أنت قلبي الجزء الثالث

الحلقة ١٤٢

#انت_قلبي٣
__________
الحلقة ١٤٢

في قاعة الأفراح.
سهر بتتلفت حولها..
مليكة : في حاجه يا مامي؟
سهر : معرفش بابي ايه اللي أخره؟!
مليكة : اتصل أطمن؟
سهر : مكلمني من نص ساعة قال لي جاي والطريق مياخدش كل الوقت ده .
مليكة : خلاص اطمني يبقى جاي تلاقي بس الطريق زحمة شويه.
سهر : طيب هقوم أقف بره شويه.
وقامت سهر جه سيف وقعد جنب مليكة.
سيف : ها يا حبيبتي عامله ايه دلوقت؟
مليكة : أحسن شويه تقريبًا أكلت حاجه وجعت معدتي.
سيف : أكلتي ايه؟
مليكة : ما أنا مش فاكرة.
سيف : هههههههههههه
مليكة : العريس والعروسة جم.
سيف يغمز لها بابتسامة : فاكرة يوم فرحنا؟
مليكة : ودي حاجه تتنسي برضو هههههههه
سيف : ما تيجي نعمل فرح في الشقة الليله.
مليكة : ازاي يعني؟
سيف : نسيب الولاد عند مامتك هههههههه
مليكة : أنت عاوز مامي تجينا في نص الليل بيهم. سيف : هههههههههههه عندك حق دي حلا لوحدها هتخلي مامتك صاحيه للصبح.
مليكة تغمز له : ما ناخد شهر عسل في مكان كده فيه بحر ولا ملناش نفس احنا كمان؟
سيف : هههههههههههه نشوف الموضوع دا لما نروح البيت.

بيدخل عبدالرحمن ومنى قاعة الفرح وسط تصفيق المعازيم.
و نورهان حاضنه عبدالرحمن وبتبكي.
تاخدها أمل من ايدها وتترك العريس مع عروسته.

أمل : في ايه بس يا نور امسكي نفسك شويه.
نورهان : مش قادرة وعد كان نفسها قوي تفرح بيهم وحشتني يا أمل.
أمل : حبيبتي مينفعش اللي بتعمليه ده في الفرح
افرحي لهم وبعدين الحزن ده نعيشه لوحدنا.
تمسح نورهان دموعها وتنظر لعبدالرحمن
وعروسته بابتسامة.
بيقعد عبدالرحمن عروسته الأول وبعدين يقعد جنبها في الكوشه.

عمار لملك : ايه روحتي فين؟
تفوق ملك من سرحانها : ها بتقول حاجه يا حبيبي؟
عمار : بقولك روحتي فين؟
ملك : أنا هنا اهوه بس كنت بفتكر نفسي وأنا قاعدة في الكوشه.
عمار : يااااه فكرتيني بالذي مضى.
ملك : هو مش من زمان قوي كده يعني.
عمار : هههههههههههه

شادي : ايه رايحه فين؟
ليلى : هروح أقول لعبدالرحمن حاجه.
شادي : محبكتش دلوقت يعني يا ليلى سيبيه شويه مع عروسته هههههه
ليلى : بتضحك على ايه؟
شادي : يا حبيبتي يمكن عاوز يقولها حاجه بتاع انتي بقى تروحي تكبسي كده على نفسهم ليه يا حبيبتي سيبيهم براحتهم.
ليلى : هو أنا هروح معاهم البيت؟! دا أنا هقول حاجه لـ أخويا وجايه خلي بالك من يزيد.
شادي : لا متقلقيش هو مع مامي.

زينة : لا تعالى هنا رايحه فين؟
أمل : سيبيه رايح لشادي.
تشاور أمل لشادي ياخد باله إن ابنه جاي له علشان يقوم ياخده.
شادي : وادي البيه جايلي محدش عاوز يسيبني استريح أبدًا.. تعالى يا حبيبي.

مجدي : ازي حضرتك يا طنط؟
أمل بابتسامة : مجدي اتفضل اقعد.. أنا كويسه
امال فين مامي؟
مجدي : تقريباً كده واقفه بره.
أمل : ليه في حاجه ولا ايه؟
مجدي : بابي متأخر شويه فمامي قلقانه.
أمل : كده طيب.. اقعد أنا هروح اشوفها.
وقامت أمل وقعد مجدي.
مجدي لزينة : ايه مفيش اتفضل؟!
زينة : ما أنت أهو قعدت.
مجدي بابتسامة : عقبالنا.
زينة : طيب.
مجدي : بقول عقبالنا.
زينة : قولت طيب.
مجدي : امتى؟
زينة : مش هرد على السؤال ده.
مجدي : هو مينفعش يعملوا نظام في الجامعة إن الطالب المجتهد ياخد السنتين في سنة؟
زينة : ايش معنى؟
مجدي : علشان تخلصي بقى.
زينة : لأ خُد بالك بعد ما اتخرج لسه في دراسات عليا اه ما هو أنا مش هكتفي بالبكالوريوس كده وخلاص.
مجدي : لا الدراسات العليا دي بقى تبقي تاخديها عندي اهو نذاكر مع بعض هههههههه.
زينة : اما اتخرج الأول.