#انت_قلبي٣
#بوسي_مصطفى
_____________
الحلقة ٦
في مطعم فوزية.
صديقة فوزية : حاولي تنسي بدل ما انتي عماله تهري كده في نفسك أعصابك مش كده هو ميستاهلش اصلا ارمي ورا ضهرك يا فوزية و التفتي لحياتك محدش هينفعك يا أختي.
فوزية : سنتين اهوه من وقت الحادثة اياها و مش قادرة انسى مش قادرة انسى خيانتهم ليه هما الاتنين
طب هو و ندل و قليل الاصل و كنت عارفه من أول ما تخلى عني و لبست أنا القضية بداله بس كملت و أنا عارفه إنه ميتبكيش عليه بس اللي تاوتها في بيتي و لمتها من الشوارع و اعتبرتها أخت ليا تخوني ليه؟!
صديقة فوزية : معلش بقى اعذريني انتي اللي غلطانه حد يحط البنزين جنب النار و بعدين يرجع يسأل هي الدنيا ولعت ليه؟!
فوزية : عندك حق بس أنا وثقت فيها أصل ناصر مكانش من قيمتها أنا عارفه إن أصلها واطي بس كانت شايفه نفسها و دايما محسساني إنها بنت ناس لحد ما اكتشفت العكس.
صديقة فوزية : اخدت جزاءها و راحت لحالها خلاص بقى انسي.
فوزية : هنسى لما اخد بتاري و اعرف الكل هي مين
و ماتت ازاي.
صديقة فوزية : و هما الناس يعني مش عارفه؟!
فوزية : مش كلهم أهم ناس اللي مفروض يعرفوا هما اللي مخبين عنهم كنت بشوف اختها بس في المحكمه و مرة واحدة بس شوفت طليقها.
صديقه فوزية : عندها ولاد عايزة تعرفيهم؟
فوزية : ايوه و زمان الملف وصلها.
صديقة فوزية : هي مين؟
فوزية : بنتها ما هو أنا قعدت ادور و ابحث عن قرايبها و عرفت عنوان اختها بس دي متهمنيش في حاجه هي عارفه كل حاجه إنما عنوان ولادها دا المهم و اهم حاجه يوصل لبنتها.
صديقة فوزية : اشمعنه بنتها يعني بالذات؟
فوزية : عرفت إن فرحها قريب و أنا مش هستريح غير لما أوجع هايدي زي ما وجعت قلبي.
صديقة فوزية : هايدي ماتت يا فوزية هتوجعيها ازاي؟!
فوزية : مش يمكن تحس بيها و بكسرة قلبها بعد ما تعرف حقيقة أمها.
صديقة فوزية : بلاش الأذى دا يا فوزية ولادها ملهمش ذنب.
فوزية : و أنا يعني كان ذنبي ايه علشان يوجعوا قلبي كده؟
_______________
في فيلا عُمر.
نورهان : تفتكري اخر مرة جيتي هنا فيها يا أمل؟!
أمل : هههههههههههه لأ
معلش يا نور مشاغل بقى.
نورهان : مشاغل ايه يا حبيبتي الولاد كبروا خلاص طب هشام و بنعذره علشان عارفين إن شغله واخد معظم وقته إنما حضرتك مشغوله في ايه بقى
مش مراد دخل الجامعة خلاص باقي زينة و دي أمرها سهل.
أمل بتنهيده : اااه من مراد أهو دا بقى اللى جابلي الضغط و مش عارفه هيحصلي ايه تاني بسببه.
نورهان : بطلي افترى بقى
مراد دا زي النسمه هو بيعمل حاجه؟!
أمل : لا خالص مبيعلمش شكلك كده متعرفيش حاجه.
نورهان : ايه اللي حصل؟
أمل : مش عايزة أوجع دماغك أنا جايه علشان انسى.
نورهان : هههههههههههه للدرجادي تاعبك؟
أمل : ليلى و شادي عاملين ايه؟
نورهان : ليه هو انتي مشوفتهمش من امتى؟
أمل : لأ بشوفهم عادي مفيش غير الجُمعة اللي فاتت مجوش شادي قالي إنه تعبان شوية من ضغط الشغل و حابب يريح في البيت.
نورهان : كويسين دا على حد علمي يعني ليلى قالتلي كده.
أمل : اه.
نورهان : اه ايه؟
أمل : معرفش بس دايما بحس إنهم شادين مع بعض حتى لما ييجوا مبيتكلموش كده معانا كل واحد واخد جنب لوحده.
نورهان : مش عارفه بس طالما محدش بيشتكي يبقى روقي دماغك مدقيش علشان متتعبيش.
أمل : عندك حق.
________
أنت تقرأ
أنت قلبي الجزء الثالث
Werewolf(زواج _ حب _ صداقة) جمعت بين أبطال قصتنا لكن حياتهم مش دايماً هادئة ما تيجو نشوف الجزء الثالث من أنت قلبي و اللي مش متابع معانا من الأول يقدر يدخل على الأجزاء السابقه أو يبدأ معانا هنا 👈 حلقتين في الاسبوع..
