أنت قلبي الجزء الثالث

الحلقة ٩٦

#انت_قلبي٣
__________
الحلقة ٩٦

في جنينة الفيلا.
شادي : يلا بقى يا زينة بتعملي ايه عندك كل ده؟!
زينة : حاضر جايه.
كانت زينة بتقفل مع مريم وقربت قعدت مع أخواتها.
زينة : ايه ده هو الغايب ملوش نايب ولا ايه أكلت الدرة كلها لوحدك يا شادي؟!
هشام : هههههههههههه
لا نصيبك اهوه احنا نقدر برضه.
زينة : ميرسي ميرسي.. مين اللي شاوي الدرة دي؟
هشام : عبد الرحمن ابن عمتك.
عبد الرحمن : ايه مش عاجبك الشوي بتاعي؟
شادي : لو مش عاجبها تشويلنا دول وتورينا شطارتها.
هشام : أنت حاطط نقرك من نقر أختك ليه؟
مفروض مراد كان هو اللي بيقوم بالمهمة دي.
شادي : هههههههههههه مراد لسه بيسخن يا عم سيبه بس اليومين دول الغربة عامله شغل معاه شويه كده وهيرجع لسابق عهده هههههههه
مراد : لا سابق ولا لاحق.
عبد الرحمن : هههههههههه
هشام : أفتكر زمان كان فيه كارتون بالاسم ده.
شادي : صح حد فاكر كان بيتقال ايه وهو بيبدأ.
مراد : سابق لا تتردد لاحق الفوز مؤكد هههههههه حاجة زي كده مش متأكد قوي.
زينة : لا أنا عارفه كان بيتقال ايه بس مش هقول.
شادي : علشان غلسه قومي اشوي الدرة دي ولا جايه تاكلي وبس؟!
هشام : يا ابني سيبها أنا هقوم اشويهم ملكش دعوة.
زينة : مفيش بطاطا بالمرة؟
شادي : أدخلي شوفي جوه.
عبد الرحمن : ياااه وحشني قوي أكل البطاطا
بقالي كتير مأكلتهاش.
ياسمين جايه بالبطاطا : اتفضلوا اللي متولي الشوي يتفضل يشويلنا دول معاه.
هشام : هاتي يا حبيبتي.
ليلى بتقعد وتخطف كوز الدرة من شادي : طبعا حضرتك استغليت الموقف إني بنيم يزيد وروحت قضيت على الدرة كلها مش كده؟!
زينة : هههههههههههه
شادي : أنا مش عارف هلاقيها منك ولا من زينة؟!
زينة : ليه يا حبيبي هو أنا عملت حاجة؟
شادي : متقلقيش في درة كتير هشام راح يشوي هناك.

عبد الرحمن واقف جنب هشام وهو بيشوي على الشواية : حاسب يا هشام.
هشام : متقلقش واخد بالي.
ياسمين : هات اللي عندك دا يا هشام.
هشام : اتفضلي.
ياسمين تاخد الدرة من هشام.

ياسمين : زينة امسكي دا لحماكي وحماتك.
زينة : فيكي الخير يا سمسمه.
مراد : حماكي وحماتك دول انكل آسر وطنط سهر ولا أنا غلطان؟!
هشام : ايه مش عاجبك ولا ايه؟
مراد : عاجبني يا عم أنا قولت حاجة بس مش كانت موضة وبطلت خلاص.
هشام : ياسمين تقول اللي هي عاوزاه اوك؟
مراد : هههههههههههه اوك متزعليش يا ياسمين أنا بهزر بس هشام بيحب يهدي النفوس.
هشام : سامعك على فكرة.
ياسمين : لا عادي مفيش حاجة.
شادي : هو مجدي مجاش ليه؟
زينة : معرفش.
شادي : مش هو اللي كان بيكلمك دلوقت.
زينة : لأ دي مريم.
شادي : مريم مين؟
زينة : بنت طنط هنادي صاحبة مامي.
شادي : اه افتكرت.
مراد : ياااه تعرفي البنت دي كانت بتيجي تلعب معاكي وانتي صغيرة قد كده بس كان رخمه قوي.
زينة : وأنت مالك متتكلمش كده عن صحابي.
مراد : خلاص خلاص ايه مكانتش كلمة يعني.
زينة : هه أنا قايمه و سايبه ليك المكان اشبع بيه.
واخدت الدرة لسهر وآسر و باباها ومامتها.