أنت قلبي الجزء الثالث

الحلقة ٥

#انت_قلبي٣
#بوسي_مصطفى
_______________

الحلقة ٥

في فيلا مراد.
أمل : قولت لأ مش هقوله حاجه.
مراد : علشان خاطري يا مامي.
أمل : بابي مش هيوافق و أنا كمان مش موافقه.
مراد : هيسمع كلامك و يوافق أنا عارف علشان خاطري بقى يا مامي.
أمل : أنت اصلا ازاي تطلب طلب زي دا بعد عملتك السوده دي؟!
مراد : عملت ايه يعني كل الولاد اللي في سني بيروحوا أماكن زي دي.
أمل : متأكد إنهم كلهم بيروحوا الأماكن دي؟!
مع إني أعرف إن اولاد صحباتي ميستجروش يعدوا من جنب الأماكن الزباله دي.
مراد : يعني كانت مجرد تجربه مش لازم الواحد يجرب كل حاجه.
أمل : السم كمان في ناس ممكن تاخده علشان تنهي حياتها حضرتك تحب تجربه؟!
مراد : بس دا مش سم مبيموتش يعني هي تجربة لذيذة حبيت اجربها.
أمل : لذيذة ازاي يعني انت شايف لما تروح مكان زي دا و تقابل ناس بالشكل دا تبقى تجربة لذيذة و بعدين هناك بقى بيقدموا مشروبات ايه علشان ابقى عارفه؟
مراد : مشربتش هناك غير المياه.
أمل : اوك هعمل نفسي مصدقه بس مفيش سفر يا مراد و لو مصمم يبقى اتكلم مع بابي.
مراد : حضرتك عارفه إن بابي مستحيل يوافق لكن لو حضرتك كلمتيه هيوافق.
أمل : و أنا مش هتكلم معاه بقى قولت ايه؟
مراد : بقى كده طيب.
أمل اخدت المجلة اللي تركتها على الطاولة مرة تانية و بتقلب فيها.
أمل : أنت قاعد هنا بتعمل ايه؟!
مراد : يعني مفيش فايدة؟
أمل : ايوه و حل عن دماغي بقى.
يطلع مراد فوق تتنهد أمل بضيق.
_____________

في شقة زوج علا.
على السفرة.
علا بتكلم نفسها : يعني جيت اضايقه ضايقت أنا نفسي زمانه دلوقت  مفكر إنه لسه شاغل دماغي و ندمانه علشان انفصلنا
و فرحان بنفسه قوي غبيه ما هو مكانش ينفع اقول الكلام دا معرفش كان عقلي فين وقتها بقى كده يا ياسمين باعته باباكي علشان يطلب مني أبعد عنك و أنا اللي كان قلبي على مصلحتك بكره تيجي تقوليلي ألحقيني يا ماما.
جاد : علا انتي مبتاكليش ليه؟
مردتش.
جاد : علا أنا بكلمك سرحانه في ايه؟
علا : هاه كنت بتقول حاجه يا جاد؟
جاد : لا دا انتي مش معايا خالص
ايه روحتي فين و لا لسه بتفكري في ياسمين؟
علا : متجبليش سيرتها.
جاد : ليه بس هي عملت ايه دي حقها هي اللي تزعل من اللي عملتيه في جوزها.
علا : عملت ايه دا برضو بدل ما تشكرني إني عايزة احافظ على كرامتها ما هي كرامتها من كرامتنا برضو و هو لما ميعبرش أهلها و لا يطلع عندهم مش دي إهانه لينا؟
جاد : اللي عايز يطلع يطلع و اللي مش عايز براحته السؤال المهم في الحوار دا كله إنه كان بيطلع عندنا عادي ايه بقى اللى حصل خلاه يتصرف معاكي كده و برضو هو حر مش هطلعه عندنا بالعافية.
علا : من غير سبب مستقل بينا و حضرتها شايفه إن دا عادي جدا شوفت بنتي بتعمل فينا ايه؟
جاد : الكلام دا مش داخل دماغي على العموم هما أحرار و متدخليش في حاجه تخصهم بقى.
علا : لا مش هدخل و خليها هي بقى تشرب من حضرته خليه يقعد يبيع و يشتري فيها ما هو اللي ملوش خير في أهله ملوش خير في حد.
جاد : كُلي يا علا و قفلي على الموضوع ده.
_____________