#أنت_قلبي٤
_________
الحلقة ٦
في فيلا آسر.
ملك : بس يا يوسف متعملش دوشه علشان انه تعبانه.
مليكة : يوسف خُد سليم واطلعوا ألعبوا في الجنينه.
ملك : ايش معنى سليم يعني ما ياخد حلا؟!
يوسف : حلا صغيرة مبتعرفش تلعب.
ملك : عارف لو ضربت سليم هعمل فيك ايه؟
يوسف : مش هتعملي حاجه.
ملك : كده ماشي بس ابقى اعملها وهتشوف.
مليكة : عامله ايه يا مامي دلوقت لسه مصدعه؟
سهر : شويه.
ملك : طب ما تاخدي الحبوب دي يمكن الصداع دا يخف.
مليكة : لأ بلاش مش أي حاجه الواحد ياخدها.
ملك : دا صداع يا مليكة.
مليكة : برضو لأ.
سهر : شوفوا عايزين تاكلوا ايه.
مليكة : أنا مش هاكل.
سهر : ليه؟
مليكة : سيف جاي ياخدنا.
ملك : لسه عربيتك متصلحتش؟!
مليكة : كان مفروض سيف راح يجيبها من يومين بس كلموه هناك وقالوا لسه مخلصتش.
ملك : دي من زمان قوي.
مليكة : هعمل ايه بس؟
ملك : يغيرها.
مليكة : أوك هشوف حاجه ابيعها واغيرها حاضر.
ملك : بتتريقي؟
مليكة : امال اقولك ايه كفايه على سيف تمن تصليح العربية هيغيرها كمان! مش بعيد لو قولت له يغيرني أنا.
ملك : صحيح رجاله ملهاش أمان.
مليكة : يا ست بهزر مالك كده؟
سهر تنام على الكنبه.
ملك : مامي انتي لسه تعبانه؟
سهر : لأ مريحه جسمي بس مش قادرة اقعد.
________
في الكافيه.
بشرى : بلاش تكسف ايده وخُد منه بقى يا بشمهندس.
زياد : اتفضل يا عمو ولا مش عاوز تاكل معايا؟
عُمر بابتسامة يمسد على رأس زياد : لا يا حبيبي هاكل معاك بس حته صغيرة علشان مش جعان.
زياد بابتسامة : ماشي موافق اتفضل بقى.
عُمر ياخد الأكل من الطفل.
بشرى ترجع مكانها وهي ناظره ليهم ومبتسمه.
__________
في المطعم.
جومانا : مجاش يعني بقاله كام يوم.
رغد : هو مين؟
جومانا : الشاب اللي كان متعود يجي يتغدا هنا كل يوم.
رغد : عادي المطاعم كتير.
جومانا : بس هو بيحب المطعم ده واضح إنه مرتبط بيه.
رغد : أنا رايحه أقدم الاوردر خلي بالك من شغلك.
جومانا : كده طيب.
مراد يدخل ويقعد على الطربيزة اللي بيحب يقعد عليها دايمًا وابتسم إنه لاقاها فاضيه.
قدمت رغد الاوردر ورجعت لجومانا.
رغد : في ايه مالك؟
جومانا : شوفتي مش لسه كنت بسألك اهو جه..
رغد : هو مين؟
جومانا : بصي بس الناحية دي.
تلمح رغد مراد وتحاول تتجاهل النظر ليه.
في التليفون... 📞
مراد : هرجع في ميعادي زي كل يوم يا مريم.
مريم : في ايه بس يا مراد بتكلمني بعصبيه ليه؟
مراد : يعني مش عارفه؟!
مريم : عارفه بس أنا هعمل ايه يعني أنت لسه مكلمني دلوقت.
مراد : مكلمك من ساعة يا مريم وقولت لك عندي ساعة بس بريك اجهزي وتعالي نتغدا بره قولتي هشوف.
مريم : ماشي ما هو طنط مش موجوده هسيب الولاد مع مين؟
مراد : مقولتيش الكلام ده وقتها.
مريم : ما أنا قولت يمكن تيجي ولا حاجه قبل الساعة دي.
مراد : خلاص يا مريم.
مريم : مامتك جات هلبس واجي على طول.
مراد : تيجي فين بقولك وقت البريك ساعة عدى تلت ساعة منهم خليكي يا مريم مرة تانية بقى.
مريم : طيب مش زعلان؟
مراد : لأ أنا كنت عاوزك تخرجي تفُكي عن نفسك شويه.
مريم : خليها يوم اجازتك واهو بالمرة ناخد الولاد معانا.
مراد : لا يا حبيبتي ولاد ايه خليهم عندك.
مريم : كده طيب ماشي.
مراد : سلام بقى علشان ألحق أكل الوقت بيضيع.
مريم بابتسامة : بألف هنا وشفا.
مراد : طب ما تيجي.
مريم : اجي بجد؟
خلاص هلبس واجي.
مراد :"ايه انتي ما صدقتي تيجي فين يا حبيبتي لو جيتي مش هتلاقيني.
مريم : كده طيب ابقى افتكرني وأنت بتاكل.
مراد : لا ما هو صورتك قدامي اهي جوه الطبق.
مريم : هههههههههههه سلام.
مراد : مع السلامة.
أنت تقرأ
أنت قلبي الجزء الثالث
Werewolf(زواج _ حب _ صداقة) جمعت بين أبطال قصتنا لكن حياتهم مش دايماً هادئة ما تيجو نشوف الجزء الثالث من أنت قلبي و اللي مش متابع معانا من الأول يقدر يدخل على الأجزاء السابقه أو يبدأ معانا هنا 👈 حلقتين في الاسبوع..
