#انت_قلبي٣
___________
الحلقة ٩
في شقة عمار.
عمار : مأكلتيش على فكرة.
ملك : لا بجد أكلت.
عمار : طب قوليلي نفسك تاكلي ايه و اطلبهولك يجيلك حالا.
ملك : مش عاوزه حاجه انا شبعت.
عمار : طب قربي نقلب في صور الفرح بتاعنا.
ملك : اوك.
بتقعد ملك جنب عمار بيقلب في الصور على الموبايل ملك مش معاه و بتفكر في حته تانية خالص.
تخلص الصور و يقفل عمار الموبايل و ينظر لـ ملك : ملك.. ملك انتي روحتي فين؟
ملك : هاه بتقول حاجه يا حبيبي؟
عمار : حبيبتي انتي مش معايا خالص سرحانه في ايه؟
ملك : مفيش مش هندخل ننام؟
عمار : ايه دا انتي بتنامي بدري كده؟!
ملك : الساعة اتناشر.
عمار : اتناشر دي بالنسبة لعرسان جداد زي اتنين الضهر كده
ههههههههههههه
ملك : لا بجد مش هتنام؟
عمار : نسهر شويه احنا ورانا ايه؟
ملك : و لا حاجه خلينا قاعدين.
عمار يقرب منها : بقولك ايه يا حبيبتي.
ملك : نعم.
عمار : هنسافر الاقصر و اسوان نكمل شهر العسل هناك.
ملك : ايوه ما أنا عارفه.
عمار : نفسك تروحي مكان تاني؟
ملك : ما هو مفيش مكان ادفى من ده.
عمار : علشان كده كان نفسي قوي نتجوز في تمانية كنا روحنا شرم و لا الغردقة و انطلقنا كده بدل ما احنا متكتفين بالهدوم دي ههههههههههههه
ملك : معلش بقى ما أنت عارف الظروف.
عمار يضمها ليه : عارف يا حبيبتي.
ملك : عمار أنت ممكن تتخلى عني لـ أي سبب من الأسباب؟
عمار : هههههههههههه
لا طبعا و بعدين ايه السؤال ده احنا لسه في شهر العسل يا حبيبتي.
ملك : و بعد شهر العسل؟
عمار : هيجي الشهر التاني للعسل و الثالث و الرابع و سنه كمان و باقي عمرنا مع بعض كله كله عسل.
ملك ببتسامة : عمرك ما هتندم انك اتجوزتني؟
عمار : حبيبتي انتي اسألتك بجد غريبه قوي
بلاش الحوار يمشي في الاتجاه ده اقولك تعالي ننام احسن.
ملك : مش كنت عاوز تسهر.
عمار : لأ غيرت رأيي.
ملك : طب ثواني طب استني أما اقوم.
عمار : و تقومي ليه احنا نشيل على طول.
ملك : طب خد بالك بقى.
عمار ببتسامة : متقلقيش انتي بس امسكي فيه كويس.
ملك ببتسامة : حاضر.
_________
في الصباح.
في شقة عمار (الكبير)
منى : إياد.. إياد قوم بقى.
إياد : يوووه أنا واخد اجازة علشان اعرف أنام براحتي مش عاوز قلق.
منى : لا بقى ما هو أنت لازم تقوم تشوف الشنطة دي تفتحهالي مش قولت إنها بتاعتي.
إياد : طب ما أنا سيبتلك المفتاح اتفضلي افتحيها و خدي حاجتك.
منى : مش عارفه افتحها و أنت نمت كتير مش هقدر أصبر أكتر من كده يلا بقى افتحلي الشنطة.
إياد : دا انتي رخمه رخامه
هاتي المفتاح.
إياد بيحاول يفتح الشنطة متفتحتش.
فلاش باك..
إياد : لا لا متشليش حاجه أنا هنزل الشنط.
دينا : دي خفيفة مش تقيله على فكرة ايه مالك؟
إياد : أصلها زي شنطتي استغربت قولت انتي اخدتي شنطتي ليه؟
دينا : ما دي الهاند باج اللي كانت معايا في الطياره.
إياد : اه أصل جاي بواحدة زيها احطلك الشنط هناك و و طلعيهم براحتك لإني مش هينفع اطلع فوق.
دينا : لا متشكره ليك أنا تعبتك بصراحه.
أنت تقرأ
أنت قلبي الجزء الثالث
Werewolf(زواج _ حب _ صداقة) جمعت بين أبطال قصتنا لكن حياتهم مش دايماً هادئة ما تيجو نشوف الجزء الثالث من أنت قلبي و اللي مش متابع معانا من الأول يقدر يدخل على الأجزاء السابقه أو يبدأ معانا هنا 👈 حلقتين في الاسبوع..
