أنت قلبي الجزء الثالث

الحلقة ٤٨

#انت_قلبي٣
_________
الحلقة ٤٨

ينهال سيف على الرجل بالضرب فتبعد مليكة وهي خايفه فيقرب الرجل الأول بعد فتح المطواه ولسه هيضربه بالسلاح يلتفت سيف له بعد ما شعر بخطواته تقرب منه وبعد محاولات من انتزاع المطواه نجح سيف أخيراً واخدها منه انتهز الرجل الثاني فرصة انشغال سيف مع صديقه ويجري خلف مليكة حتى تمكن من الإمساك بها في محاولة منه  بـالاعتداء عليها بيدور سيف على مليكة فيلمحها ويجري ناحية مصدر صوت صراخها فيطعن سيف الرجل الثاني عدة طعنات ويسحبه بعيداً عن مليكة اللي كانت منهارة من الدم اللي غرق وجهها وهدومها
جري الرجل الأول بسرعة بعد ما لاقى صديقه غرقان في دمه.
امسك سيف بمليكة.
سيف : قومي معايا يلا.
مليكة مردتش بتبكي وبس.
سيف بانفعال : بقولك قومي يلا.
يمسكها من ايدها يقومها ويقرب من العربية يقعدها ويحضر كلينكس يمسح وجهها
مليكة بصوت يرتجف من الخوف : سيف هو مات؟
سيف : معرفش.
مليكة بتبكي : طب روح اطمن.
سيف بانفعال : ما يموت ولا يروح في داهيه انتي خايفه عليه؟
مليكة : لأ أنا خايفه عليك.
سيف : متخافيش مش هيحصل أكتر من اللي كان ممكن يحصل لو سيبته.
مليكة : هو اللي معاه دا راح فين؟
سيف : معرفش اهدي بقى خليني اشوف هعمل ايه؟
مليكة : هتعمل ايه؟
سيف : هروح اشوفه مات ولا لسه عايش.
مليكة : بتتصل بمين دلوقت؟
سيف : هتصل بالاسعاف والشرطة خليكي قاعدة مكانك متجيش ورايا.
__________
في فيلا مراد.
أمل : شايفه اللي مجاش لحد دلوقت؟!
نورهان : اسكتي علشان أنا متغاظه منه.
أمل : امال أنا اعمل ايه مش عارفه الواد دا عاوز يعمل فيه ايه حاسه إني دايخه.
نورهان : طب اقعدي تلاقي ضغطه وطي.
أمل : مبقتش عارفه عالي ولا واطي ولا هموت ولا هيحصلي ايه.
نورهان : اهدي يا أمل زمانه جاي.
__________

رغد : مكانش ينفع اكلمك الفترة اللي فاتت أنا أصلا متلخبطه ومش عارفه عاوزه ايه لخبطوا حياتي يا مراد.
مراد : معلش يا رغد فترة وتعدي.
رغد : لميس اللي ادتك رقم تليفوني مش كده؟
مراد : ايوه زعلتي ولا ايه؟
رغد : لأ ابدا بس مش عارفه هو صح إننا نتقابل بالشكل ده؟
مراد : معرفش بس أنا كنت عاوز اطمن عليكي.
رغد : ايه اتأخرت؟
مراد : علشان ببص في الساعة يعني؟
لأ أصل أنا اخدت العربية من مامي وهي محتاجها دلوقت.
رغد : زمانه جاي.
مراد : اهو جه.. ثواني هشوفه.
يقرب مراد من صاحبه اللي اخد العربية يلف بيها شويه هو والبنت اللي بيحبها.
مراد : وقعتك مهببه عملت ايه في العربية؟
صاحبه : ولا حاجه دا خدش بسيط.
مراد : كل دا وخدش بسيط اعمل فيك ايه؟
صاحبه : اششش وطي صوتك هصلحها البنت اللي معايا تقول ايه لما تسمعك بتزعقلي.
مراد : ازعلقك! دا أنا هموتك.
صاحبه : بس رقبتي انت ايه عاوز تموتني بجد؟!
مراد : يا خبر اتأخرت.
يرجع لرغد ويستأذن منها انه هيروح يطلب يوصلها فترفض يتركها ويمشي.
________
في فيلا آسر..
سهر : يا ترى انتي فين يا بنتي اتأخرت يا آسر مش كده؟
آسر : ايوه اتأخرت اتصلي من عندك كده يمكن ترد
هي ولا جوزها.
سهر : بتصل اهو محدش مش بيرد.
آسر : مجدي.
مجدي : نعم يا بابي.
آسر : شيل يوسف نيمه في سرير اختك يا ابني.
مجدي : حاضر.
آسر : علي لسه مجاش هو كمان؟
سهر : لا علي جه من بدري وطلع ينام.
آسر : ايه ردوا؟
سهر : لأ محدش بيرد برضه.
_______