش قبل ما اخرج علشان تبقى أخر حاجه وقعت عليها عيني هو انتي؟
كريم : دا فيلم عربي قديم صح؟
فريدة : قول لي بحبك.
قام كريم بعيد عنها.
فريدة : كيمو.
كريم : مش هسمع لأ.
فريدة : هبيع دهبي يا حبيبي.
كريم : كويس دا حتى غالي اليومين دول.
فريدة : يرضيك اروح ابيعه والناس تعرف ويقولو دا بيعها دهبها؟!
كريم : اه يرضيني ثم مين الناس دول اللي هتقول
هتذيعي في التليفزيون؟
فريدة : كيمو.
كريم : يووووه
فريدة : خلاص خلاص متعصبش نفسك مش عاوزه حاجه.
بيفتح المحفظة : اتفضلي
كفاية كده ولا تاخدي كل اللي معايا؟!
فريدة : لا كويسين.
كريم : ياريت تمسكي ايدك لـ أخر الشهر.
فريدة : حاضر بس غيرلي الورقة دي.
كريم : مفيش غيرها مش عاجبك هاتيها.
فريدة : لا عجباني خلاص أنت ما صدقت.
كريم : كويس إني لحد دلوقت ماسك اعصابي.
فريدة : هههههههههههه
عارفه مهونش عليك طبعا وبعدين لسه هدفع منهم فاتورة الكهربا.
كريم : مليش فيه اتصرفي بقى واعملي زي الستات الشاطرة المدبره.
فريدة : عاوز تتعشا ايه الليلة؟
كريم : مش هتعشا.
فريدة : ليه يا حبيبي؟
كريم : بوفر يا فريدة.
فريدة : هههههههههههه لا متقلقش عندنا أكل.
كريم : أي حاجه وبعدين ما انتي عارفه نادر يعني لما باكل قبل ما أنام.
فريدة : هعملك اختراع بقى النهاردا إنما ايه هتاكل صوابعك وراه.
كريم : هتخترعي كمان؟!
فريدة : هههههههههههه هسيبك تظبط نفسك كده أكون روقت المطبخ وعملتلك القهوة.
__________
في شقة كمال ونادين.
سيف : انتي بايته هنا ولا ايه؟
فيروز : اه بس نمت تحت.
سيف : ليه؟
فيروز : هدى وجوزها كانوا بايتين هنا.
سيف : اه.
فيروز : جاي بدري يعني.
سيف : استأذنت النهاردا قولت اقعد مع بابا.
فيروز : كده طيب كويس علشان نازله اشتري شوية حاجات خليك مع بابا بقى.
سيف : حاجات ايه انزل اجيبها؟
فيروز : لأ خليك أنت مش معقوله اضيع عليك اليوم اللي جاي تقضيه مع بابا
على العموم هحاول متأخرش علشان ارجع اعمل الغدا هدى نزلت راحت تفتح المحل.
سيف : مكانش له لازمه.
فيروز : في بضاعة مركونه بقالها كتير لازم تبيعها علشان ندي للتجار فلوسهم قولت لباباك وليد ياخدهم يتصرف فيهم وياخد تمنهم مرضيش.
سيف : مفيش مشكلة المهم بابا يخف ويبقى كويس.
________
في المستشفى.
أمل : متقلقش يا حبيبي هتقوم بالسلامة انت بس ادعيلها.
شادي : بس الدكتور قال إن البيبي هيدخل الحضانة.
أمل : وايه المشكلة ما دا طبيعي يا حبيبي لإن مدة حملها سبع شهور ادعيلها هي تقوم بالسلامة أهم من أي شيء دلوقت.
هشام جاي ناحيتهم : ها يا شادي ليلى خرجت من اوضة العمليات؟
شادي : لسه يا بابي.
هشام : متقلقش يا حبيبي ادعيلها تقوم بالسلامة.
أمل : اقعد استريح يا هشام.
هشام : امال فين نور؟
أمل : نزلت تحت قالت مش عاوزه تقعد معانا هنا.
هشام : ليه؟
أمل بهمس : قلقانة شوية.
هشام : حاولي تطمني شادي هنزل اشوفها بتقولي قاعدة فين؟
__________
في المستشفى.
كريم : لا شكر على واجب سمر زي ولادي.
رُفيدة : وهي كمان بتعتبرك زي باباها أصلها كانت متعقله بيه جدًا.
كريم لسمر : خلاص اهو هانت بكره الدكتور عاطف هيكتبلك على خروج.
سمر : متشكره يا انكل.
رُفيدة : انكل ايه احنا في المستشفى.
كريم : لا عادي متعملوش تكليف.
رُفيدة : خلاص تقول لك يا بابي.
كريم : طب استأذن أنا.
رُفيدة : اتفضل.
يخرج كريم من غرفة سمر.
سمر بحزن : أكيد يا مامي مش حابب إني اقول له بابي.
رُفيدة : ليه بتقولي كده دكتور كريم حنين قوي وبيحبك انتي واخوكي.
سمر : شوفتي عمل ايه أول ما قولتي له إني هقول له يا بابي؟!
أنا مش هقول بابي خلاص لانه مبقاش موجود معانا.
رُفيدة : طيب بس متعيطيش أكيد ميقصدش.