#انت_قلبي٣
___________
الحلقة ١١
حازم : بقولك قومي بقى
مش دايما تقوليلي مبتقعدش معايا اديني رجعت علشان اقعد معاكي.
ندى : بس أنا عاوزه أنام.
حازم و هو منفعل : جرا ايه يا ندى أنت بتشتغليني طب ابقي بعد كده اشتكي إني مبقعدش معاكي.
ندى : لا أنت بتتلكك.
حازم : لا انتي اللي عايزة تقلبيها نكد بقى و بعدين كل اما اجي الاقيكي نايمه في السرير ايه مالك؟
ندى : لسه فاكر تسأل!
حازم : و لو مسألتش خالص تقولي مبيسألش.
ندى : لا كتر خيرك أنا مش عاوزه حد يسأل عني
خُد بالك أنت بس من نفسك.
حازم : طيب تصبحي على خير.
مردتش ندى..
_______
في غرفة الاولاد.
فريدة : خلاص بقى يا كريم بيقولك كان بيهزر معاه.
كريم : دا هزار ده كان ممكن تفتح دماغ اخوك.
زين : سوري يا بابي كنت عاوزه يخرج من جو الاكتئاب اللي معيش نفسه فيه.
فريدة : طيب يا حبيبي ملكش دعوة بـ اخوك و ركز أنت في مذاكرتك.
زين : حاضر.
كريم : تصبحو على خير.
______
في غرفة كريم و فريدة.
كريم : نفسي اعرف بتضحكي على ايه دلوقت؟!
فريدة : هههههههههههه قلبي وقع في رجليه فكرت حد من الولاد حصله حاجه طلعوا بيهزروا مع بعض.
كريم : هزار سخيف لو اتكرر أنا مش هسكت و لازم يتعاقبوا اعصابنا مش مستحمله.
فريدة : هههههههههههه كنا بنقول ايه بقى قبل الخضه؟
كريم : تصدقي انتي فايقه و رايقه يا فريدة أنا مش قادر اتلم على اعصابي.
فريدة : يا حبيبي ميبقاش قلبك خفيف كده دا أنت المفروض تكون اجمد من كده.
كريم : مش على ولادي يا فريدة.
فريدة : معلش تعيش و تاخد غيرها يا كيمو.
كريم : لا مرة كمان و هتلاقيني واقع هنا مش هقدر اتحرك.
فريدة : بعيد الشر عليك يا حبيبي ههههههههههههه
____________
في التليفون 📞
رقية : مبعملش حاجه كنت هنام.
علي : يعني اقفل؟
رقية : أنت بتسألني بعمل ايه قولتلك على اللي كنت ناويه اعمله.
علي : رقية انتي بتعامليني كده ليه؟
رقية : بعاملك ازاي مش فاهمه؟
علي : يعني اسلوبك معايا جاف جدا مفروض تبقي مرحه و انتي بتتكلمي معايا مش ردود ناشفه أنا خطيبك على فكرة مش واحد بيعاكس و لازم تردي عليه كده علشان ميتصلش تاني دا لو مكانش دا اللي تقصديه من اسلوبك ده.
رقية : أنا اللي مش فاهمه في ايه و مبقتش عارفه ايه اللي يرضيك بصراحه يا علي يعني من يوم ما رفضت إني اخرج معاك نشتري الفستان اللي مفروض كنت هحضر بيه فرح ملك و أنت متغير و قالب عليه معرفش كان مفروض أوافقك و نخرج لوحدنا علشان تبقى مبسوط و متقلبش عليه القلبه دي و لا اعمل ايه.
علي : رقية اقفلي.
رقية : حاضر هقفل بس متبقاش تزعل بقى لما تتصل و مردش.
علي : لا عادي براحتك سلام.
و قفل علي التليفون.
رقية : بقى كده تقولي اقفلي و تروح قافل قبليه اوك يا علي اما اشوف أنا بقى ايه اللي مغيرك بالشكل ده.
_________
في شقة سيف.
سيف : ايه مالك فاجئتك بطلبي ده؟
مليكة : يعني عمري ما فكرت خالص في الموضوع ده.
سيف : أنا عارف بس شايف بابا تعبان من الوحدة اللي هو فيها هنعيش معاه كام يوم كده و لو ارتاحتي هناك كان بها مرتحتيش يبقى خلاص براحتك.
مليكة : يعني ايه براحتي مش فاهمه؟
سيف أنت عارف أنا بحب باباك قد ايه بس بقولك أنا مفكرتش نروح نعيش هناك يعني اللي توقعته العكس باباك يجي يقعد معانا هنا.
سيف : بابا مش عاوز يسيب بيته و أنا مش قادر استحمل قعاده كده لوحده.
مليكة : طب اديني فرصه أفكر.
سيف : اوك يا مليكة براحتك.
مليكة : سيف ممكن من غير زعل أنت قولتلي براحتك فمتجيش دلوقت و تزعل.
سيف : مين قالك إني زعلان؟
مليكة : ما هو طريقة كلامك بتقول كده.
سيف : لا يا حبيبتي عادي براحتك تصبحي على خير.
__________
بعد كام يوم... في الصباح.
أمل واقفه عند باب غرفة مراد.
أمل : رايح فين؟
مراد و هو بيزرر القميص : نازل الجامعة يا مامي.
أمل : نازل الجامعة و لا رايح حتة تانية؟
مراد : أنا وعدت حضرتك إن مفيش حتت تانية و هركز في دراستي علشان امتحانات الترم قربت.
أمل : ياريت تبقى المرادي بجد فاكر وعدك لباباك؟
مراد : كانت غلطه و مش هتكرر تاني
مامي حضرتك تعرفي واحد صاحب بابي اسمه ماهر؟
أمل : لا معرفش بتسأل ليه؟
مراد : هاه! لا ابدا و لا حاجه.
أمل : طب أنزل افطر يلا.
مراد : حاضر.
أمل : مراد أنت نازل الجامعة صح؟
مراد : يا حبيبتي أنا مبكذبش.
أمل : نفسي اصدقك من كتر ما بتكذب خلاص فقدت الثقه فيك.
مراد : مبكذبش المرادي صدقيني.
أمل : طب يلا.
أنت تقرأ
أنت قلبي الجزء الثالث
Manusia Serigala(زواج _ حب _ صداقة) جمعت بين أبطال قصتنا لكن حياتهم مش دايماً هادئة ما تيجو نشوف الجزء الثالث من أنت قلبي و اللي مش متابع معانا من الأول يقدر يدخل على الأجزاء السابقه أو يبدأ معانا هنا 👈 حلقتين في الاسبوع..
