#انت_قلبي٣
__________
الحلقة ٩٠
في فيلا آسر.
مجدي بيجري ورا يوسف.
مجدي : خُد يالا هنا.
مليكة تقوم تجري تاخد ابنها.
مليكة : بتجري وراه ليه تعالى يا يوسف؟
مجدي : انتي مش قاعدة وشايفاه عمال يقطع قي الورد اللي في الجنينه؟!
مليكة : دول كام وردة بس هاتهم يا يوسف.
مجدي : كام وردة بس!
قطع كل الورد اللي في الجنينه يا يوسف يا حبيبي ولا يهمك.
وقعد بتنهيدة.
مليكة : ايه مالك؟
مجدي : هي مامي مقالتلكيش؟
مليكة : اه تقصد مراد واللي حصل معاه؟
اه قالت لي في أخبار جديدة؟
مجدي : لأ.
مليكة : قابلت زينة؟
مجدي : لا مشوفتهاش.
مليكة : ليه مش كان واجب روحت هناك.
مجدي : اروح فين بس؟ انكل هشام في الشركة لـ أما في القسم واللي موجودين في الفيلا طنط أمل وزينة وهما مش رايقين اصلا للزيارة والكلام ده.
مليكة : مقصدش كده أنا كنت اقصد إنك توقف جنبهم يعني.
مجدي : ما أنا مش عارف اعمل ايه لو بـ ايدي حاجه أكيد مكونتش اتأخرت.
مليكة : طب من وقت لـ تاني ابقى اتصل اطمن عليها واعرف ايه الجديد.
مجدي : ما هو دا اللي بعمله شايفه ابنك؟
مليكة : متركزش معاه سيبه يلعب.
مجدي : وهو كده بيلعب خُد يالا هنا.
وقام مجدي ليوسف.
مليكة : وبعدين بقى أنا كده هقوم امشي.
سهر جايه : تمشي تروحي فين الغدا جهز هات يوسف يا مجدي وتعالى.
مليكة : مامي حضرتك روحتي لعلي؟
سهر : لأ لسه مروحتش.
مليكة : طب ممكن بعد الأكل نروحهم؟
سهر : ماشي أنا كنت اصلا ناويه اروحلهم النهاردا كده حمستيني أصل رجعت فكرت إن مش هينفع نروح في ظروف زي دي.
مليكة : بس دا ملوش علاقة بده صحيح كلنا زعلانين ومضايقين بس كلها نص ساعة يعني نحسسهم إنهم عرسان والناس جايه تباركلهم.
سهر : عندك حق ومش لازم نفتح معاهم أي حاجه تعكنن عليهم.
مليكة : ممكن تكون رُقية عرفت مش باباها برضه مع انكل هشام في الحوار ده.
سهر : ايوه بس يمكن محدش قالها يلا يا مجدي.
مليكة : شايفه يا مامي ماسك يوسف ازاي؟!
سهر : يا ابني نزله هتوقعه كده.
مجدي : متخافوش وبعدين ما يوقع إلا الشاطر دا شقي شقاوة.
مليكة : سيب شعره.
مجدي : هحلقهوله.
مليكة : طب ابقى بس اعمل كده وشوف أنا هعمل فيك ايه.
مجدي : يلا ياض علشان تاكل.
سهر : وبعدين قولنا ايه؟
مجدي : بلاش ياض دي علشان بتضايقني اسمها واد.
سهر : أنت بتقلدني؟!
مجدي : لا يا ست الكل محدش يقدر يقلدك أبدًا مفيش غير سهر مجدي واحدة بس.
سهر : ماشي ولو إني عارفه إنك يثبتني بس هعديهالك.
__________
في شقة كمال ونادين.
هدى : امال مليكة فين يا سيف؟
سيف : في بيت باباها ليه؟
هدى : لا أصل مش سامعه صوت يوسف ولا الدوشه اللي بيكون عاملها في البيت هو أنت مبتروحش هناك؟
سيف : بروح عادي بس بسيب مليكة براحتها وبالليل بروح اخدها من هناك واقعد نص ساعة ولا حاجه.
هدى : طب كويس.
سيف : هو ايه اللي كويس؟
هدى : يعني إنك بتراضي الكل.
سيف : اه.. تمام
هدى ممكن سؤال؟
هدى : اتفضل.
سيف : ومتعتبروش تطفل مني يعني ولا حاجه وخُدي الموضوع من منظور أخ بيطمن على أخته.
هدى : يطمن عليها بخصوص ايه بقى؟
سيف : بخصوص علاقتك بدكتور معتز.. تمام يعني ولا في حاجه حاصله ما بينكم؟
هدى : لما اشتكي ابقى اسأل.
سيف : اه يعني مفيش حاجه أفهم من كده يعني ولا ايه؟
هدى : سيف ياريت تركز في حياتك.
سيف : بجد احسن حاجه قولتيها ياريت فعلا كل واحد يركز في حياته وميشغلش نفسه بغيره.
هدى : حاضر.
جاي كمال من بره يقعد يستريح.
سيف : ايه اللي اخرك كده يا بابا؟
هدى : ليه هو بابا كان فين؟
_________
في شقة علاء.
علاء : لا عديت على عمي وأنا طالع وقال لي إنه جاي.
أنس : هنزل لجدو.
علاء : هو باباك مش جاي ولا ايه يا أنس؟
أنس : لأ بابا مش جاي.
علاء : ليه؟
أنس : معرفش.
علاء : افتح الباب يا كريم.
كريم : حاضر يا بابا.
علاء : دا تلاقيه معتز منور يا دكتور.
آدم : البيت منور بحضرتك يا عمو.
علاء : هههههههههههه ياسين يقولي خالو وأنت تقولي عمو ما ترسيلكم على حل بقى.
كريم : هههههههههههه
علاء : أهو العريس جه اهوه.
يدخل ياسين يسلم عليهم : عريس ايه بقى يا خالو؟!
علاء : اهوه شوفت مجبتش حاجه من عندي.
يسلم ياسين على كل اللي موجودين.
أنت تقرأ
أنت قلبي الجزء الثالث
Werewolf(زواج _ حب _ صداقة) جمعت بين أبطال قصتنا لكن حياتهم مش دايماً هادئة ما تيجو نشوف الجزء الثالث من أنت قلبي و اللي مش متابع معانا من الأول يقدر يدخل على الأجزاء السابقه أو يبدأ معانا هنا 👈 حلقتين في الاسبوع..
