#انت_قلبي٣
_________
الحلقة ٩٤
في التليفون 📞
فريدة : لا يا طنط ماما مش هنا.
أمل : يعني لسه موصلتش عندك انتي عند نادين اختك صح؟
فريدة : ايوه أنا عند نادين وماما جات ومشيت.
أمل : طيب يا حبيبتي طمنيني على نادين هي عامله ايه؟
فريدة : كويسه يا طنط.
أمل : طيب خليكي قاعدة جنبها يا فريدة.
فريدة : حاضر.
أمل : مع السلامة يا حبيبتي.
تقفل أمل مع فريدة بنت ياسمينا.
سهر : ها يا أمل قالت لك ايه ياسمين وصلت عندها؟
أمل : ايوه بس قالت إنها مشيت.
فريدة : مشيت راحت فين هي لحقت أصل؟!
داليا : مش عارفه في حاجة كده مش مفهومه.
أمل : أنا كمان حاسه بكده أصل صوت فريدة بنتها مريحنيش.
هنادي : ما يمكن يا جماعة زعلانه على اختها اكمنها تعبانه وكده ودي لسه نفسه برضه.
سهر : ولو نادين تعبانه قوي كده ياسمين هتمشي وتسيبها برضه وكمان تقفل تليفونها؟!
هنادي : ما يمكن فصل شحن.
سهر : قالتلك روحت بيتها يا أمل؟
أمل : لأ أنا مسألتش.
سهر : طيب أنا هروح لها على هناك.
فريدة : بلاش يا جماعة خلينا نسيبها براحتها ولو عاوزه تروحي يا سهر برضو براحتك.
داليا : أنا رأيي من رأي فريدة.
فريدة : صح لان فريدة بنتها بتقول إنها جات ومشيت لو نادين تعبانه هتمشي ليه زي ما قولتي يا سهر.
سهر : مش عارفه بس أنا مش مطمنه.
داليا : خلاص شويه كده ونبقى نكلمها تاني يمكن تكون فتحت تليفونها ولا شحنته.
سهر : خلاص طالما انتوا شايفين كده.
___________
في شقة حمزة.
فريدة : لا مش قاعدة يا نادين أنا جايه اخد شنطتي وماشيه.
نادين : خلاص براحتك.
فريدة : وبيتك ده مش هعتبه تاني ولا هكلمك غير لو صالحتي ماما.
نادين : وأنا يعني كنت عملت لها ايه ولا انتي مش كنتي حاضرة وشايفه معاملتها ليه وأنا في بيت بابا دا حتى يا بنتي فضلت وراه لحد ما جه قالي انتي غلطانه يا نادين وأنا كنت جايبك بس علشان تقعدي يومين تهدي أعصابك شايفه حتى بابا بيطردني بالذوق ازاي
وهي دايماً كانت تقعد تشتكي إنها تعبانه والصوت العالي واجع دماغها ومش عارفه تنام ولا عارفه تستريح في بيتها في أم تقول الكلام دا قدام بنتها برضو؟!
فريدة : انتي بتبرري لنفسك ايه انتي عارفه كويس قوي ماما كانت بتعمل معاكي ايه
بنتك ليها أكل مخصوص لوحدها وانتي كمان وكنت اروح الاقيها واقفة بتغسل وتنشر هدوم كتير غير تنضيف البيت والدوشه وكل دا مش مهم ماما اللي كان مضايقها إنك جايه زعلانه مع جوزك مش جايه تستريحي ولا تخدمك ما طول عمر ماما بتخدمنا يا نادين ومشتكتش انتي بس اللي مش لاقيه كلام تقوليه أنا ماشيه ومليش كلام معاكي بعد اللحظة دي طول ما انتي مزعله ماما منك.
وفتحت فريدة باب الشقة وخرجت.
نادين : كوكي انتي يا بنت مش بنادي عليكي؟!
كنده : نعم يا ماما.
نادين : وطي صوت التليفزيون دا شويه علشان اعرف أنام.
كنده : حاضر.
وبفرحه تفتح باب الشقة بعد ما تسمع صوت البوابة تحت : تيته جات تيته جات.
نادين : أنتي يا بنت تعالي اقفلي التليفزيون... كده طيب يا كنده بس اما تطلعي شوفي هعمل فيكي ايه.
_______
في قسم الشرطة.
مراد قاعد قصاد مكتب الضابط اللي بيباشر التحقيق.
هشام وأخواته ومجدي جايين ناحيته.
هشام الأب : ها يا مراد ايه الاخبار؟
مراد بفرحه : أنا مكونتش متوقع إنهم يلاقوها بالسرعة دي؟
هشام الابن : هي مين؟
مجدي : البنت صاحبة الشنطة.
هشام الأب : بجد يا مراد لاقوها؟
مراد : ايوه يا بابي وجوه كمان بيحققوا معاها.
شادي : طب دي اخبار تطمن اهوه اقعد استريح.
مراد نظر لهيثم اللي جاي بيه العسكري من الحجز بعد ما طلب الضابط إحضاره.
شادي : هو دا الواد شريكها؟
مراد : ايوه.
مجدي : ولا كأنك شايفه سيبه يدخل واضح إنه هيتواجه بالبنت جوه.
مراد : أنا مش هعمله حاجة ما هو كان بايت معايا في الحجز اصلا.
أنت تقرأ
أنت قلبي الجزء الثالث
Wilkołaki(زواج _ حب _ صداقة) جمعت بين أبطال قصتنا لكن حياتهم مش دايماً هادئة ما تيجو نشوف الجزء الثالث من أنت قلبي و اللي مش متابع معانا من الأول يقدر يدخل على الأجزاء السابقه أو يبدأ معانا هنا 👈 حلقتين في الاسبوع..
