أنت قلبي الجزء الثالث

الحلقة ٢٩

#انت_قلبي٣
_________
الحلقة ٢٩

قعدت هنادي في الأرض بعد ما قالت مريم كل اللي حصل.
مريم بتبكي : كنت متردده اقولك وكنت راجعه من الدروس وانا ناويه اتكلم لاني كان لازم احكي لحد علشان يخرجني من المصيبه دي.
هنادي : فين الصور دي؟
مريم بقلق وخوف : ليه؟
هنادي تصرخ : بقولك فين الصور دي؟
مريم : عندي على الموبايل.
هنادي : وكمان محتفظه بيهم على الموبايل!!
مريم : لأ أنا حذفتهم بس هو رجع بعتهم ليه.
هنادي : عاوزه اشوفهم.
مريم بخوف وايدها بترتجف : اتفضلي ياماما.
هنادي تقلب في الصور وهي مصدومه وقعدت تصرخ ومريم بتبكي.
هنادي : ليه عملتي كده يامريم ليه هان عليكي جسمك حد يشوفه
للدرجادي شايفه إن جسمك رخيص ميستهلش يتصان ويتستر من عيون الناس دا احنا فلاحين وقبل ما نكون فلاحين احنا مسلمين يابنتي
انتي مش عارفه إن عملتيه دا حرام؟!
مريم : شيطان ياماما وهمني إنه بيحبني.
هنادي : والحب ماله ومال القرف اللي انا شيفاه دا
حب ايه وانتي في ثانوية عامة طب بلاش دراستك
انتي شايفه إن اللي بيحب حاجه بيخطفها ويجري ولا بيشتريها؟!
يعني لو نازله تحت وحسيتي إنك جعانه هتدخلي السوبر ماركت تسرقي الحاجه وتجري ولا هتدفعي تمن الحاجه اللي هتاكليها؟!
مريم بتبكي : أنا اسفه ياماما.
هنادي : طب اطلع اقول لـ ابوه وأمه ايه؟!
معوفتوش تربوا ابنكم! طب ما انا معرفتش اربيكي انتي كمان.
هنادي بتبكي : ليه تشمتي فيه الناس عاوزاهم يقولوا معرفتش تربى بنتها اكمن ابوها مش موجود طب ليه تخلي الناس تجيب سيرتنا؟!
طب ما هو أنا مش عارفه اعمل ايه قولي انا اعمل ايه؟
بتصرخ هنادي وبتبكي مريم تحضنها وهي بتبكي كمان : أنا آسفه ياماما حقك عليه.
هنادي : دا أنا بحوش طول الشهر وحارمه نفسي من حاجات كتير قولت علشان ابقى اخرج مريم ومازن البت في ثانوية عامة ومكتئبه عاوزه اخرجها شويه تفُك عن نفسها.
تفتح الشنطة : شوفي الفلوس دي كنت ناويه اخدكم بكرة نتغدا بره واشتريلك الموبايل اللي مصدعه دماغي بيه
كنت عاوزه اجيب جزمه ليه بدل اللي عندي اللي قربوا خلاص يطلعوا معاش علشان شكلي قدام زمايلي قولت مش مهم الشهر دا اخرج البنت علشان تشوف مذاكرتها بعد كده ونفسها مفتوحه اتاري بنتي بتخرج من ورايا تقابل الواد الصايع ده.
بتضربها هنادي ومريم بتبكي وتصرخ.
هنادي : دا أنا هموتك سامعه هموتك.
مريم بدأت تفقد الوعي ووقعت على الأرض هنادي من الخضه مكانتش عارفه تعمل ايه دخلت بسرعة المطبخ تجيب مياه.
وبعد ما فاقت قعدت تحضن فيها.
مريم : خلاص ياماما سبيني انا هموت نفسي واريحك مني مش عاوزاكي تضيعي نفسك بسببي.
هنادي بتحضنها : لا يامريم متقوليش كده أنا عايشه ليكم عاوزه تحرقي قلبي عليكي.
مريم بتبكي.
هنادي : الواد دا بيشتغل فين؟
مريم : لسه بيدرس.
هنادي : في انهي كلية؟
مريم : في تجارة.
هنادي : بينزل معاكي الصبح؟
مريم : مش كل الايام.
هنادي : قومي غيري هدومك خالك زمانه جاي
هنزل اجيب طلبات للبيت.
قامت هنادي غسلت وشها وخرجت وقفلت باب الشقة بالمفتاح.
____________