أنت قلبي الجزء الثالث

الحلقة ٧٥

#انت_قلبي٣
__________
الحلقة ٧٥

في شقة طارق.
مازن : معرفش يا ماما بس أنا أصلا مبرتحش لحد من عيلة بابا معلش متزعليش مني.
مريم : عندك حق اللي شوفناه منهم لازم يخلينا نخاف منهم بس اقولك حاجه أنا لـ أول مرة احسن إن عمك سعيد عاوز فعلا يخلصنا من شبكة محمود دي هو يعرف يتصرف معاه يعني نسيبله الأرض ويصطفلوا هما مع بعض ولا ايه رأيك يا ماما؟
هنادي : لا أنا مليش رأي أنا بسألكم انتم عاوزين تبيعوا ولا لأ انتو أحرار.
مريم : أنا موافقة.
هنادي : قولت ايه يا مازن؟
مازن : اللي تشوفيه يا ماما.
هنادي : يا حبيبي ما قولتلك أنا رأيي مش مهم انتو أصحاب الشأن مليش فيه أنا.
مازن ونظر لمريم : خلاص موافق.
نظرت له مريم بفرحه : هي الأرض دي تعملها قد ايه يا ماما؟
هنادي : هما عشرين قيراط وسألت هناك قالوا القيراط يعمل خمسين ألف.
مريم : خمسين في عشرين يعني مليون جنيه!
ههههههههههههه
حلو يا مازن يعني كل واحد فينا خمسوميت ألف.
مازن : أنا مش عاوز من الأرض دي أي حاجه.
هنادي : ازاي يعني دا حقك؟
مازن : حضرتك بيعتي البيت واشتريتي ليه العربية والشقة والباقي طبعًا قولتي دا نصيب مريم وأنا مش معترض في اللي يخص مريم بس أنا شايف إن دا كتير عليه هاخد كمان نصيبي في الأرض يبقى اتبقى لحضرتك ايه؟
هنادي : اتبقى ليه إني اشوفكم مبسوطين يا حبيبي هي دي سعادتي الحقيقية.
مريم : طلعت اجدع مني
خلاص يا ماما أنا مش عاوزه حاجه.
هنادي : مش عاوزه حاجه دا ايه دا حقك انتي وهو وأنا خلاص مش عاوزه حاجه من الدنيا غير إني اشوفكم في أحسن حال دا اللي هيريحني.
مازن : لا دا حقك كده حضرتك مأاخدتيش حاجه.
هنادي : عندي الشقة دي بتاعت باباك والمرتب اللي باخده هعوز ايه تاني أنا بس بوصيك أنت واختك لما تتجوزوا تعرف اللي هتتجوز ها وانتي كمان يا مريم إن دي شقتي يعني تسيبوني عايشه فيها لحد اما اموت وبعد كده ابقوا خدوها براحتكم.
مازن ومريم يحضنوا مامتهم.
مازن : بعد الشر عنك يا ماما.
مريم : ماما أنا بحبك قوي انتي أعظم أم في الدنيا.
تبسم هنادي ليهم وهي بتمسد على رؤسهم...
____________
في فيلا كريم.
فريدة : مش فاهمه يا حازم يعني عاوز ايه؟
حازم : أنا بس جيت افتحلك قلبي واقولك اني فعلا ندمان ومتأكد من مشاعري ومش بضحك على نفسي زي ما قولتي لو كرهتها أو مش فارقه معايا مكونتش حسيت بالفراغ اللي حاسس بيه دا دلوقت من غيرها مكونتش اشتاقت لحاجه وحنيت لـ أيامنا زمان مع بعض صحيح كنا بتتخانق كتير بس كان وجودها في حياتي عامل حاجه كده مش قادر اوصفهالك يمكن حاسه بـ اللي اقصده
عارف إني ظلمتها وأنا اللي عملت كده في نفسي وكان معايا جوهرة مقدرش انكر بس لو تفتحلي قلبها لو تديني ريق حلو اعرف اتكلم معاها لكن طول الوقت بتصدني وبتقفل أي حوار ممكن يؤدي للصلح.
فريدة : حازم أنت مدرك عملت ايه وهي صبرت عليك قد ايه الموضوع مش بالسهوله اللي أنت متصورها ندى مجروحه والجرح دا صعب جدًا إنه يتقفل ندى مش هتنسى اللي عملته حتى لو رجعتوا لبعض متتخيلش إن الحياه ما بينكم هتبقى في أفضل حال.
حازم : هنحاول يا فريدة علشان خاطري بس الولاد.
فريدة : كان فين الولاد يا حازم وأنت بتتعامل معاها بالاسلوب ده؟
حازم : ما أنا اعترفت إني كنت غلطان وصلحت اهوه من نفسي ومهما كانت المغريات قدامي مبتهزش لإني عاوز اكمل نضيف بقى.
فريدة : دا لنفسك أنت متحطش دا قصاد ده يعني مش معنى إن اللي في دماغك محصلش ترجع تاني للي كنت فيه.
حازم : لا خلاص مفيش الكلام سواء ندى موجودة في حياتي أو لأ بس الفكرة إني مش عاوز النهاية بتاعتنا مع بعض تبقى بالشكل ده نفضل متجوزين لـ اخر يوم في عمرنا يعني يرضيكي إن الولاد كل واحد فيهم عايش بعيد عن التاني.
فريدة : طب ما أنا اتكلمت معاها فعلا لكن هي رافضة وبتضايق جدًا لو الحوار دا اتفتح معاها سيبها يا حازم يمكن تيجي هنا من نفسها وتقولك لسه بحبك ومش قادرة اكمل حياتي من غيرك.
حازم : عمرها ما هتقولها حتى لو حساها يا فريدة
انتي كده متعرفيش ندى.
فريدة : لأ عارفه بس بقول يمكن.
حازم : طيب تصبحي على خير.
فريدة :ايه رايح فين اقعد شويه.
حازم : لا اقعد ايه أنا لازم اروح بقى عندي شغل الصبح هو كريم هيتأخر؟
فريدة ' مش عارفه أنت عارف معندوش مواعيد.
حازم : معلش يا فريدة اهو وجودة وسطكم اخر الليل بالدنيا كلها كريم ابن عمي ابن حلال حافظي عليه.
فريدة : دا ايه ده حد قالك اني بفكر افرط فيه ولا ايه؟!
حازم بابتسامة : لأ طبعًا أنا عارف انتو قد ايه بتحبوا بعض بس حبيت افكرك متعمليش زيي علشان أنا ندمان.
فريدة : معلش يا حازم بكرة تتعدل.
حازم : تصبحي على خير.
فريدة : وأنت من أهل الخير.
______
في فيلا آسر.
قاعدين يسمعوا صوت العربية ايوه الولاد عارفين صوت العربية بتاعت سهر يخرجوا كلهم.
كانت سهر وقفت بالعربية قدام البيت.
بيفتحوا الباب كان سهر شبه نايمه.
يسندها مجدي وعلي ويدخلوا بيها جوه.