#انت_قلبي٣
________
الحلقة ٨١
في شقة حمزة.
والدة حمزة : صنية الأكل اهيه يا أم نادين ابقي دخليها لنادين علشان تاكل.
ياسمينا : تسلم ايدك بس اقعدي معانا هتنزلي تعملي ايه.
والدة حمزة : هنام هاخد كوكي في حضني وننام صاحيه من بدري مش قادرة اسهر أكتر من كده.
ياسمينا : طيب يا حبييتي تصبحي على خير.
والدة حمزة : وانتي من أهل الخير.
ونزلت تحت.. خرجت فريدة من عند أختها.
فريدة : ماما أنا ماشيه عاوزه حاجه؟
ياسمينا : هتروحي لوحدك؟
فريدة : لأ ياسين واقف تحت.
ياسمينا : لو الوقت مش متأخر كنت قولتلك تخليه يطلع.
فريدة : لا يطلع فين عنده شغل الصبح احنا يدوب اصلا نلحق ننام هبقى اجي لنادين الصبح.
ياسمينا : طيب يا حبيبتي هنزل معاكي.
فريدة : لأ خليكي شوفي بس الواد الصغير ده عمال يعيط وأنا مش عارفه اعمله ايه ونادين نامت.
ياسمينا : ماشي لما توصلوا بالسلامة طمنيني.
فريدة : حاضر .. سلام عليكم.
ياسمينا : وعليكم السلام.
خرجت فريدة ودخلت ياسمينا جوه تشوف البيبي.
شالته وهزته شويه لحد ما نام وبتصحي نادين علشان تاكل.
نادين : مش قادرة يا ماما.
ياسمينا : مش هينفع لازم تتغذي علشان ابنك ده
دا عمال يعيط يا حبيبي شكل الأعشاب دي مش عامله معاه حاجه قومي علشان تقدري ترضعيه والا هيفضل يزن كده.
نادين : حاضر..
______
في فيلا كريم.
علاء : وهو دا كان غدا
ههههههههههههه
فريدة : على فكرة انتم اللي اتأخرتوا.
علاء : احنا جايين بدري قولي الكلام دا لـ اخوكي.
حازم : مش عبال ما خلصت شغلي.
علاء : شغل ايه يوم الجُمعة؟
حازم : يا عم المكتب مبقفلوش يوم الجُمعة.
علاء : معندكش إجازة خالص شغال طول الاسبوع؟
حازم : دا نظام نق دا ولا ايه؟
كريم : هههههههههههه
علاء مقصدش بس دا تعب عليك يقصد تريح يعني يوم الجُمعة.
فريدة : ما تقعدي بقى كل شويه عاوزه امشي امشي ايه هناكلك؟!
اطمني هنبقى نوصلك.
ندى : أنا مش عارفه ممشتش ليه مع بابا وماما ايه اللي خلاني اسمع كلامك بس.؟!
فريدة : قومي امشي يا ندى.
ندى : دلوقت اقوم امشي
انتي اتجننتي همشي لوحدي في وقت زي ده؟!
فريدة : خلاص أقول لحازم يوصلك.
ندى : لايميها يا فريدة احسنلك أنا عارفه بترسمي على ايه من الصبح وساكتة لك.
فريدة : هههههههههههه من الصبح ايه احنا هنكدب؟!
ندى : أنا أقول لعلاء ياخدني في سكته.
فريدة : طب واتخانقتي مع بنتك ليه لما ركبت مع خطيبها اهو على الأقل حازم أبو ولادك ولا ايه؟
ندى : إن جيتي للحق بقى هما الاتنين ولاد عمي يعني الاتنين واحد يا فريدة فاهمه ولا افهمك تاني؟
فريدة : فاهمه قفلي بقى هوصلك أنا ..هعمل ايه مضطره.
ندى : جوزك يجي معاكي علشان مترجعيش لوحدك.
فريدة : ما دا اللي هيحصل.
حازم : أنس شوف ماما كده لو كانت عاوزه تروح اطلع شغل العربية وصلها وارجع.
انس : حاضر.
وقام انس راح لمامته.
علاء : طيب استأذن أنا بقى.
كريم : رايح فين يا علاء اقعد شويه.
علاء : اقعد ايه أكتر من كده عندي شغل الصبح يدوب اروح بقى أنام تصبحو على خير.
يرددوا : وأنت من أهل الخير.
ويقوم كريم مع علاء يوصله لحد ما يخرج بعربيته من بوابة الفيلا.
أنت تقرأ
أنت قلبي الجزء الثالث
Werewolf(زواج _ حب _ صداقة) جمعت بين أبطال قصتنا لكن حياتهم مش دايماً هادئة ما تيجو نشوف الجزء الثالث من أنت قلبي و اللي مش متابع معانا من الأول يقدر يدخل على الأجزاء السابقه أو يبدأ معانا هنا 👈 حلقتين في الاسبوع..
